pogol ó nacaolang sa saindo na day camo somonod sa catotoohan?
8 An pagsadol na ini bacó caito na nagaapod sa saindo.
9 An cadiquit na levadura mina-osbog an bilog na masa.
10 Aco nananarig dapit sa saindo dian sa Cagurangnan, na day nin anoman na bagay camong pagmatéon: alagad an nagpupurisau sa saindo, magdadará siya can paghocom, minsan gayod siysay siya.
11 Asin aco, magña tugang, con naghuhulit pa aco can pagturi, ¿tá dao ta nagtitios pa aco guiraray nin pasaquit? háros ta con haléon iyo an capaaracan ó casopganan nin Crúz.
12 Tibaad pa na magcaporotol man si magña nagpupurisan sa saindo.
13 Háros ta camo, magña tugang, sa sadiring capangyarihan ó libertad anan camong inapod; iyo sana na day nindo gamiton an libertad ó rogaring na capangyarihan siring sa pagalaman sa laman, condi gamiton nindo huli sa pagcamoot nindo sa magña cápua man sana.
14 Háros ta an bilog na ley sa saró sanang tataramon na íní naootob: Camótan mo an magcasí mo tauo nin siring sa saymo man sana.
15 Asin con nagiiriual camo patin nagpapabaralonhalon ó nagpapacaracancacan camo an magña iba sa magña cápua man sana, maghigñat camo na day man camo magcatarapus ó magcagaradanan an magña iba nin magña magcasi tauo man sana.
16 Sinasabi co nangayod: Maglacao camo dian sa Espíritu, asin day camo magpasonó sa horot na marigsog ó caoragan nin laman.
17 Huli ta an laman nauuri ó pinaguurihan an Espíritu, asin an Espíritu tumang sa laman: asin an magña bagay na ini minasuhay an saró sa saró, tagñaning day nindo guibohon itong minamauot nindo.
18 Alagad con dinadara ó quinacabit camo can Espíritu, day camo nasa sa ibaba ó nasasacopan can ley.
19 Asin anan na magña hayag an magňa gaué-gaué nin
