63 Tará si Jesús day nag-guirong. Dagñan an orog cadaculang sacerdote sinabihan sia, Hinahagad co saimo sa gñaran nin Dios na buhay, na sabihan mo cami, cun ica iyo an Cristo, an Aqui nin Dios.
64 Si Jesús nagsasabi saiya, Icá an nagsabi; asin minsan day nindo tubodon ini, alagad sasabihan co camo, na magpoon gunian mahihiling nindo an Aqui nin tauo nacatucao sa toú can capangyarihan, asin mapadigdi na nasa magña pagñanoron nin lagñit.
65 Dagñan an orog cadaculang sacerdote guinisi an saiyang magña gubing, na nagsabi, Nagrapsac, ¿ano pa an caipuhan niato nin magña sacsi? Uya digdi, gñunian nagcadaragñog nindo an rapsac ó rauay.
66 ¿Anó an paghonahona nindo? Asin sinda nagsirimbag, na nagsarabi, Maninigô sia sa cagadanan.
67 Dagñan linutaban ninda an saiyang lalaugon asin pinagtaraplong sia; asin an magña iba pinagrulugadan sia sa tomboc,
68 na nagsarabi, todan mo cami, oh Cristo ¿si-isay an naglugad sa saimo?
69 Asin si Pedro na nacatucao sa luas nin patio; asin nagdoloc sa saiya an sarong oripon na babaye na sominabi, Icá man caiba ni Jesús na tagá Galilea.
70 Tará sia nagpainda sa atubang nin gabos, na nagsabi, Day co naaaraman an pinagsasabi mo.
71 Asin pagluas nia sa linalaogan, nahiling sia can iba; asin sinabihan sia can magña didihan, Ini man caiba ni Jesús na tagá Nazaret.
72 Asin nagpainda sia liuat na nagsusumpâ, na sominabi, Day co na mimidbib an tauong yan.
73 Asin day nahaloy, nagdoroloc an magña didihan na nagtitirindog, na nagsarabi qui Pedro, Totoo man nangad na icá Baro sa sainda, huli ta minsan an saimong pagtaram nahahayag cana.
