10 asin pinagtaraó idtó sa omá nin para-guibong-coron, airing sa isinogo sa saco can Cagurangnan.
11 Si Jesús gñani nacatindog sa atubang can gobernador; asin an gobernador hinapot sia, na nagsabi, Iyo icá an Hadê nin magña Judio? Si Jesús sinabihan sia, Icá an nagsasabi.
12 Asin can isinumbong nin magña poón nin magña sacerdote asin can magña camaguragñan, day sia sominimbag nin anoman.
13 Dagñan si Pilato nagsabi saiya, ¿Day mo nadadagñog an balaquid na magña bagay na pinag-aasaracsi tumang sa saimo?
14 Tará day sia sinimbag ni Jesús, ni sarong tataramon lamang nin huli caini an gobernador naggñagñalas na gayo.
15 Sa balang capistahan may caogalean an gobernador sa pagbotás sa banua nin sarong bilango, si-isay man na hagadon ninda.
16 Asin iguá sinda gñani nin sarong bilangô na cabantogan, na inaapod si Barrabás.
17 Can sinda gñani nagcacatiripon, sinabihan sinda, ni Pilato, ¿Si-isay an boót nindo na botasán co sa saindo? ¿si Barrabás, ó si Jesús na inaapod na Cristo?
18 tara naaraman co na sa caorian itinaó ninda sacô si Jesús.
19 Asin can sia nacatucao sa tucauan nin paghocom, an saiyang agom nagpasogo saiya, na nagsabi, Day ca maquilabot sa banal na yan; huli ta nagtios acong balaquid na magña bagay gñabian sa catorogan dahel sa saiya.
20 Alagad an magña poón nin magña sacerdote asin an magña camaguragñan pinasonod an magña cadaclán na hagadon si Barrabás, asin gadanon si Jesús.
21 Can sominimbag gñani an gobernador asin sinabihan sinda ¿Arin sa duá an boót nindo na botasan co sa saindo, sinda nagsirimbag, Si Barrabás.
