3. ಆರೆನ ಪಾತರದ ಸ್ವಾರಸ್ಯ, ಕೇಂಡ್‌ದ್ ತೆರಿವು, ಬರೆದ್ ತೆರಿಪಾವರೆ ಆವಂದ್. ಅವು ಪಾತರದವೇ ಸಾಹಿತ್ಯ. ಆರೆನ ಕುಸಲ್‌, ಮಕ್ಕರ್‌ದ ಪೊರೇ ಬೇತೆ, ನಮ್ಮ ಮಿತ್ರ ಕೂಟೊಡು, ಮಂದಾರರ ಕುಸಾಲ್ (ಮಂದಾರ ಜೋಕ್ಸ್) ಪಂಡ್‌ದ್ ಒಂಜಿ ಪಾತೆರ. ಎಡ್ಡೆ ಒಂಜಿ ಕುಸಲ್ದ ಪಾತರ ತಿಳ್ಕೊಂಡ ಅನ್ನೋ "ಕೇಶವ ಬಟ್ಟೆನ ಪಾತೆರದ ಲೆಕ್ಕ" ಅಂದ್ ಪುದರ್ ಕೊಬ್ಬಿನಾತ್ ಆರೆನ ಪಾತೆರದ ಬಿಗು. ಹಳ್ಳಿದಲ್ಲಿನ ಪಾತೆರದ ಪೊರು, ಆ ಪಾತೆರದ ಕ್ರಮೊ, ಆ ವಾಕ್ಯ ರಚನೆ, ಆ ಸ್ವರೊತ್ತ ರೀತಿ ಮಾತ ಆರೆಗ್ ಸಲೀಸ್. ಆರ್ ತೂಯಿನ ಹಳ್ಳಿದ ಬಿರ್ಸೆರ ಪಾತರದೊಂಜಿ ಮಲ್ಲ ಸಂಗ್ರಹೊನೆ ಆರೋಡ ಇತ್ತ್ಂಡ್ (ಆಯ್ ರೂಪೊಲು ಆರೆನ ರಾಮಾಯಣೋಡು ತೋಜುವೊ). ಹಳ್ಳಿದಕ್ಕೆನ್ ಆ ಪನಿ "ಬರವು ದಾಂತಿನ ವಿದ್ವಾಂಸರ್"ಂದ್. ವಿಷ ಕೇಶವ ಬಟ್ ಹಳ್ಳಿದಾರಾ ಅಂದ್, ಪೇಂಟೆದಾರಾ ಅಂದ್. ರಡ್ ಸಂಸ್ಕೃತಿದ ಒಂಜಿ ಪಾಕ ಆರೆನ ವ್ಯಕ್ತಿತ್ವ. ದುಂಬುದೆ ಬುಡಂದೆ, ಪೊಸತ್ತೆನ್ ದೆತೊನುರಾರ್ ಆರ್. ದೇವ ದರ್ಮೊಡು ಆರ್ ನಾಸ್ತಿಕೆ ಅಂಡಲಾ, ಆಯ್ತ ಅತಿರೇಕ ಇತ್ತೀಜಿ, ಭಕ್ತಿಡ್ ಆರೆಗ್ ವಿಶ್ವಾಸ ಇತ್ತೀಜಿ, ವೇದಾಂತೊದ ಜ್ಞಾನಮಾರ್ಗ ಆರೆಗ್ ಇಷ್ಟವಾದಿತ್ತ್ಂಡ್. ಗೀತೆದ ಕರ್ಮಯೋಗ ಆರೆಗ್ ಪ್ರೀತಿದವು. ಸ್ವತಃ ಒಂತೆ ಜ್ಯೋತಿಷ್ಯ ಗೊತ್ತಿತ್ತ್ಂಡಲಾ (ಗಣಿತ ಭಾಗ) ಆರ್ ತನ್ನ ಜಾತಕೊನು ಒಂಜಿ ಸರಿಲಾ ಜ್ಯೋತಿಷಿಲೆಗ್ ತೋಜಾಯಿಜೆರ್. ಪ್ರಶ್ನೆ, ನಿಮಿತ್ತ, ಪರಕೆಲೆಡ್ ಆರೆಗ್ ನಂಬೊಲ್ಲೆ ಇತ್ತ್. ಜಿ. ನಡವಳಿಕೆದ ಕ್ರಮ, ಸಂಸ್ಕೃತಿ ಎಂಚ ಇನ್ನೊಡು ಪನ್ನುನೆಕ್ ಬಟ್ರನ ಜೀವನ ಒಂಜಿ ಮಾದರಿ. ಯೋಚನೆ, ಚಿಂತನೆ, ಪಾತರ, ವ್ಯವಹಾರ, ಒಡನಾಟೊಳೆಡ್ ಮಾತ ಅರಡ ಸುಸಂಸ್ಕೃತವಾಯಿನ ರೀತಿ ನೀತಿ ತೋಜೊಂದಿತ್ತ್ಂಡ್, ಯೇರಡ ಎಂಚ, ಯೇಪ, ಯೇತ್‌ಂದ್ ಆರ್ ತೆರಿದ್‌ನಾ. ಒಯ್ಯಲಾ ಎನ್‌ ತೋಜಂದೆ, ತಾನ್ ಪಿರ ಉಂತುದು ಕೆಲಸ ಮಲ್ಪುನವು ಆರೆಗ್ ಇಷ್ಟ. ಸ್ನೇಹಾಚಾರೊಗು ಅತ್ಯಂತ ಯೋಗ್ಯ ವ್ಯಕ್ತಿಯಾದಿತ್ತಿನ ಬಟ್, ಆರ ಬಂಧುಲೆಡ, ಮಿತ್ರವರ್ಗೊಡು ಗೌರವ ಪಡೆಯಿನಾರ್. ಆಡಂಬರ, ಪ್ರದರ್ಶನ ದಾಂತಿನ ನಿಜವಾಯಿನ ನಿಷ್ಕಲ್ಮಶ ಸ್ನೇಹ ಆರೆನವು, ಪ್ರದರ್ಶನ ದಾಂತಿನ ಸಹಜ ಮಿತ್ರತ್ವ ಅವು. ಒರಿಯಡ ಆಯಿಜೀಂದಾಂಡ, ಬೊಕ್ಕ ಆಯಿಜಿ. ಆರ್ ಆಯನ ಸುದ್ದಿಗ್ ಪೋವಯೆರ್. ಹಾಳ್ ಎಣ್ಣಯ ರಾಜಿಗ್‌ಲಾ ಪೋವಯೆರ್. ಇಂಟ ಏರೆಗ್‌ಲಾ ಬೇನೆ ಆವಂದಿಲೆಕ್ಕ ಆರೆನ ಪಾತೆರ. ಆಂಡಲಾ ಪನ್ನುನೆನ್ಸ್ ನಯವಾದ್, ಕಟ್ಟುನಿಟ್ಟಾದ್ ಪನೈ. ತನ್ನ ಒಪ್ಪಿಗೆ ದಾಂತಿನೆಟ್ಸ್, ರಾಜಿ ಮಲ್ಪಯರ್‌, ಅಭಿಪ್ರಾಯ ಭೇದ ಇತ್ತ್ನಕ್ಕೆ ಡಲಾ ಆರೆಗ್ ದೋಸ್ತಿ ಇತ್ತ್ಂಡ್. ಆರ್ ಕೊನ ಸಲಹೆಲು, ಎಲೈಲ್ಯ ಕೆಲವು ಸೂಚನೆಲು ಆರಿತ್ತಿನ ಸಂಸ್ಥೆಲೆಗ್ ಆರೆನ ಬಂಧು ಮಿತ್ರೆರೆಗ್ ಮಸ್ತ್ ಉಪಯೋಗ ಕೊ‌ಂಡ್, ಆರಡ ಚರ್ಚೆ ಮಲ್ಗೊಂಡ, ಕುಡಕುಡ ಕೇಂಡ, ವಿಷಯ ಪಿದಾಯಿ ಬರೊಂದಿತ್ತ್ಂಡ್. ಬಳಿ ಕೇಶವ ಬಟ್ಟೆನ ಆತಿಥ್ಯ ಪ್ರಸಿದ್ಧವಾಯಿನವು, ಪ್ರೀತಿ ದಿಂಜಿನ, ಬಣ್ಣಾಟಿಕೆ ದಾಂತಿನ D6352 21 ASA COLLEGE SURATHKAL VINDA LIBRARY
