an gabos na mabini, an gabos na matanos, an gabos na dalisay, an gabos na mamomóton, gabos ito na sa marhay na paggñaran; con igua nin tibaad nang cabagsican, con tibaad nang caomauan, dian caiyan mag horop-horop camo.
9 Idtong nagcanoródan nindo, asin nacamtan nindo asin nadagñog nindo patin nahiling nindo sa sacuyá, ini guibohon nindo; asin an Dios nin catoninogñan mapapa-saindo.
10 Alagad sa macuring gayo nacapagogma aco sa Cagurangnan dahel can pamugña guiraray sa catapusan can saindong pagñataman sa sacuyá; na dapit caiyan magña mahigñoahon guiraray camo, alagad nagcuculang sa saindo an capanahonan.
11 Day co isinasabi íyan huli sa cadayhon, háros ta nacanood aco na maogma sana can sadiri cong nacuacua.
12 Tatao aco na masa capacumbabáan, tatao aco na masa caiguahon ó na magcaigua nin dacol: sa gabos asin sa anoman natocdóan aco, siring minsan sa cabasugan minsan sa cagotoman, siring man sa pagcamit nin dacol asin sa pagtíos nin caipuhan.
13 An gabos na iyan matitios co dian qui Cristo na nagpaparigon sa sacuyá.
14 Alagad, marhay an naguinibo nindo na nagdaramay camo sa sacuyang casaquitan.
15 Nacacaaram man camo, oh magña Filipenses, na can pagpoon nin si Evangelio, nin si paghalé co sa Macedonia day nin saró man na Iglesia na sominabi sa sacuyá dapit sa pagtao asin pagacó, condi camo sana.
16 Háros ta minsan duman sa Tesalónica pinadarhan aco nindo can magcacanigó ó caipuhan macasaró asin macaduang véces.
17 Bacung aco huli ta naghahanap nin magña dolot; condi naghahanap aco nin bugña na magdacol sa saindong cabilagñan.
18 Alagad si gabos anan na inacó co, asin igua aco nin dacol; panó aco, pacacamtí co sa qui Epafrodito itong ipinahatod nindo, amio nin carahayan, atang na inacó, maogma sa Dios.
19 An sacuyang Dios nangayod dadagdagan si nagcuculang
