21 Huli ta sa sacuyá an pagcabuhay iyo si Cristo, asin an pagcagadan iyo an paquinabang ó tobó.
22 Alagad con an pagcabuhay dian sa laman, iyan sa sacuyá maguing bugña nin gaué-gaué, day aco macacaaram con siring con arin an pipilion co;
23 Huli ta sa duang bagay namumugtac aco sa capiotan, na nagmamauot aco na macatalingcas, asin pomadian sa qui Cristo, na iyan iyo an orog carahay:
24 Alagad mamúgtac dian sa laman iyo an orog na caipuhan dahelan sa saindo.
25 Asin sa panarig co caini, aram co na mauaualat aco, na matatadá ó magdadanay pa aco sa caibahan nindo gabos, manogñod sa saindong paquinabang asin caogmahan nin pagtubod;
26 Tagñaning magtobó an saindong camurauayan dapit sa sacuyá dian qui Cristo Jesús huli can pagdatong co liuat sa saindo.
27 Na magorolay-olay sanang gayo camo siring sa magcacanigó dapit can evangelio ni Cristo; tagñaning, ó minsan pomadian aco sa paghiling sa saindo, ó na daday mayó aco dian, macadagñog aco sa saindo na nagdadanay camo sa saró sanang espíritu, sararó ó biriyó sana na nagpapaquilaban sa caibahan man huli can pagtubod sa evangelio,
28 Asin day sa anoman napapatacot nin si magña minasubay na sa sainda totoo nanggayod sarong tindaan sa pagcalagalag ó pagcagadan, alagad sa saindo (tindaan) sa pagcabuhay ó carahayan; asin iyan guican sa Dios.
29 Huli ta sa saindo itinogot ni Cristo, bacó sana na magtubod camo sa saiya, condi man na magtios camo huli sa saiya,
30 Na magtios camo can casaquitan man na naquita nindo sa sacuyá, asin gñunian nadagñog nindo na uya sa sacuyá.
1 Cayá, con igua nin tibaad nang caragñaban dian qui Cristo; con igua nin tibaad nang alimio ó paquinabang sa pagcamoot; con tibaad nang paquinabang sa Espíritu; con tibaad nang magña calodocan asin magña pagcaherac,
