47 Can madagñog gñani caini na si Jesús nagpadigdi halê sa Judea pasiring sa Galilea, napadumán sa saiya, asin naquimaherac saiya na homilig sa Capernaum, asin paomayan an saiyang áquing lalaqui; huli ta nag-hihigagdan.
48 Sinabihan sia gñani ni Jesús, Cun day camó macahiling nin magña tandâ asin magña gñagñalasan, day camó magtuturubod.
49 Nagsabi saiya an tauo-nin-hadê, Cagurangnan, lumusad ca, na day pa nagagadan an sacong áqui.
50 Nagsabi saiya si Jesús, Padumán ca na; an aquí mo buhay. Tominubod an lalaqui can tataramon na isinabi saiya ni Jesús, asin napadumán.
51 Asin can sia naglulusad-na, si saiyang magña sorogoon nasarabat sia, asin pinagbaretaan sia, na nagsarabi, Buhay an saimong áqui.
52 Pinaghapot gñani sinda cun anong oras nagpoón magrahay: asin nagsarabi saiya: Casohapon, sa oras na á las siete nauarâ saiya an calentura.
53 Digdi naromdoman can amâ na nangyari sa oras man sanang sinabihan sia ni Jesús, An saimong áqui buhay, asin tominubod sia, asin an bilog na tauo sa saiyang harong.
54 Ining icaduáng macosog na tandâ guinibo ni Jesús, can paghalê liuat nia sa Judea pasiring sa Galilea.
1 Pacatapus caining magña bagay, nag-caiguá nin fiesta an magña Judio; asin si Jesús tominucad sa Jerusalem.
2 Asin sa Jerusalem, sa may tatá nin imagña carnero, igua nin sarong estanque* na sa tataramon nin Hebreo inaapod na Bethesda, na ini may limang tatá.
3 Sa magña tatá nag-hihirigdà si saróng cadaclán nin si magña nag-hehelang, magña botá, magña pilay, magña nagaaláng, (na nag-haharalat can pag-hero nin tubig.
- Inaapod na estanque an tánque 6 tiponan nin tabig.
