camoot magdacol logod pa nin labi sa pagisip asin sa gabos na pacamidbid,
10 Tagñaning mapaghorop-borop nindo itong orog carahay; na magui camong magña malolodoc asin day nin casálan manogñod sa aldao ni Cristo;
11 Magña panó can magña bugña niñ catanosan, na anan huli qui Jesucristo, sa camurauayan asin caomauan nin Dios...
12 Asin boot co, magñs tuğang, na macaaram camo na si magña bagay na nangyari sa sacuyá, naguing orog pang paquinabang nin evangelio;
13 Malá ta si sacuyang magña pagcabilangó anan na naguing magña mahalaga ó bantog dian qui Cristo sa bilog na nasasacopan, patin sa gabos na magia iba pa;
14 Asin dacol sa magña tugang dian sa Cagurangnan, na nagñaghigñoa huli can sacuyang magña pagcabilangó, nangñagñahas pa nin labi sa pagsabi can tataramon day nin catacutan.
15 Asin an magña nagcacapirá, sa catotoohan, pinaghuhulit si Cristo huli sana sa caurihan asin paquigpasubay; alagad án magña iba man huli sa marhay na boot.
16 An magña iba ipinagbabalagñibog si Cristo sa paquipag-iual, bacong sa calodocan, na naghohoná na macacadugang nin camondoan sa sacuyang magña pagcabilangó;
17 Alagad si magña iba huli sa pagcamoot, ta nacacatalastas na ibinugtac aco huli sa pagsorog can evangelio.
18 Cayá ano dao? Na minsan siring, sa gabos na magña paágui, ó huli sa padahelanan, ó huli sa catotoohan, iquinapagbalagñibog si Cristo; asin digdi caini nagoogma aco, asin magoogma pa aco.
19 Háros ta naçacaaram aco na ini magbabalic sa sacuyá na manini carahayan, huli can saindong pamíbí, patin huli can paguaras nin Espíritu ni Jesucristo;
20 Siring sa sacuyang paghonáhoná asin paglaom, nu sa anoman day aco masasalá; condi marhay pa sa bilog na capanarigan, siring sa guiraray, gñunian man magdadaculá si Cristo sa sacuyang hauac, ó sa pagcabuhay ó huli sa pagcagadan.
