ನಿಜವಾಯಿನ ಉಪಚಾರ. ಇಲ್ಲಡೆ ಬತ್ತಿನಕ್ಸ್, ಉಣಸ್ ಮಲ್ಪಂದೆ, ಪೋಯೆರ ಆರೆಗ್ ಸಮಾದಾನ ಆವಂದ್, ಆರೆ ಇಲ್ಲದ ಉಣಸ್ಟ್ ತಿನಸ್ಟ್ ಎಡ್ಡೆ ಪರಿಷ್ಕಾರವಾಯಿನ, ರುಚಿ ಕಟ್ಟಿದವು. ಅಬತಾರ ಮಲ್ಪಂದೆ, ಸರಳವಾದ್ ಬಿನ್ನೆರೆನ್ ತೂವೊನ್ಸಿ ಆರೆನ ಕ್ರಮ ವಿಶಿಷ್ಟವಾಯಿನವು. ಶ್ರೀಮತಿ ಜಲಜಾಕ್ಷಮ್ಮ ಬೊಕ್ಕ ಜೋಕ್ಲಗ್‌ಲಾ, ಅತಿಥಿಲೆ ಮಿತ್ತ್, ಬಟ್ರೆನ ಮಿತ್ರರ ಮಿತ್ತ್ ಬಾರಿ ಅಭಿಮಾನ. ಒಣಸ್ಟ್ ತಿನಸ್ಸಡ್ ಬಟ್ರನ, ಆರನ ಇಲ್ಲದಕ್ಷನ ಅಭಿರುಚಿನ್ ಪುಗರೊಡಾಯಿನವೇ. ಸಂಪೊತ್ತುಗುಲ, ಒಣಸ್ಟ್‌ದ ಪೊರ್ಲುಗುಲ ಸಂಬಂಧ ಇಜ್ಜಿಂದ್‌ನ್ನುನೆಕ್ಟ್ ಆರೆನ ಇಲ್ಲಿ ಸಾಕ್ಷಿ. ತಿಂಡಿ ತಿನಸ್ಪದ ವಿಷಯೊಡು ಬಟ್ ಎಡ್ಡೆ ಅನುಭವಿ, ರಸಿಕೆ. ಆ ವಿಷಯ ಆ ಕೊಲ್ಪಿ ವಿವರಣೆ, ವರ್ಣನೆ ಕೇನ್ನವೇ ಬಂಜಿ ದಿಂಜುನ ಔತಣ. ಮುಂಚಿದ ಗೊಜ್ಜಿಡ್ ಪತ್‌ದ್, ರಚ್ಚೆದ ಕಜಿಪು ಮುಟ್ಟ, ಪುಳಿತ್ತ ಸಾರ್‌ಡ್, ಮಲ್ಲ ಮಲ್ಲ ಸೀಪೆ ತಿಂಡಿಲೆ ಮುಟ್ಟ ಆರೆನ ವರ್ಣನೆ ಕೇಸೊಡಾಯಿನವು. ಅವೈನ್ ಆ ಪನ್ಸುನ ಮಾತ್ರ ಅತ್ತ್. ಮಲ್ಪಾದ್‌ಾ ಪಾಡುವೆರ್. 3 ಜೀವನೊಡು ಆರ್ ತೃಪ್ತಿ ಇತ್ತಿನಾರ್, ಅಲ್ಪತೃಪ್ತ ಅತ್ತ್, ಸದಾ ತೃಪ್ತ. ಒಯ್ದಿಲಾ ಕೊರತೆ, ಬೇಜಾರ್‌, ಕಿರಿಕಿರಿ ಮನ್ನಾರತ್ತೆ, ಇತ್‌ನೆಟ್ಟೆ ಪೊರುಡು, ಸಂತೋಸೊಡು ಎಂಚ ಬದುಕೊಲಿಂದ್ ಆರಡ ಕಲ್ಲೊಡು. ಏಪಲಾ ಉಲ್ಲಾಸ್, ಉತ್ಸಾಹ, ಆರಡ ದಿಂಜಿದ್ ಇತ್ತ್ಂಡ್. ಆರಿತ್‌ಂಡ ಆರೆನ ಸುತ್ತ ಒಂಜಿ ಕುಸಿತ, ಗಮ್ಬಲ್‌ ವಾತಾವರಣ ತಯಾರ್ ಮಲ್ಪುನ ಶಕ್ತಿ ಆಡ ಇತ್ತ್ಂಡ್. ಕ್ಯಾನ್ಸರ್‌ದಂಚಿನ ಮಲ್ಲ ಕಾಯಿಲೆ ಆನಗಲ, ಆ ಮನಸ್ಸಡ್ ಅಸ್‌ಜೆರ್, ಅಫ್ರಿಜೆರ್, ದುಂಬುದ ಲೆಕ್ಕನೇ ಇತ್ತೆರ್. ಕಂಟೆಲ್‌ ಆಪರೇಶನ್‌ ಆದ್, ಆಸ್ಪತ್ರೆಡ್ ಇಪ್ಪುನಗ ಆ ಕೈತಲ್‌ದ ಆಪ್ತರೆಗ್ ಬರೆಯ ಕಾಕಜಿಡ್ ಬರೆತಿ ಪಾತೆರ ಯಿಂಚ ಇತ್ತ್ಂಡ್ "ಯಾನ್ ಇತ್ತೆ ಯಕ್ಷಗಾನ ಬುಡ್ಸ್, ಕಥಕ್ಕಳಿಗ್ ಸೇರೆ!" ಪಂಡ, ಪಾತೆರೆರೆ ಆಪುಜಿ, ಅಭಿನಯ ಮಲ್ತ್ ತೋಜಾಬೆಂದ್! ಆಪರೇಶನ ಆದ್, ಆರ್ ಯಕ್ಷಗಾನೊಡ್ಡು ಪೂರ್ತಿ ನಿವೃತ್ತರಾಯೆರ್‌ಡಲ, ಆಟ, ಕೂಟ, ಸಭೆಕ್ಸೆಗ್ ಬರೊಂದೆ ಇತ್ತೆರ್. ಇಂಚಾಂಡ ಪಂಡ್‌ದ್ ಒಂಜಿ ಸರ್ತಿಲ ಪನ್‌ಜೆ, ಸಹಾನುಭೂತಿನ ನಿರೀಕ್ಷೆ ಮಲ್ತ್‌ಜೆ, ಆರೆನ ಕುಸಾಲ್, ಗಮ್ಮತ್ ದುಂಬುದ ಲೆಕ್ಕನೇ ಇತ್ತಿನೆನ್ ತೂದು ಏತೋ ಜನೊಕೈಗ್ ಆಶ್ಚರ್ಯ ಆತ್‌ಂಡ್. ಬಟ್ ಕರ್ಚಿಡ್ ಧಾರಾಳಿ, ಬಡಪತ್ತಿಪ್ಪುನಗಲಾ, ಆರೆನ ಈ ಗುಣೋನು ಕಷ್ಟೊಡು ಒರಿಪಾವೊಂದಿತ್ತೆರ್. ತನ್ನ ಮಟ್ಟಿಗ್ ಏತೇ ಹೊಂದಾಣಿಕೆ ಮಲ್ತದಾವಡ್, ಎಲ್ಯ ಆವಂದ ಆತಿಥ್ಯನು ಆಂಚನೆ ಮತ್ತೊಂದ್ ಪೋಯಿನವು ವಿಶೇಷ. ಆಸ್ತಿ ಬದ್‌ಕ್ ಇಜ್ಜಾಂದೆ, ಸಂಪಾದನೆ ಮಲ್ಪೆ ಆಣ್‌ ಜೋಕ್ಸ್‌ಲ್ಲಾ ದಾಂತಿ, ಬಜಿ ಎಲ್ಯ ಪೆನ್‌ಶನ್‌ಡಿಪ್ಪುನಗಲಾ, ಆರೆನ ಇಲ್ಲದ ಕ್ರಮೊ ದುಂಬುದ ಲೆಕ್ಕನೆ, ಬರಿ ಪೋಪಿ ಜನಕುಲು ಒಂತೆ ಹೆಚ್ಚನೇ ಹೊರತ್ ಕಡಮೆ ಆಯಿಜಿ. ವೊವೇ ಸಂಗತಿದ ವಿಷಯೊಡ್, ಜನೊಕ್ಲನ ವಿಷಯೊಡು ಆರೆನ ವಿಮರ್ಶೆ, ಅಭಿಪ್ರಾಯೊ
- ದಿಂಜ ತೂಕದವು. ಸರಿಯಾದ್ ಆಲೋಚನೆ ಮಲ್ಪಂದೆ, ಪಿನಂದ ಆರ್ ಪಾತೆರಯೆರ್. ಆರ್
22
