kaisip hin pagpurot kay nagkakahahadlok. An mga tuyo pag-usyuso la nanhihilakip dida han paghitingala. Hi Ginhaupan Tales nagkikinita ngadto han kauinhan ngan nagpipinanhunahuna nga bisan usa la hadto nga mga brilyante, bisan an gigutiayi, makakahimo na paglukat hair jya anak, paghawid han iya balay ngan bangin makagbungkag hiya hm iba nga tuna... Ginoo! Nahihimo ba nga in usa hadto nga mga bato marumahal pa hin balay hin usa nga tawo, han kamurayawan hin usa nga daraga ngan han kahimyangan hin usa nga lagas dida ha mga adlaw han iya na pagkatigurang!
Ngan daw nakakatigo han iya mga panhunahuna, hi Simoun nagsiring, naatubang han mag-ugrupod nga ha iya nag-aalirong:
—Kitaa la niyo, kitaa; usa hini nga mga bughaw nga bato, nga baga waray la data ngan waray’ himurulsan, uray daw baras nga napadpad tikang ha kalangitan, usa nga bato nga sugad hini nga iginregalo ha tultol nga uras, usa nga tawo makakapahalin han iya kaaway, usa nga amay hin panimalay, kay ginsumbong nga magsasamok han bungto... Ngan in usa liwat nga gigutiayi nga bato nga sugad hini, nga mapula daw an dugo ha kasingkasing, baga an pagbati ha pagbulos, ngan masinaw daw an luha hin mga ilo, nakatalwas ha iya, an tawo nahauli ha kalugaringon, an amay nahabalik ha mga anak, an bana ha asawa ngan nakatalwas han bug-os nga panimalay ha waray palad nga kakablasan.
Ngan tuktukan an kahita.
—Dinhi ha sakob hini nga kahita, sugad hiton mga maleta han mga mediko,— namulong hin dako nga tingog ngan diri tuhay nga tinag-alog, —dara ko an kinabuhi ngan kamatayon, an hilo ngan han suna, ngan bisan say la ini mahihimo ko paglumsi hin luha an bug-os nga Pilipinas!
Ngatanan naniplat hin kahadlok ngan maaram hira nga matuod an iya pinamumulong. Dida han tingog ni Simoun inaabat in baga urusahon nga tunog ngan in kahihirutan nga silaw daw baga nananahos dida han iya magsirom nga salaming ha mata.
Basi pagbagi han maraot nga lara nga gawad han mga bato hadto nga magtinuuron nga mga tawo, inalsa ni Simoun an kason ngan gilayon kmita an sag-od nga nahihipusan han sancta sanctorum Mga estutse nga
