5 Asin con an satu yang carátan nagcacaipo can catanosan nin Dios, ¿ano an sasabihon niato? ¿Manini bicó dao an Dios na minatao nin silot? (nagtataram aco siring sa tauo).
6 Day nangayod maninigó: ta con sa ibang bagay, ¿papaano an paghocom nin Dios sa mundo ó quinában?
7 Alagad con an catotoohan nin Dios huli can caputican co nagdugang sa camurauayan niya, ¿tá dao ta minsan siring caini hohocoman pa aco na siring sa paracasalá?
8 ¿Asin ta dao ta day sominabi (huli ta pinagñag muda cami, asin huli ta an magña iba nagsasabi na nagtataram camí): Gomibo quita nin magña carátan gñaníng domatong an magña carahayan? An silot ninda iyo an magcacanigó.
9 ¿Cayá ano baga? ¿Magña orog quita carahay sa sainda? Day nangayod: háros ta ipinag sombong na niato an magña Judíos asin an magña Gentiles, na sinda gabos nasa sa irarom nin casálan.
10 Siring sa nasusurat: Day mayó nin matanos, day minsan saró lamang;
11 Mayó nin siysay man na nacacamidbid, day mayó nin siysay na naghahanap sa Dios;
12 Si gabos nagpanuruháy, sararó ó biyó sanang naguin mayong paquinabang; day mayó nin siysay man na mínaguibo caitong marhay, day nangayod minsan pa saró;
13 Lolobgñan na bucas an saiyang alunan; sa saindang magna dilá ó pagtataram naquíquíg-olay sa cadayáan; an rara nin magña rímoranon nahálas an yaon sa irarom nin si saindang magña gñabil;
14 Na an saindang gñosó panó nin magña pagrapsac asin nin capaitan;
15 An saindang magña bitis anan na maguiguian sa pagpabolos nin dugó;
16 An carátan asin an casaquítan yaon sa saindang magña dalan;
17 Asin an dalan nin catoninogñan day sinda nagñagpacamidbid:
18 Day mayó nin pagcatacot sa Dios sa atubang nin saiyang magña mata.
