gñisan si sacuyang tucso na nasa sacuyang laman, condi na ínacó aco nindo siring sa sarong ángel nin Dios, siring sa qui Cristo Jesús.
15 Cayá háen dao nangayod an saindong capaladan? háros ta aco tinatauan co camo nin pagpatotoo na con mahihimo, pinauhuruluat cutána nindo añ saindong magña matá na itao sa sacuyá.
16 Cayá nangayod nagui acong caiual nindo, na nagsabi aco sa saindo can catotoohan?
17 Igua nin magña paghigñat sa saindo, alagad bacong marhay: condi na boot camo itapoc sa luás ta gñaning camo higñatan nindo sinda.
18 Marhay nangayod na magpaca magña mahigñat camo sa carahayan guiraray; asin bacó sana con yaon aco sa atubang nindo.
19 Magña saradit cong magña áquí, na magbabalic aco liuat na magñagñáqui sa saindo, sagcod na si Cristo mahaman siya dian sa saindo;
20 Binoboot co sa catotoohan na omontoc dian sa saindo, asin liuaton an sacuyang tigñog; háros ta nagdúduadua aco sa saindo.
21 Sabihi aco nindo, camo na magña boot na pomasacop sa ley, day camo nagpacadagñog can ley?
22 Háros ta nasusurat na si Abraham nagcaigua nin duang áquí; an saró sa oripon, asin si saró sa bacong oripon.
23 Alagad si guican sa oripon na babae namundag siring sa laman; si guican sa bacong oripon na babáe namundag huli sa panugá.
24 An siring na magña bagay ipinagsabi sa bararom na cahologan huli ta ining duang babaeng ini iyo an duang tipan; si saró sa catotoohan duman sa bolod na Sinay, na iyan nagñaqui manogñod sa caoripnan na iyo si Agar.
25 Háros ta an Agar ó Sinai sarong bolod iyan nin Arabia, na iyan cataracod can gñunian iyo an Jerusalem, na iyan maglilingcod sagcod can saiyang magña áqui.
26 Alagad an Jerusalem sa itaas bacong oripon siya; na siya iyo an Iná niato gabos.
