39 An gabos na laman bacóng iyo si laman man sana; con sa catotoohan sarong laman lamang na iyo an sa magña tauo, asin iba man an laman na sa magña hayupan, asin iba man an sa magna sirá, patin iba man an sa magña gamgam.
40 An igua nin magña hauac na magña lagñitnon, asin magña hauac na magña taga dagá; alagad sa catotoohan saró sana an camurauayan nin magña lagñitnon, asin iba man an sa magña taga daga.
41 Iba man an camurauayan nin aldao, asin iba man an camurauayan nin bulan, patin iba man an camurauayan nin magña bitoon: háros ta an sarong bitoon may calaenan man ó laen man sa ibang bitoon sa camurauayan ó cabansayan.
42 Siring man an pagcabuhay liuat nin si magña gadana. Itinatanom sa pagcatunao, magtotobó sa day na matutunao;
43 Itinatanom sa casopganan, magbabagñon may camurauayan; itinatanom sa caluyahan, magbabagñon may cabagsican;
44 Itinatanom hauac na may buhay, mabubuhay liuat hauac na may espíritu. Iguang hauac na may calag ó buhay, asin igua nin hauac na may espíritu ó espíritual.
45 Siring man nasusurat: Linalang an enot na tauo na si Adam sa calag na nabubuhay; an huring Adam sa espiritong macacabuhay.
46 Alagad itong espiritual bacong iyo an naenot, condi itong animal ó may buhay; dagñan gñapit itong espiritual.
47 An enot na tauo taga daga siya ta guican sa dagá: an icaduang tauo, na iyo au Cagurangnan, taga lagñit.
48 Con ano an taga dagá, siring man an magña nasa sa dagá; asin con ano an lagñitnon, siring man an magña taga lagñit.
49 Asin huli ta dinara niato an lalaugon ó ladauan nin taga dagá, dadarhon ta man an ladauan nin lagñitnon.
50 Alagad minsan siring sinasabi co ini, magña tugang: na an laman ó hauac asin an dugó day macacapanonod can cahadean nin Dios; minsan an catunauan ó caratan day manononod can day pagcatunao ó day pagcasalá.
51 Uya digdi, sasabihan co camo nin sarong gñagñalasan ó
