27 Háros ta nasusurat: Magogma ca, babaeng bauas, na day ca nagñagñaqui: Cumurahao ca asin magagragñay ca, ica na day na sa pagñaquí: háros ta orog pang dacol an magña áquí caitong pinabayaan, sa igua nin agom na babae.
28 Cayá na, magña tugang, quita siring qui Isaac anan na magña áquí quita nin panugá.
29 Alagad huli baga ta itong ipinagñaquí nin siring sa laman, pinaglalamag itong namundag siring sa Espíritu, siring man sana gñunian.
30 Alagad ¿ano an sabi can casuratan? Tapucan sa luás an babaeng oripon asin an aquí niya; huli ta day maníní parapanonod an aquí nin babaeng oripon sa caibahan can áqui nin bacong oripon.
31 Con siring sa bagay, magña tugang, bacó quitang magña aquí nin si babaeng oripon, condi caitong libre ó bacong oripon.
1 Cayá magñagdanay nangayod camo dian sa caligtasan na naguinibo ni Cristo sa satuya sa pagligtas niya sa sató, asin day pa camo magpacabalic liuat pa magcabirilangó dian sa capangyarihan nin caoripnan.
2 Uya digdi aco si Pablo nagsasabi aco sa saindo, na con magpaturi camo, si Cristo day magpapaquinabang nin anoman sa saindo.
3 Asin sa liuat minabalic aco na sumuhay sa gabos na tauo na magpapaturi, na mapipirit siya na gomibo can bilog na ley ó togon.
4 Magña nagcuculang camo qui Cristo camo na huli can ley nagpapatotoo sa saindo man sana; sa biyayá nagpacabotas ó nagcahorolog camo.
5 Háros ta cami huli can Espíritu naghahalat camí can paglaom nin catanosan huli sa pagtubod.
6 Háros ta dian qui Cristo Jesús minsan gayod an pagturi day nin halagang cadiquit, minsan an day pagpaturi; condi an pagtubod na nangyayari ó naguiguinibo huli sa pagcaherac.
7 Camo nagñagdadaralagan nin marhay: ¿Siysay an nag-
