aram, magsiriday ngan may panhunahuna nga sarantupon. Usa kaadlaw, han pag-upod niya han mga intemo pagpasyada, iginkabaton hira hin pira nga kadete nga nahimo nga araway ngan ha katapusan na may ayat. An propesor, nga tingali nahanumdom han iya mapiskay nga pagkabata, nag-andam hin pangaway ngan nagsaad paghatag hin maupay nga nota han ngatanan nga bumulig han araway han sunod nga parasyada han Domingo nga maabot. Nagmarugyaw adto nga sirnana; namay-ada kirigta hin tinagpira la katawo ngan nanhigamit an baston ngan an sable, ngan dida hin usa nga kirigta, hi Basilio linmutaw ha kamaupya umaway.
Gin-usong han mga estudyante ngan gindara ngadto ha atubangan han propesor, ngan tikang hadto nakilala hiya ngan naginpinili. Tungod hini ngan tungod han kamatuon, hadto nga tuig nakakuha hiya hin sobresaliente lakip in mga medalya. Tungod him, hi Kapitan Tiyago nga, tikang magmongha an iya anak, nangangalas na pagkita han mga prayle, ha usa kaadlaw nga mau pay an kaburut’on, nagsagdon nga bumalhin ngadto ha Ateneo Municipal nga hadto nahababantog na kaupay.
Nabuklad na ngahaw ha mga mata ni Basilio in bag-o nga kalibutan, usa nga paagi hin pagtutdo nga waray niya pagtatahapi nga may ada didto hadto nga kolehiyo. Sapayan hin talagudti nga mga kasurusnan ngan hin mga kabutang nga binatabata, dako niya nga katingalahan an paagi didto pagtutdo ngan dako nga iya kalipayan an pangahas han mga magturutdo. Usahay an iya mga mata clanay mapuno hin luha kun nahanunumdom hiya han mga una nga tuig nga, tungod han kawaray katigayunan, waray hiya didto pakagtuon hadto nga pagturun’an. Ginamit niya in dako nga pangahas basi hiya makatupong hadton nagpakatikang hin maupay nga pag-aram, ngan mahihimo ta pagsiring nga hadto nga tuig gin-adman niya an kanan lilima katuig han haruhataas nga pagturun’an. Nakatapos hiya han bachillerato ha dako nga kalipay han mga propesor nga dida han pangiksamen iginasad hiya han mga domimko nga maghurukom ngan nagtambong didto pagkita ha iya. Usa hmi ha ha, dapit pagbagi han duro nga mga kasindak, nagpakiana han iniiksamen kun diin pagtuon han siyahan nga mga tuig han latin.
—Ha San Juan de Letran, padre,—binmaton hi Basilio.
