31 ¿Con siring linalaglag níamo an ley ó catogonan hulí can pagtubod? Day nangayod; condi ibínubugtac ó guiniguibo niamo an ley.
1 ¿Tará, anong masasabi, nangayod, niato dapit can nacamtan ni Abraham na satuyang Amá dapit sa lamán ó hauac ó sa pagcatauo?
2 Na con si Abraham pinapagcanigó siya huli sa magña guibo, macacapagogma siya; alagad day manonogñod sa Dios.
3 Háros ta, ano an sabi sa nasusurat? Asin nagtubod si Abraham sa Dios, asin ibinilang sa catanosan niya.
4 Alagad sa parapatangdan, day ibinibilang sa saiya na siring sa ugay ó biyayá an tangdan, condi sa cautagñan.
5 Alagad sa day nag-guiguibo, alagad nagtutubod dian sa nacapagpacanigó sa daing isosogad, an pagtubod ibinibilang sa saiya na catanosan ó cabanalan.
6 Siring man si David olay paladan an tauo na pinapagcanigó sa saiya na catanosan, minsan day nin magña guibo.
7 Na an sabi: Magña paladan itong ipinagpatauad an saindang magña carátan, asin an saindang magña casálan natahuban.
8 Paladan an lalaqui na day siya napanalá nin Cagurangnan.
9 Manínigó sana dao an capaladan na ini dian sa pagpaturi, ó dían man sa day pagpaturi? háros ta olay niamo na qui Abraham ibinilang sa saiya na cabanalan ó catanosan si pagtubod
10 Paáno nangayod pagbílagñan sa saiya caiyan? ¿sa pagpaturi, ó dían sa day pagpaturi? Bacong sa pagpaturi, condi sa day pagpaturi.
11 Asin ínacó an pagturí huli sa tandá, sa lagdá nin catanosan can pagtubod na quinamtan niya sa pagpaturi: tagñaning maguing Amá siya nin gabos na magña nagtutubod na day nagpaturi, tagñaní man na ibilang sa sainda na catanosan;
12 Asín Amá nin pagpaturi, bacó sanang sa magña nasa pagpaturi, condi man sa magña nagsosonod sa magña guirá nin
