22 Nagsabi sainda si Pilato, ¿Anó gñani an guiguibon co qui Jesús na inaapod pa Cristo? Nagsasarabi saiya an gabos, Ipaco sia sa crúz.
23 Asin an gobernador nagsabi, ¿Tádao? ¿anong maraot guinibo nia? Alagad sinda nagcururahao nin macuri, Ipacó sia sa crúz.
24 Can mahiling gñani ni Pilato na day siang maguinibo, atá gñani naglalabi an caribocan, cominua nin tubig, asin naghanao can magña camót sa atubang nin cadaclán, na sominabi, Day acong casâlan sa dugó caining banal, camó an tataó.
25 Asin an bilog na cadaclán nagsirimbag, na nagsarabi, Maholog an saiyang dugo sa samó, asin sa samong magña áqui.
26 Binotasán gñani sa sainda si Barrabás; tará ipinagpahampac si Jesús, itinaó sia ta gñaning ipacò sa crúz.
27 Dagñan an magña soldado nin gobernador, dinará si Jesús sa palacio, nagtiripon sa palibot nia an bilog na pagiriba.
28 Asin hinobaan sia, guinobigñan sia can gubing na púrpura.
29 Asin nagguiribong magña salapid na magña tonoc, pinagburugtac sa saiyang payó, asin ibinugtac an sarong cauayan sa saiyang camót na toó; asin naglohod sa atubang nia, pinagrauayan sia, na nagsasarabi, An Dios iligtas ca, Hade nin magña Judio.
30 Asin pinagrolotaban sia, asin quinuá an cauayan, linugadan sia sa payó.
31 Asin paca pagrauaye saiya, hinobâan sia can gubing, asin binugtacan sia can saiyang sadiring magña gubing, asin pinagdarará sia ta gñaning ipaco sa crúz.
32 Asin can paghalé, nagcasarabat an sarong tauo na tagá Cirene, na inaapod si Simon; ini pinagpiririt nagpasan can saiyang crúz.
33 Asin can pagdaratong sa lugar na inaapod na Gólgota, na boót sabibon, An lugar nin bogño.
34 pinagpainom sia nin sucâ na sinalacan nin apdó; tará sia, pacanamiti, day idtó ininom.
