10 Tagñaning an labilabing cadonogñan nin Dios icapatalastas can Iglesia ó catiriponan sa magña cahadéan asín capangyariban duman sa calagñitan,
11 Siring sa cabotan na daing hangan na guinibo dian qui Cristo Jesus na Cagurangnan ta:
12 Na dian sa saiya igua quita nin paglaom asin lalágan sa capanarigan huli can pagtubod sa saiya.
13 Cayá, hinahagod co na day camo magcarolonosan dahel can sacuyang magña casaquitan huli sa saindo, na iyan anan na saíndong camurauayan.
14 Huli can dahelan na ini linolohod co an sacuyang magña tohod sa Amá nin Cagurangnan tang Jesucristo,
15 Na sa saíya gñagñaranan an bilog na capagaraquían sa magña calagñitan asin sa dagá,
16 Na tauan camo síring sa magña cayamanan nin saiyang camurauayan, na anan na pacarigonon nin cabagsican dian sa tauo sa laog huli sa saiyang Espíritu.
17 Na omeroc si Cristo huli can pagtubod dian sa saindong magña pusó; tagñaning, huli ta magña dayopot asin nananarig dian sa pagcamoot,
18 Magpacatalastas camo nin marhay sa caíbahan nin magna santos gabos con guráno an cahalacbagñan asin an cahalabáan asin an cararoman patin an cahalangcauan,
19 Asin mamidbid an pagcamoot nin Cristo, na minalampas sa gabos na pacanood, tagñaning magcaparanó camo can bilog na cadaculáan nin Dios.
20 Asin caito na mapangyari sa pag-guibo can gabos na magña bagay nin orog ca labing gayo sa hinahagad niamo ó nasasabotan niamo, huli sa cabagsican na nacacasadol sa samuyá,
21 Sa saiya mapanogñod an camurauayan dian sa Iglesia huli qui Cristo Jesús sa gabos na magña pagcabuhay nin magña panahon. Auot pa.
1 Cayá aco, na nabibilangó sa Cagurangnan, naquiquima-
