pagal siya na guibohon sa saiyang magna camot itong marhay, tagnaning igua nin sucat na icatao sa nagtitíos nin caipuhan.
29 Na day nin anoman na tataramon na masiuaua na lumuas sa saindong gñosó, condi na itong marhay na sa carahayan, ta gñaning macatao nin pasalamat ó macatao nin biyaya sa magña naghihinaniog.
30 Asin day nindo pagtauan nin camondoan an Espíritu Santo na sa saiya anan camong nabugtacan nin tandá manogñod sa aldao nin pagtubos.
31 An gabos na capaitan, asin pagcaangot, asin pagñisog, asin magña tígñog patin magña maraot na pagtataram magcaharalé sa saindo, asin an gabos na pagcasalá:
32 Condi na magpacamaboot camo an magña iba sa magña cápua man sana, magña maheheracon, na magpatarauadtauadan camo man sana, siring man can Dios na pinatauad camo dian qui Cristo.
1 Cayá magararog camo sa Dios siring sa magña áquing namomótan:
2 Asin maglacao sa pagcamnoot, siring qui Cristo na namótan man quita, asin diminolot sa saiya man sana huli sa satuya na atang asin dolot sa Dios sa maalimiong parong.
3 Alagad an pagsambay asin an gabos na carupitan, ò caimotan, day sucat nangayod magñaranan dian sa saindo, siring sa maninigó sa magña banal;
4 Day man minsan an magña tataramon na masiuaua, minsan an magña cacablasan, minsan an magña carugñauan, na day magcacanigó; condi gñani marhay pa an magña pagguibo nin pagpasalamat.
5 Háros ta naaaraman nindo ini, na day nin saró man na parapanambay, ó marompot, ó maimot, na siya paralingcod sa magña anito, igua nin pamana dunan sa cahadean ni Cristo asin nin Dios.
6 Day nin siysay man na domayá sa saindo sa magña tataramon na basang lamang; háros tá dahel can magña bagay na
