ಲೆಕೊದ ಬಾಗೊಲು ಕಾವೊಡು ದಿಂಜ್‌ದುಳ್ಳ. ನಮ್ಮ ಸುತ್ತ ಇಪ್ಪಿ ಪಾತೆರೊದ ತುಳುನೇ ಒಂಜಿ ಮಹಾಕಾವೊದ ಬಾಸೆಯಾದ್ ಮಲ್ಲಿನ ಕವಿನ ಸಾಮರ್ತಿಗೆ ಸಾದಾರದವತ್. ព ನಡಪಿ ಘಟನೆನ್ ಕಣ್ಣಿದೆದ್‌ ಕಟ್ಟೋದಿಲೆಕ್ಕೊದ ಚಿತ್ರೋಲು ಏತೇತೋ ಉಳ್ಳ. ನಮ ಸೂತಿನ ಕೆಲವು ಜನೊಕುಲುಲ ಅಯ್ಯಯ್ಕೆ ಬಲ್ಸರ್, ಉದಾ: ರಾವಣೆರ ಆಸ್ಥಾನೊಡಿತ್ತಿ ಒರಿ ರಕ್ಕಸೆ ಸರ್ಪಾಸುರೆ: "ಮಿತ್ತ್ ತೂವೊಂದಪಗಪಗ ಕಣ್ ಮುಚೊಂದು ಬಾಯಿ ನಂಗವೊಂದು ದಂಗ್ ಬೀಜೊಂದು ಕಣ್ಣೀರೊಂದು ತಟ್ಸ್ ತಿದ್ದಾವೊಂದು ಎದುರಿತ್ತಿನಾಯ ಮೆಯೊಂಜೊಂಜಿ ಕುಷ್ಟೊಂದು ತಿಕ್ಕಿನಡೆ ಬೊಡ್ಕೊಂದು ಪಾತೆರಗುಬ್ಬಿರಟ್ಟಾವೊಂದು - ಅರಸು ರಾವಣೆ, ಅತ್ ಯಾನ್ ಪುಜಿ. ಇಂದ್ರಜಿತು ಅಂದೆ ಈ ಮಲ್ಲ ಲಂಕೆ ಯಾನ ಲೋಕೊಗು ಗೊಂತು ಬೋಡ್ಡಿ ಜೋಕ್ರಾಟಿಗೆ ಸುಬುದ್ಧಿ ಅಂಚತ್ ಬುಡಿ ರಾಮೆ ಇಡೆ ಬಯ್ದ ದಾಯೆನೋ ಯೇರ್ ಕೇನೊಡ್ಡಿ ಗೆಲ್ಲುನೊಂಜಂದೆ. ಆತ್ಮ ರಾಮನ ವೂರು ವೋಳುಂಡು, ಇಚ್ಚೆ, ಯಾನುಳ್ಳ ಅಂಚತ್ ಯಾನು ಮೂಳು ಅರ್ದದ್ರ ಪಾತೆರುನ ಕೆಲ ಜನಕುಲೆನ ಜೀವಂತ ಚಿತ್ರ ಉಂಡು. ಕತೆ ರಾಮಾಯಣದಾಂಡಲಾ ನಮ ಸುತ್ತಮುತ್ತೊದ ಸಂಗತಿಲೆನ್ ತೋಜಯರ ಅವು ಕವಿಕ್ ತೊಂದರೆ ಆಯ್ದಿ. ಪೊಸ ಪೊಸ ಶಬ್ದಲೆನ್ ತಯಾರ್ ಮಲ್ಪುನ ಎಡ್ಡೆ ಕವಿನ ಕೆಲಸೊಂದ್ ಪನ್ನೆರ್. ಮಂದಾರ ರಾಮಾಯಣೋಡು ಅಂಚಿತ್ತಿ ಶಬ್ದ ಸೃಷ್ಟಿದ ಕೆಲಸ ಆತ್‌ಂಡ್, ಉದಾ: ಕಲ್ಲೊಟ್ಟ (ಆಯುಧ ಶಾಲೆ) ಕರಕೆಬಿತ್ತಾಯ (ಕುಂಭಕರ್ಣೆ) ಗಾಳಿ ಬೀದಿ (ಆಕಾಶ) ತಗಡ್‌ದೆದೆಕಟ್ಟ (ಕವಚ) ತಗಡ್‌ದ ಮುಟ್ಟಳೆ (ಸೀಸಕ) ತಡೆ ಕೆಬಿತ್ತಾರ್ (ಗಣಪತಿ) ತೆಡಿಲ್‌ಡೊಂಡೆದಾಯೆ (ಮೇಘನಾದ) ಪರಪುಪದ್ವದಾರ್ (ಈಶ್ವರ) ಪೊರು ಬರಿ (ಸೂರವಂಶ) ಬಾಣ ಬಂಡಿ (ವಿಮಾನ) ಬಿರುಕೈತ್ತಾಯೆ (ಕೋದಂಡಪಾಣಿ) ಮುಪ್ಪರಪು (ಗಂಗೆ) ಮಣ್ಣಪ್ಪೆ (ಭೂಮಾತೆ) ಮೆಲ್ದಾಂತಿನಾಯೆ (ಅನಂಗ, ಮನ್ಮಥ) ಮೆಂಚಿಕಯ್ (ಇಂದ್ರೆ) ಮಲೆ ಮಗಳ್ (ಗೌರಿ) ಇಂಚ ಮಾತ. ಇಡಿ ಕಾವೊ ತುಳುತ್ತ ವಾತಾವರಣೋಡು ನಡತಿಲೆಕ್ಕ, ತೋಜಾವೆ. ಅಯೋಧ್ಯೆ, ಲಂಕೆ, ಕಿಮ್ಮಿಂದೆದ ಬದಲ್‌ಗ್ ತುಳುನಾಡ್‌ದ ಊರುಳೆನ್ ಆರ್ ಕಣಾಯಿಜೆರ್, ಅಯ್ ಬದಲ್ ಅಯೋಧ್ಯೆ, ಲಂಕೆಲೆನ್ ತುಳುನಾಡಾದ್ ಮಲ್ತ್ದ್ ಬರೆತ, ಪುದಾರ್‌ಡ್‌ಲಾ ತುಳುತನ ಬರ್ಪಿಲೆಕ್ಕ ಮಲ್ತದೆ. ಉದಾ: ಅಪ್ಪಣ್ಣ ಗುರಿಕಾರೆ (ಆಪ-ನೀರ್, ಅಪ್ಪಣೆ ಪಂಡ ವರುಣೇಂದ್‌ಲಾ ಅರ್ತ) ತೂಚಣ್ಣ ಪಂಡಿತೆ (ಸುಷೇಣ) ದಿರದೆ (ದ್ವಿರದ) ರುಸಬಣ್ಣೆ (ಋಷಭ) ಸೋಂಟೆ ಬಂಟಪ್ಪ, ಕಡತ್ತಿ ಕುಪ್ಪೆ, ಗುದ್ಯೋಲಿ ಚಾಂಪೆ, ಪುರಿ ಮೀಸೆ ಕರ್ಗಪ್ಪೆ, ಮುಗುಡು ಮಂಜಣ್ಣ, ಗುಜಗುಂಟೆ, ಸೋಮಕ್ಕೆ, ಕೋರಿಕೊಟ್ಟಪ್ಪ, ಗುದ ಗುಮ್ಮಣ್ಣ, ಇತ್ಯಾದಿ.. ಅಂಚನೆ ಮರಕ್ಕುಳನ, ಪಕ್ಕಿಲೆನ, ಹತ್ಯಾರ್‌ನ, ಪ್ರಾಣಿಲೆನ ಪುದರುಲುಲಾ ಅಯ್ಯಯ್ಕೆ ಬರ್ಪೊ. ಕಿಸ್ಕಂದಡ್ ಕಿಸ್ಕಂದಾಯ ಪನ್ನಿ ಒಂಜಿ ಬೂತೊನ್ಹಾ ಕವಿ ಉಂಡು ಮಲ್ಲೆ! ಮಂದಾರ ರಾಮಾಯಣೂಡು ಬರ್ಪಿ ವರ್ಣನೆಲು ಬಜೀ ವರ್ಣನೆಲಾವಂದೆ, ಅಯ್ತ ಪಿರವುಡು ಒಂಜಿ ತಾತ್ವಿಕ ಅಂಶ ಉಂಡು. ಉದಾ: ರಾವಣೆ ಮಲ್ಬಾಯಿನ ಮಾರಣ ಯಾದ 32 90
