Apolai janang kami rang ketek mudo matah, umuo nan baru satahun jaguang, darah baru satampuak pinang. Aka kurung pandapek balun saujuang kuku, lampisan dibaliek itu :
Tali kayie panjang sambilan
mamapeh dan ateh kapa.
Ambiek ayie basualah tangan
santok juadah nan ka tangah.
________________________________________
"J A W B A N Y O"
Ruponyo sapanjnang buah panitahan Sutan... nan tairi nan tabantang tatabuo kanan rapek talayang ka tangah-tangah, tatumpa bake badan diri ambo,
<poem>Nak ilie ka Batang Hari
mudiak ka Pawuokamba
babelok jalan ka Pariaman
Minumlah ayie nan taisi
santokla juda nan ka tangah
nak sanang hati sipangkalan
Kan baitu bana...? Ba-a nan sakarang kini nangko. Pandang jawuoh alah balayangkan, pandang dakek ala batukiekan. Lah elok susun nan bak sine, eloklah ririk nan bak jaguang, rancak pare nan bak pambaturan ba-ato hanyo lai :
Pancarinek jalan ka Bonjo
ka Juddah jalan manurun
patah rantiang dilando kudo.
Kok iyo juada kadisantok
ayie angek kadiminum
Bismillah daulu dari sinan
kanii mulai pulo dari siko.
______________________________________
JAWAB DENGAN MAMPALEGAKAN KATO"
Sapanjang buah panitahan Sutan itu, rancak nan bak awan tagan-tuang, harum nan bak bagai kacang goreang Budi bayiek baso katuju tidak tanilai haragonyo Tapi digayuang nan kamanyambuik dikato nan kamanjawab bak pituah urang tuo :