nindo huli sa magña surat, ini an ipapadará co ó isosobol co na magdara can saindong atang duman sa Jerusalem.
4 Asin con maguing an catuyuhan magcacanigó na aco man pomaduman, paduduman sinda sa caibahan co.
5 Asin mapadian aco sa saindo con macaágui na aco sa Mesopotamia, háros ta sa Masedonia maágui aco:
6 Asin mangyayari gayod na maontoc aco sa caibahan nindo, ó mapaabot can tiglipotan ó tigoranan man, tagñaning darahon aco nindo duman sa padudumanan co.
7 Háros ta habó acong songcoon co camo gñunian na pagágni co; háros ta naghahalat aco na omontoc sa caibanan nindo nin sarong panahon, con an Cagurangnan itotogot niya.
8 Alagad maontoc aco sa Efeso sagcod sa Pentecostés;
9 Háros ta binucas sa sacuyá an sarong daculá asin mapangyaring tatá, asin dacol an magña caiual.
10 Asin con domatong si Timoteo, maghigñat camo na omontoc dian sa saindo sa capanarigan, háros ta an guibo nin Cagurangnan guiniguibo man niya na siring sa sacuyá.
11 Cayá gñani, day nin siysay paman na magbasang basang sa saiya; condi, darahon nindo iyan sa catoninogñan, tagñaning pomadigdi sa sacuyá: háros ta hinahalat co siya sagcod can magña tugang.
12 Mapadapit can tugang na si Apolos, macuri an sacuyang paquimaherac sa saiya na pomadian sa saindo sagcod can magña tugang; alagad day nangayod namoot na pomadian sa gñunian; alagad madian con may marhay na panahon.
13 Magpuca camo, magdanay camo dian sa pagtubod; magpacang lalaqui camo, asin magñagpirit camo ó magpacarigon camo.
14 An gabos nindong magña bagay ó gaué anan na guibohon sa pagcamoot.
15 Asin naquiquimaherac aco sa saindo, magña tugang, (nacacaaram na camo na an harong ni Estéfanas iyo an tinagba nin Acaya, asin na anan na nagpanalaga sa catongdan nin si magña santos),
16 Na camo magñagpasacop sa magña siring asin sa gabos na nagtatabang asin nagpapagal.
