13 Cayá, gamita nindo an gabos na pagñalasag nin Dios, tagnaning macapanumang camo sa maraot na aldao, asin macapagdanay, con matapus na an gabos.
14 Cayá magñag-danay camo, na magcadarasoc an saindong magna laman nin catotoohan, asin magña samnó nin gubing ó lipod nin catanosan,
15 Asin magcasorólógan an magña bitis can pagnandam nin evangelio nin catoninogñan;
16 Sa gabos caini, na gamiton an calasag nin pagtubod, na icacapayápá nindo sa gabos na magña mapapanas na calayo nin sugot.
17 Asin gamita nindo an calasag ó agao sa buhay, asin an espada nin Espíritu; na iyo an tataramon nin Dios.
18 Na mamibí sa gabos na panahon sa macuring pag-gñayó-gñayó asin paquimaherac sa Espíritu, asin na magpuca dian sa bilog na paghignoa asin paquimaherac huli sa gabos na magña santos,
19 Asin huli sa sacuyá, tagñaning itao sa sacó an pacataram sa pagbuca nin sacuyang gñosó sa capanarigan, sa pacapagpamidbid can misterio ó gñagñalasan nin Evangelio,
20 Nin huli caiyan aco an parabaretá na sorompay; (ó pagcasorosoronod); na sa casaysayan nagtaram aco dapit caiyan, siring sa maninigó cong ipagtaram.
21 Alagad tagñaning camo man macatalastas can sacuyang magña catuyuhan ó guiguibo, asin con páano an pagcabuhay co dian, an gabos na iyan ipapatalastas sa saindo ni Tichico, tugang na namomotan asin macuyog na may catongdan dian sa Cagurangnan :
22 Na siya isinobol co sa saindo manogñod caiyan man sana, tagñaning masabotan nindo itong mapadapit sa samuyá, asin na ragñahon niya an saindong magña pusó.
23 An catoninogñan macamtan nin magna tugang asin an pagcamoot na iguang pagtubod, sa Dios Amá asin sa Cagurangnan na si Jesucristo.
24 An biyayá macamtan can gabos na namomoot sa Cagurangnan tang Jesucristo sa calodocan. Auot pa.
