herac aco sa saindo na magñaglacao camo siring sa maninigó can pagapod na inapodan sa saindo;
2 Sa bilog na capacumbabaan asin cahoyoan, sa pacatios na tioson can magña iba an ibang magña cápua sa pagçamoot;
3. Magña masoripot sa pagotob can pagcasaró nin Espíritu dian sa gacod nin catoninogñan.
4 Sarong hauac, asin sarong Espíritu; siring sa camo man anan na magña inapod sa saró man sanang paglaom nin saindong pagcaapoda.
5 Sarong Cagurangnan, sarong pagtubod, sarong bautismo,
6 Sarong Dios asin Amá nin gabos, na siya an yaon sa ibabao nin gabos na magña bagay asin huli sa gabos na magña bagay, asin dian sa saindo gabos.
7 Alagad sa lambang saró sa satuya itinao an biyaya siring sa socol nin balaog ni Cristo.
8 Nin huli caiyan an olay: Na can siminacat sa caoroitaasi dinarang binihag an caoripnan, asin tinauan nin magña balaog an magña tauo.
9 (Asin na suminacat, ¿ano baga, condi na himinilig man enot sa magña camugtacan na nasa ibabá nin dagá?
10 Si himinilig, siya man sana itong siminacat man guiraray sa itaas nin bilog na calagñitan sa pagcaotob can gabos na magña bagay.)
11 Asin siya man sana tinauan sa catotoohan an magña iba, nin magña apóstoles; asin an magña iba, magña profetas; asin an magña iba, magña evangelistas; asin an magña iba, magña parapagñataman ó pastores asin magña paratocdó ó madodonong;
12 Sa pagpacarahay sa magña santos manogñod sa pagguibo can catongdan, na icacapacarahay can hauac ni Cristo;
13 Sagcod na quita gabos macaabot quita sa pagcasararó nin pagtubod asin nin pacamidbid sa Aquí nin Dios, sa sarong lalaquing sangcap ó mahusay, sa socol nin pagcabuhay nin cadaculaan ni Cristo:
14 Na day na quita siring sa magña áqui na nagpalid palid pa, asin magña daradara sain man nin gabos na doros nin pagtocdó huli sa padayá nin magña tauo, na sa pacadayà, guinagamit sa calicsihan an magña padayá nin casalan:
