Iyo dek janji nan dikarang, padan nan diukuodek niniak Mamak kito suku... jo suku... lai nan kami bukan kinari sajo, Kinari anak rang padang, bukan kami kamari sajo, gadang mukasuik nan dijalan
Tinggi rangkiangnyo Sutan Marajo
samo tinggi jo marunggai
tampak nan dari Koto Baranjak.
Bukan kami kamari sajo
mukasuik manjapuik marapulai
sarato jo urangng nan banyak.
Manuruik aluran adat, bajalan babuah bati, malenggang babuah tangan, katando iyo jo rupo babungkui jo saputangan. Ikolah tando jo ruponyo. Simbah singkok lah dek sipangkalan, bak undang Luak nan. tigo panjapuik sumando kami. Kok kurang kecekan ganok, kok sentiang bilai dek Datuok.
______________________________________________
"PASAMBAHAN KAMAKAN"
Rundiang nan tibo bake Sutan...... sambah taserak kanan rapek salam kapado nan basamo. Awa dikana.......... tantang iko. Akhie dibaco niat jo nazar. Nan tanieke nan tanazar iyo dek silang nan bapangka kárajo nan bapokok.
Kok dititiek dipandang rupo, disilau dipandang roman, elok nan tidak babincano. Tuah karajo lah manjadi, tuah karajaan alah salamat. Pihak sabanta iko kini, ala dek manti jo pagawai sarato bujang main pantan. Dek banyak manaruah ragu dek lamo manaruah lupo. Tantang juadah nan katangah. Kok kurang susun nan bak sirie, kok kurang atok nan bak pigaran, kok kurang pare nan bak pambaturan. Kamudian dari pado itu tantang dari pado duduak nan patuik di tangah kok takatapikannan patuik di tapi kok takatangahkan, ipa jo bisan kok taparampiekan. Nak dibarimaaf silang nan bapangka karajo nan bapokok.
Atai-atai si bungo atai
lah kambang bungo sitawa.
Tacaca jangguik ka lantai
nan manusia basifat gawa.
