21 Magña magcucuyog an magña iba sa ibang magña cápua man sana dian sa pagcatacot sa Dios.
22 An magña agom na babae magcuyod sa magña agom nindang lalaqui, siring man sa Cagurangnan.
23 Huli ta an agom na lalaqui iyo an payo nin agom na babae, na siring man si Cristo iyo an payo nin Iglesia; asin siya iyo an nagtátao nin buhay ó carahayan sa hauac.
24 Cayá na, huling an Iglesia nacucuyog qui Cristo, siring man an magña babaeng may agom cumnuyog sa saindang magña agom na lalaqui sa gabos na bagay.
25 Magña agom na lalaqui, camoté nindo an saindong magña agom na babae, siring qui Cristo na namoot sa Iglesia, asin ominatang sa saiya man sana huli caiyan (Iglesia).
26 Sa pagpacamahal sa saiya na lininigan sa pinaghuhugasan nin tubig huli sa tataramon,
27 Sa pagpahayag sa saiya caiyan na mamurauayon manogñod sa saiya, sarong Iglesia na mayó nin digtá minsan coró, minsan pa anong bagay na macacabaing; condi na maguing mahal asin day mayong digtá.
28 Siring man an magña ago na lalaqui maninigong mamoot sa saindang magña agom na babáe siring sa sainda man sanang magña hauac. An namomoot sa saiyang agom na babáe, sa saiya man sana namomoot siya.
29 Háros ta day nin siysay man na nabaldi sagcod lamang sa saiya man sanang rogaring na laman, condi binubuhay asin dinodolotan, siring man si Cristo sa Iglesia;
30 Háros ta anan quitang magña cabtang nin saiyang hauac, nin saiyang laman patin nin saiyang magña túlang.
31 Huli caiyan pabayaan nin lalaqui an saiyang Amá asin an saiyang Iná, asin somaró ó domayopot siya sa agom niyang babae, asin manini sinda dua sa saro sanang laman.
32 An misteriong ini macuri ca daculá: alagad aco isinasabi co ini mapadapit qui Cristo asin sa Iglesia.
33 Alagad an lambang saró sa saindo sa saiya man sana, cámotan man an saiyang agom na babae siring sa saiya man sana; asin an babáe gomalang sa saiyang agom na lalaqui.
