19 Alagad natatalastas niamo na an gabos na ipinagsasabi can togon, sa magña nasa sa catogonan isinasabi iyan, ta gñaning an gabos na gñosó matacpan, asin ná an bilog na quinában pomasacop ó cumuyog sa Dios:
20 Háros ta huli can magña gaué sa catogonan day nin saró man na laman ó hauac na magcacanigó ó macacapagpatotoo sa atubang niya; hulí ta dahel can togon ó ley iyo an pacamidbid can casálan.
21 Alagad gñunían, day nin catogonan, an catanosan nin Dios ipinahayag, na pinatotoohan can togon asín can magña profetas:
22 An catanosan nin Dios huli can pagtubod qui Jesucristo, manogñod sa magña nagtutubod sa saiya; huli ta mayó nin calaenan;
23 Háros ta si gabos nagñagcasalá, asin nagcaharaléan can camurauayan nin Dios;
24 Huli ta pinapagcanigó na day sanang halaga huli can saiyang biyayá, huli can pagtubos na yaon dían cay Cristo Jesús.
25 Na sa saiya ipinahayag nin Dios sa caguinhauáan huli can pagtubod sa saiyang dugó, sa pagpahayag can saiyang catanosan, sa pag-guiromdom na ipinatauad, sa saiyang pacatíos, si magña casalan na nacalihis.
26 Sa pagmauot na icapahayag niya an saiyang catanosan sa panahon na ini; ta gñaning siya an mani matanos, asin iyo an nagpapatotoo sa nasa pagtubod cay Jesús.
27 ¿Cayá sain camumugtac an capanagsagan? Nasa sa luas. ¿Dahel sa arín na catogonan? Sa magña guibo? Day; condi huli can ley ó catogonan sa pagtubod.
28 Cayá na masasabi nangayod níato na an tauo papagcanigóon siya huli can pagtubod minsan day can magña gaué-gaué sa togon ó ley.
29 ¿An Dios, siya sanang gayo an Dios nin magña Judíos? ¿Bacong Dios man siya nin magña Gentiles? Sa catotoohan Dios man siya nin magña Gentiles.
30 Háros ta saró sana an Dios na iyo an magsasaysay can maninigó hulí can pagtubod can pagtuturi, asin hulí can pagtubod papagcanigóon man niya an daypagpaturi.
