74 Dagñan nagpoón sia na magtaram nin magña lasoc, asin pagsumpâ, na sominabi, Day co na mimidbid an tauong iyan. Asin tolos man saná tominoraoc an manoc.
75 Asin nacaguiromdom si Pedro can tataramon na isinabi ni Jesús. Na day pa minatoraoc an manoc, papaindahan mo acó nin macatoló. Asin pagluas, ni Pedro, nagtagñis nin macuri.
1 Asin can pagcaaga, an gabos na poón nin magña sacerdote asin an magña camaguragñan nin banua nagtiripon sa paghocom tumang qui Jesús, ta gñaning ipagadan sia.
2 Asin pacagaposa saiya, pinagdarará sia, asin hinatod sia qui Poncio Pilato, na gobernador.
3 Dagñan si Judas, na nagpasaloib qui Jesús, can mahiling na hinocoman, panô nin cabasolan, ibinanc an tolong polong salaping pirac sa magña poón nin magña sacerdote asin sa magña camaguragñan,
4 na nagsasabi, Acó nagcasala, can pagpasaloib sa dugo na daing casâlan. Tará sinda nagsarabi, ¿Anó sa samó? hiniling mo gñôná cutâná.
5 Asin ibinatical nia an magña pirac sa templo, naghalê, asin napaduman, asin naghogot.
6 Asin an magña poón nin magña sacerdote, quinua an magña pirac, na nagsarabi, Day maninigo na ibogtac sa cayamanan nin magña atang, huli ta halaga nin dugô.
7 Tará pacatapus can cahatolan, binacal ninda can pirac na yan an Omá nin Para-guibong-coron, ta gñaning paglobogñan nin magña taga-ibang-dagà.
8 Nin buli caini inaapod an omang idto, Omá uin dugô, sagcod gñunian.
9 Dagñan naotob an tinaram can profetang si Jeremias, na nagsabi, Asin pinagcurua an tolong polong salaping pirac, halagá nin hinalagahan, na pinagharalagahan nin magña áqui nin Israel;
