ಕೊರಿನ ಅಭಿಪ್ರಾಯೊನ್ ಪೂರ್ತಿ ನಂಬೊಲಿ, ಆರೆಗ್ ಒಂಜಿ ವಿಷಯೊಡು ಒರನ ಒಪ್ಪಿಗೆ ಇಜ್ಜಿಡಲಾ, ಆಯ ಮಿತ್ತ್ ಒಟ್ಟು ವಿರೋಧಾಭಿಪ್ರಾಯ ಆ ಕೊರಯೆರ್. ಎಡ್ಡೆ ಇತ್ತೇನನ್ ಎಷ್ಟೊಂದ್ ಪನ್ವೆರ್. ವ್ಯಕ್ತಿ ಪರೀಕ್ಷೆಡ್ ಆರ್ ಬಿರ್ಸೆ. ವ್ಯವಹಾರೊಡು ಬಿರ್ಸೆ ಅತ್ತ್. ಆರೆನ ಸಂಕೋಚ ಸ್ವಭಾವೊ ಒಂಜಿ ಗುಣಲಾ ಅಂದ್, ದೋಷಲಾ ಅಂದ್. ಆರ್ ಮಹತ್ವಾಕಾಂಕ್ಷಿ ಅತ್ತ್. ದುಂಬು ಲಾಗುವ ಸಾಹಸಿ ಅತ್ತ್. ಆರೆನ ವಿದ್ವತ್‌ಗ್ ತಕ್ಕ ವೈಖರಿ ಆರೆಡ ಇತ್ತೀಜಿ. ಪಂಡ, ಆರ್ ಪಾತೆರುನ ಕ್ರಮನೆ ಸಂಕ್ಷೇಪ, ಮಿತ. ಅಂಚನೇ ಬಹುಶಃ ತಾಳಮದ್ದಲೆದ ಅರ್ತೊಡು ಆ ಏರೋಡಾಯಿನ ಜಾಗೆಗ್ ಮುಟ್ಟಿಜೆರ್. ಆರ್ ಪ್ರತಿ ಆರ್ ಬರೆಯಿನ ಮಂದಾರ ರಾಮಾಯಣ ಕಾವೊನು, ಕನ್ನಡ ಸಂಸ್ಕೃತ ಕಾವೊಳ ಕ್ರಮೊಟ್ಟು ಅಥವಾ ಕಾದಂಬರಿಲೆನ ರೀತಿಡ್ ಬರೆವಂದೆ, ಅವೈನ್ ತುಳು, ಸಾಮಾನ್ಯ ಜನೊಕ್ಲನ, ಜೀವನೊದ ರೀತಿಡ್ ಚಿತ್ರಣ ಮನೆನ್ ತೂಂಡ ಆರೆನ ಜನಪರ ಚಿಂತನೆ ಅರ್ತ ಆಪುಂಡು, ಮಂದಾರ ರಾಮಾಯಣೋನು ಉ‌ಲ್‌ಲೆಕ್ಕ, ಸಂದಿದಲೆಕ್ಕ ತುಳು ಶೈಲಿಡ್ ಪನ್ನಾದ್ ಪ್ರದರ್ಶನ ಮಲ್ಪವುನ ಆಸೆ ಆರೆಗಿತ್ತ್ಂಡ್. ಉಂದು ಕಲೆ ಸಾಹಿತ್ಯೋಡು ಆರೆನ ಚಿಂತನೆದ ಸಾದಿ ಯೋಗಿತೆ, ಗುಣ, ವಿದ್ವತ್, ಸಂಸ್ಕೃತಿ, ಗಾಂಭೀರ, ಸರಳತೆ, ಕುಸಲ್ ತಮಾಸೆ, ಸ್ನೇಹಾಚಾರ, ತತ್ತ್ವನಿಷ್ಠೆ, ಗೌರವ, ತೃಪ್ತಿ, ಜಾಗ್ರತೆ, ಔದಾರ ಉಂದು ಮಾತ' ದಿಂಜಿದ್, ಸರಿಯಾಯಿನ ರೀತಿಡ್ ಮಿಶ್ರಣವಾದಿತ್ತಿನ ಕೇಶವ ಬಟ್ ಒರಿ ಮದಪ್ಪೆರಾವಂದಿನ ವ್ಯಕ್ತಿ. ಒರಿ ಎಂಚ ಇಪ್ಪೆಡುನ್ನುನೆಕ್ ಒಂಜಿ ಆದರ್ಶ. ಇಂಚಿತ್ತೋನಾರ್‌ ಒರಿ ಇತ್ತೆರ್‌ಂದ್‌ ದೆರ್ತ್‌ದ್ ಪನೊಳಿ. ಇಂಚಿತ್ತಿನಾರಾ ಒರಿ ಇತ್ತೆರಾಂದ್ ಆಚಿರ ಪಡೆಪಿನಂಚಿನ ರೀತಿದ ವ್ಯಕ್ತಿ. ಕಲಾವಿದೆ ಒರಿ ತುಳು ಕವಿಯಾದ್, ಮಹಾಕವಿಯಾದ್, ಪುದಾರ್ ಪಡೆಪಿನ ದುಂಬೇ, ಕೇಶವ ಬಟ್ ಒರಿ ಮಲ್ಲ ಯಕ್ಷಗಾನ ಕಲಾವಿದೆ, ಯಕ್ಷಗಾನ ಸಂಪನ್ಮೂಲ ವ್ಯಕ್ತಿ, ಗುರು ಆದಿತ್ತಿನಾರ್. ಒಂಜಿ ದೃಷ್ಟಿಡ್, ಆರೆನ ತುಳು ಕವಿದ ಕೀರ್ತಿಡ್, ಆರೆನ ಯಕ್ಷಗಾನ ಕಲಾವಿದತ್ವ ಒಂತೆ ಮದ ಪೋಂಡ್‌ಂದ್‌ ಪನೊಲಿ. ಅಥವಾ, ಯಕ್ಷಗಾನೊಡು ಆರೆಗ್ ತಿಕ್ಕಂದಿನ ಸ್ಥಾನ, ತುಳು ಕವಿಯಾದ್ ಕೇಶವ ಬಿಟ್ರೆಸ್, ಯಕ್ಷಗಾನೊಡು ಮನೆತನದ ಹಿನ್ನೆಲೆ ಇಜ್ಜಿ. ಆಂಡಲಾ ಆರೆನ ಜೋಕ್ಲಾಟಿಗೆಡ್, ಕುಡುಪು ವಾಮಂಜೂರುಡ್ಲಾ, ಆರೆನ ರಡ್ಡನೇ ಇಲ್ಡ್ದ ಲೆಕ್ಕ ಇತ್ತಿನ ಕೊಂಚಾಡಿ ಸುತ್ತಲ ಯಕ್ಷಗಾನದ ಬಿರ್ ಇತ್ತ್ಂಡ್. ಆ ಆಟ, ತಾಳಮದ ತೂವೊಂದೇ ಬುಳೆಯಿನಾರ್. ಕದ್ರಿ, ಕಟೀಲು, ಧರ್ಮಸ್ಥಳ ಇಂಚಿತ್ತಿ ಮೇಳೊಲುಲೆನ ಬರಸ್‌ದ ಕಾಲ, ಸಾದಾರ 1930ಗ್ ಕುಡ್ಲಡ್ ಸುರುವಾಯಿನ ಯಕ್ಷಗಾನೋಜೀವಿನೀ ಸಭಾ (ಜೈಲ್ ಶಾಲೆಡ್) ಮೂಲಕ, ಪೊಸ ರೀತಿದ ತಾಳಮದ್ದಲೆಲಾ ಬುಳೆವೊಂದಿತ್ತ್ಂಡ್, ನೆತ್ತ ಮಾತೆತ್ತಲಾ ಪ್ರಭಾವೊ ಆರ ಮಿತ್ತ್ ಆಂಡ್. ತೂಯಿನೆನ್ ಸೂಕ್ಷ್ಮವಾದ್, ಅಡಿಮುಟ್ಟ ತೂಪಿನ ಅಭ್ಯಾಸೊದ ಕೇಶವ ಬಟ್, ತನ್ನ ಇರ 23
