15 Condi na cuyugon an catotoohan sa pagcamoot, magdugang quita sa gabos na magña bagay duman caito na iyo an payo, na iyo, si Cristo;
16 Na sa saiya, an gabos ó an bilog na hauac na nagcasararó asin marhay an pagcaborogcos sa sainda man sana sa gabos na pinag-casorog ponan nin saindang iquinabubuhay na cacanon, na quinacamitan siring sa guibo, an lambang cabtang siring sa saiyang socol minadugang an hauac na napapacarhay siya sa pagcamoot.
17 Ini nangayod isinasabi co, asin mínamauot co dian sa Cagurangnan, na day na camo maglacao nangayod na siring sa magña ibang Gentiles, na nagñaglalacao dian sa capaabacabauan nin saindang pacamaté,
18 Na an magña pagisip nadidicloman, day nin magña pacamid bid can pagcabuhay nin Dios huli can cacablasan ninda, huli sa catagasan nin saindang pusó:
19 Na sinda pacatapus na nagcaharaléan nin pacamaté nin pagisip, nagpandolot sa casopganan sa pacaguínibo sa calicsihan can gabos na gaueng marigsoc.
20 Alagad camo day nagpacanood nin siring dian qui Cristo:
21 Alagad con nadagñog nindo iyan, asin nagcatorocdoan camo niya, huli ta an catotoohan yaon qui Jesús,
22 Na pabayaan nindo, an gabos na gaué can enot na pagcabuhay, si gurang na tauo na may caugaléan siring sa magna pagmauot nin calibogñan ó casúlan;
23 Asin sa pagcabago nindo dian sa espíritu nin saindong pagisip,
24 Asin gubigñan an bagong tauo na linalang sonó sa Dios sa catanosan asin sa camahalan sa pagcatotoo.
25 Nin buli caiyan, pacapabayáe nindo can caputican, magtaram camo nin catotoohan an lambang saró sagcod sa magcasi niya tauo; háros ta anan quitang magña cabtang an magña iba nin magna iba man sana.
26 Magñag-isog camo asin day camo magcacasalá; day masirang an aldao sa ibabao nin saindong caangotan;
27 Day nindo tauan nin dalan an diablo,
28 Si naghahábon, day na sagcod maghábon; condi na mag-
