36 Asin au nag-aáni nag-aacô can saiyang tandan, asin tinitipon an bugña na catogñod sa buhay na day nin catapusan; ta gñaning an nag-aáni asin an nag-tatanom magdogñan na mag-orogma sinda.
37 Huli ta naotob caini an tataramon na totoo: Na iba an nagtatanom, asin iba man an nag-aáni.
38 Acó sinogô ta camó ta gñaning anihon nindo idtong day nindo lininig : magña iba an nagrilinig, asin camó nag-ralaog sa saindang magña lininig.
39 Asin balaquid na magña Samaritano caidtong ciudad si nagturubod sa saiya, dahel can tataramon can babaye, na nagpapatotoo, na sominabi, Isinabi sacô si gabos cong guinibo.
40 Nin huli caini can an magña Samaritano magdirigdi sa saiya, naquimaherac sinda saiya na paualat sia sa sainda, asin iyo man nangad napaualat dihan nin duang aldao.
41 Asin balaquidon pa an magña nagturubod dahel can tataramon nia ;
42 asin nagñag-sarabi sa babaye, Day na cami nagtuturubod dahel can saimong tataramon; huli ta cami man sana nagcadaragñog mi sia, asin naiisihan mi na ini iyo an totoong Cristo, an Para-ligtas sa quinâban.
43 Asin pacalibis can duáng aldao, naghalé dihan pasiring sa Galilea.
44 Huli ta si Jesús man saná an nag-patotoo na an profeta sa sadiri niang daga day nin halagá.
45 Can pagdatong nia gñani sa Galilea, pinag-aracô sia can magña Galileo, pagcabiriling can gabos na magña bagay na guinibo nia sa Jerusalem can capistahan: huli ta sinda man nagduruman sa fiesta.
46 Napadumán gñani liuát si Jesús sa Caná nin Galilea, duman caidto na guinibo nia si tubig na nani arac. Asin igua nin saróng tauo nin hade na an saiyang áquí naghehelang sa Capernaum.
