1 Magna áquí, cumuyog camo dian sa Cagurangnan sa saindong magña caganác; háros ta ini iyo an matanos..
2 Galagñi an saymong Amá patin an saymong Iná, na iyo an enot na togon na igua nin panugá,
3 Tagñaning mapacarahay ca, asin homalabá an saymong buhay sa ibabao nin dagá.
4 Asin camo, magña caganác, day nindo pagagñaton sa caangotan an saindong magña áquí; condi padaculáa nindo sinda sa pagotob asin sa cahatolan nin Cagurangnan.
5 Magña oripon, cumuyog camo sa saindong magña Cagurangnan sono sa laman sa pagcatacot asin pagtaquig, sa capacumbabaan nin pusó nindo siring sa qui Cristo;
6 Na day maglingcod sa matá siring can magña nacacapaogma sa magña tauo; condi siring sa magna oripon ni Cristo, na guibohon sa boot an cabótan nin Dios;
7 Na maglingcod sa marhay na boot, siring sa Cagurangnan, asin bacong sa magña tauo.
8 Sa pacatalastas na marhay na guibohon nin lambang saró, ini macacamtan sa Cagurangnan, minsan siya oripon minsan libre ó hiuas.
9 Asin camo, magña Caguranguan, guiboha nindo sa sainda iyan man sana, na pabayaan an magña paghomá: sa pacatalastas na an Cagurangnan ninda asin nindo man yaon sa calagñitan, asin na day nin pinapalaen na tauo dian sa saiya,
10 Dapit sa magña iba pa, magña tugang co, pagpacarigon camo dian sa Cagurangnan, asin dian sa cabagsican nin saiyang casarigan.
11 Managgubing camo can gabos na calasag nin Dios, tagñaning macapanumang camo nin marigon sa magña padayá nin diablo.
12 Háros ta day mayó quita nin paquipaglaban tumang sa dugó asin laman; condi tumang sa magña cahadéan, tumang sa magna capangyarihan, tumang sa Cagurangnan nin quinában, an magña naghahadé sa magña cadicloman na ini, tumang sa magña casalan sa espíritu dian sa magña doros.
