misterio: Quita gabos sa catotoohan day nagcacaratorog,
alagad quita gabos magcacariliuat.
52 Sa sarong panahon, sa sarong pagpiroc nin matá, sa huring trompeta; háros ta papatanogon an trompeta ó bodiong, asin an magña gadana panbabagñonon ó patitindogon day na nin pagcalapá ó pagrónac, asin quita magcacariliuat,
53 Háros ta caipuhan na ining matutunácon ó malalapáon magubígñan nin sa baco nang malalapáon, asin ining magagadanon magubigñan nin sa day nang pagcagadan.
54 Asin con ining malalapáon_magubigñan nin bacó nang malalapaon, asin ining magagadanon magubigñan nin sa bacong magagadanona, dagñan na mangyayari ó mahihimo an tataramon na nasusurat: Sinorop an cagadanan sa pacadaog.
55 Haháen camumugtac, oh cagadanan, an saymong sogod ó tarom? ¿Haen, oh lulubgñan, camumugtac an saymong capanganahan?
56 Mantá na an rara ó sogod nin cagadanan iyo an casalan, asin an capangyarihan nin casálan, iyo an togon ó ley.
57 Alagad salamat sa Dios na itinatao sa satuyá an pacadaog huli sa Cagurangnan niatong Jesucristo.
58 Cayá, magña tugang cong namomótan, magnagpacarigon camo asin magdanay, na magtalobó dian sa gaué nin Cagurangnan guiraray, sa pacatalastas na an saindong capagalan dian sa Cagurangnan bacong basang sana.
1 Manogñod can pagtitipon min magña limos manogñod sa magña santos ó banal, gomibo man camo, nin siring sa bagay na ipinag boot co sa magña Iglesias nin Galacia.
2 Sa lambang enot na aldao nin semana an lambang saró sa saindo lomain dian sa saiyang harong, na otobon itong huli sa pagcaherac nin Dios, macacayanan; tagñaning con domatong na aco, day na mag-guibo nin magña pagtipon nin limos.
3 Asin con macadatong na aco, si magña pagmamarhayon
