. ಕಿನ್ನಿಂದಡ್ ವಾಲಿ ಸುಗ್ರೀವರ ನ್ಯಾಯೊಡು ಬರಿ ಕೆಲವು ನರಡೆದ ಕ್ರಮ ಇಂಚ ಉಂಡು: "ಜಾಂಬವರೆ ಪಂಡಿನೆಂಚಿನಯೀ ನನವೊರ ಪಣೆ, ಯೀರನ ಪರೊಡಿ ಇದೆನ್ ತೂದೆ ಮಾತೆಲ್ಲ ಕರೊಡಿಂದ್ ಪನೀರನ್, ದಾನೆ ಪೊಕ್ಕಡೆನ? ಆಯರೆನ್ನ ಅಲ್ವತ್ತೆ ಮಲೆ ಮಂಗ ಜನ್ಮದ ಕಂಡು ಹನುಮಂತ, ತೂಚಣೆ ಕೋರಿ ಪಂಡಿತ ಮುಂಗುಲಿ ಮುಸುಂಟುದಾಯೆ ಉರಿ ಮೋಣೆ ಸಿಂಗ್ಲಿಕೆ... ಸೀಂತ್ರಿಗೊಬ್ಬಿನಿ ಯಂಕ್ ತೆರಿದಿಜಿಂದಾ? ಯೆನನ್ ಪಂಚಾತಿಕೆಗ್ ಲೆಪುಡುನಾತ್ ದಪ್ಪನ ನಿಕ್ಕಳ ತಿಗಲೆ? ತಿಗಲೆಗೊಂಜೊಂಜಿ ಗುದ್ದುದು ಪೂಂಟುದು ರಸದಪ್ಪ, ಯೀ ಯೇ ರಾಮೆನಾ? ಕಾಲ ಬಯ್ದಿನ ನಾಲ್ ಪೊಡಿ ರಕ್ಕಸೆರೆನ್ ಪೊಡಿ ಮಲ್ಫ್ನ್ಸಿ ಕೃಷ್ಣನಾ?.. ಯೀ ಕಯ್ಯತ್ತಿನಾಳನೇ ಕಳುವಡೊಂಜಿ ಕಮ್ರವಂದಿ.ನಿನ್ನ ತಿಗಲೆಡುಂಡಯ ಕಯೆ? ಅವುಳ್ ಕಡ್ತಿದೆ ಮೂಳು ಕುಡುದೇ ಟೇಂಕಾರ ಕಟ್‌ದ್ ದೀಲ.. ಜಾರ... “ಉಂತವುಳು ಒಂಜರೆ ಕಾಸ್‌ದಾಯ, ವೋಡೆ ನಿನ್ನಮ್ಮಡೆಗ? ರಾಮ ನಿನ್ನಮ್ಮನ? ಅತ್ತಾಯಗೀ ಮಗನ? ಕಾರ್ ಕಡೆ ತಿಗಲೆನ್ ತಿಗ್ರೆ ದಗ್‌ಡಿ ಮಗ... ನಾಸಿಗೆ ದಾಂತಿ ಓ ಮಂಗ ಬುಡೆದಿಜ್ಜಿ ಬುಡೆದಿದ್ದೀಂದ್ ಪಂಡ್‌ದೂರೊ ಬಂಗ್ರ ಬತ್ತ್ದ್ ಇ ಹಣೆಬರೊನು ಮಾರ್ ತೋಜಾವತ್ತ..." “ಬಾಯ್ಕುಚ್ಚಿಲಯ ಪೊಕ್ಕಡೇಟ್ ಕೊರೆಪುನಿ, ನಿಕ್ ಮದ್ಯನೆಡ್ ತೆಲಿ ಮ‌ದ್‌ಜೆರ? ಕಂಡಲ... ನಾದಲ... ನಿನ್ನ ಬೊಹ್ಮನು ಬಾಕಿಮಾರ್ ನಟುಂಡು... ಸುರುಪ ಕೆಟ್ಟಿನ ನಿನ್ನ ಕೊಟ್ಟ ಮೋಣೆ.. ನಿನ್ನ ತಿಗಲೆಗ್ ಬೆರ ರಕ್ಕಸೆ ಪೆಟ್ ಪಾಡೋಡ್ಡ.." ತುಳುತ್ತ ನೆರಡೆದ ಈ ಸಂಗ್ರಹದ ಒಂಜಿ ಪೊರ್ ಬೇತೆ. ಕೋಪ ಬತ್ತಿ ವಾಲಿ ಎಂಚ ಇತ್ತೆ. ತೂಲೆ : ".... ಕಿಟಿ ರಟ್ಟು ಕಣ್ದ ಕೆಂಪು, ಕೊಡಿ ಮೀಸೆಲೆದ ನಲಿಪು, ದೊಂಕಿನುಚ್ಚುದ ಸುಂಯ್ದು ಬುಡ್ಡಿನುಸುಲುದ ಒಯ್ದು, ನೆತರ್‌ದ ಕೊರಿಪು ಪುಣ್ಯದ ತಿ‌ದಂಚಿತ್ತಿಡೀ ಮಯ ಬೆಗಪ್ಪು ತೂಪಿನ ಜನೊಕುಳೆಗ್ ಬೆಪ್ಪು ಪುಟೊಡಂಚಿನ ದರು, ರೋಮ ಕೊಕ್ಕೆ ಕಣೆ ಪಂಜಿದನೆ ಬಯೂಪು ಅದು... ಕುಂಬರು....." ಸಲೀಸಾದ್ ವರ್ಣನೆ ಮಲ್ಲೊಂದ, ಆಯನ ಸ್ವಭಾವೊನ್ಹಾ ತೋಜವುನ ಕ್ರಮ ಉಂದು. ವಾಲಿ ಸುಗ್ರೀವರ ಲಡಾಯಿಡ್ "ಸೇಂಕಾಟ ಸುಂಯಾಟ ನೆರಾಟ ನೂಕಾಟ ಒದ್ಘಾಟ ನೋಪಾಟ ತೊರಾಟ ತಿಣಾಟ ಪರ್ಕಾಟ ಗುದ್ದಾಟ ಬೊಟ್ಟಾಟ ಕುಟ್ಟಾಟ ಯೆದ್ಘಾಟ ತುಚ್ಚಾಟ ಮಲ್ಲ ಮಲೆನಾಡ ಬಂಟೆರನ ಪೊರ್ಮಾಟ! ಇಂಚನೀ ತುಳು ಬಾಸೆದ ಪೊರ್ಲು, ತುಳು ಜನಕುಳ ಬದ್‌ಕ್‌ ರೀತಿ, ತುಳು ಜನೊಕುಲೆ ಪಾತೆರೊದ ರಿತಿಲೆನ್ ಇಡಿ ಇಡಿಯಾದ್ ಅರಾದ್ ಬೆರಾದ್ ಪಾಕ ಮಲ್ಲಿನ ಬರಪಾಟಿಕೆ ಈ ಕಾವೊದ ಉದ್ದೊಗುಲಾ ಉಂಡು. ಒಂಜೊಂಜಿ ಭಾಗೊನ್ನಾ ದತ್ತ್ ಬರವೊಡಾವು - ಉದಾ: ಬೇತೆ ಬೇತೆ ಅದ್ಯಾಯೊಡು ಬರಿ ಮುಗಲ್‌ದ, ಸಾಗೊಳಿದ, ಮರಲೊದ ವರ್ಣನೆಲು, ಹನುಮಂತ ಲಂಕೆಗ್ ಪೋಪಿನ ಕತೆತ ವರ್ಣನೆ, ಕಡಲ್‌ದ, ಯುದ್ದೋದ ಸಂಗತಿಲು, ರಾಮ ರಾವಣೆರೆ ಯುದ್ಧ, ಇಂಚ ಒಂಜೊಂಜಿಲ ತುಳು ಬಾಸೆದ ಕಮ್ಮೆನೊ, ಬಿಗು ಬಿರಾದಿಗೆನ್ ತೋಜಾವೊಂದುಳ್ಳ, ಉಂದು ಮಾತಲಾ ತಾಜ ತುಳುಟ್ಟು ಪಣೆರಾಪುಂಡಂದ್ ಆಚಿರ ಪಡೆಪಿನ, ತುಳುವರೆ ಮೈ ಮರ್ಲುನ 31 ...
