nga dinmaop pag-usyuso, pinmiyong ngan umiwas dayon, daw pagpaharayo ha maraot nga panffunahuna. An sugad kadamo nga manggad usa nga panamastamas han iya maraot nga kasugad; adto nga tawo napakadto pagparayaw han iya dako nga bahandi dida pa ba han adlaw nga tungod han kawaray niya salapi, kawaray nananabag, han pagkabuwas iiwasan niya adto nga balay nga iya ginpulawas pagtindog.
—Ini nga mga brilyante nga itom, an gidadagkui yana,— nagsiring an alahero; —makuri ini pagtabasan tungod han kamatig-a hin duro... Ini nga bato nga limbaon, brilyante gihapon, sugad man inin iini nga lung haw nga pinakasiring han kadam’an nga esmeralda. Hi Insik Quiroga nagmuhang hini hin pagpalit hin unom kayukot kapisos kay iginreregalo ha usa nga labi kamakagagahom nga ginang...
Ngan diri ini nga mga lunghaw an labi kamahal, kundi ini nga mga bughaw. Ngan lainon in tulo nga bato nga diri dagko kaupay kundi magdakmol ngan mag-upay an katabas, ngan an tina mga labsagon nga tagom.
—Bisan kun gurugudti han lunghaw,— nagpadayon; —marumahal hin duha kapilo han bali hadto. Kitaa niyo inin iini nga amo an gigutiayi han ngatanan, inin iya bug-at may kanan duduha kakilates; ginpalit ko ini hin karuhaan kayukot ngan yana diri ko bubuhian hin kulang hin katluan kayukot kapisos. Nagkasuruk’an ako hin pagsakay ngadto ha hirayo basi ko la ini mapalit. Ini liwat lain, didto ini hiagii ha mga mina ha Golconda, tutulo may tunga kakilates an bug-at ngan kakapituan kayukot kapisos an palit. An Virrey ha India, dida hin usa nga surat nga akon kinarawat kasangkulop, karuyag hini pumalit hin napulo kagduha kayukot kalibras esterlinas.
Ha atubangan hini ngatanan nga manggad nga natitirok dida ha kamot hadto nga tawo nga nagsisinumat hin waray la ano man ha iya, nakakahatag han mga katarambong hin daw katahod nga may sakot nga kahadlok. Hi Sinang nakadamo takla ngan waray na kulituga ni iya mama, tingali tungod kay nahapapanganga na la han paghipausa o bangin liwat nakakasiring na nga in usa nga alahero sugad kan Simoun diri maghuhunahuna hin pagginaganansiyahan hin mga lima kapisos tungod la hin usa nga mugo nga waray hangkag. Ngatanan nagkikinita han mga bato, waray may naka-
