anit ha Rusia nga binulagbulag, binal-utan hin mga gapas, amo an nakakaluob han sag-od nga hinanigan hin tersiyopelo nga tabuhon. Ngatanan nagpapamulat hin mga urusahon. An tana ni Sinang nakakasiring nga may ada karbungko, mga bato nga nag-uusbok hin kalayo ngan nagpaparawa ha butnga han kasisidman. Hi Kapitan Basilio nakada ha ganghaan han kinabuhi nga waray kamatayon; pakakita na niya han sadang pagmatuuran, an butang nga ungud-ungod, an dagway han maiha na niya nga gin-iininop.
—Amo ini an panliog ni Cleopatra,— nagsiring hi Simoun, kinuha hin hinayhinay in usa nga kahita nga yapad nga dagway hin nakaudto nga bulan ha subang; —usa ini nga hiyas nga diri mababalihan, usa nga bu tang nga iburutang ha museo ngan angay say la magarog an mga manggaran nga Pamunuan. Baga in usa nga Kolyar nga nahimo ha magkalainlain nga bitay nga bulawan, nga dagway hin gudti nga ladawan, salakot hin mga hitsura hm bagang nga lunghaw ngan tagumon, ngan ha butnga may ulo hm buwitre nga hinimo ha bato nga haspe nga waray kasisugad, ngan ginbubutnga hin duduha nga pako nga nabibitad, badas ngan rayandayan han mga rayna ha Egipto.
Hi Sinang han pakakita pinmakuros han hong ngan manyam-id daw bata nga nakakayubit, ngan hi Kapi tan Basilio nga nadidigos han kamakikadaan, waray pakapugong hm usa nga “aba!” ha din paghiayuni.
—Asya ini in usa nga makaruruyag nga hiyas nga namangnuan hin maupay ngan may ada na panuigon nga maabot hin kapin hin duha kayukot katuig.
—Hsh! — dagmit sinmiring hi Sinang basi hi iya papa diri mahugay han panulay.
—Lurong! — nakasiring an papa nga nakapugong han iya siyahan nga paghigawa. —Kalibutan mo kun tungod hint nga kolyar nahimo an pagkaarangay han mga tawo nga inaabat ta yana? Tingali amo ito an iginbihag ni Cleopatra kan Cesar, kan Marco Antonio... Tingali ito nakabati han mga mag-initon nga pagmuhang han gugma hadton duha nga labi kadagko nga mga mangaraway han ha panahon; nakabati ito han mga pulong ha uray nga gayod ngan mahusay nga latin, ngan kaduwas makasiring ka nga gabay ka say unta hito nakasul-ot!
