- ಐತಾಳ ಬಂಧುಲು
ಕುಡಲದ ಐತಾಳ ಬಂಧುಲು (ಮೊಕ್ಕು ಪಣಂಬೂರು ಐತಾಳೆರಕು) ನಾಲ್ ಜನ ವೆಂಕಟ್ರಾಯ ಐತಾಳ, ಪರಮೇಶ್ವರ ಐತಾಳ, ಶ್ರೀಧರ ಐತಾಳ, ಶಶಿಧರ ಐತಾಳ ಕೇಶವ ಬಟ್ರೆಗ್ ಮುಟ್ಟದಕುಲು. ವೆಂಕಟ್ರಾಯ ಐತಾಳೆರ್ (ದುಂಬು ಕುಡ್ಲಡ್ ಪಾಲಿಟೆಕ್ನಿಕ್‌ಡ್ ಲೆಕ್ಚರರ್. ಇತ್ತೆ ಬೊಂಬಾಯಿಡ್ ಜ್ಯೋತಿಷಿ) ಶಿವರಾಯೆರ ಇಲ್ಲಗ್ ಮುಟ್ಟ ಇತ್ತನಾರ್‌, ಮದ್ದಲೆಗಾರ, ವೇಷಧಾರಿ. ಕೇಶವ ಬಟ್ರೆನ ಬಾಗವತಿಕೆದ ಏತೋ ಕಾರಕ್ರಮೊಗು ಆ ಮತ್ತೆ ಗಾರ್, ಕುಡಲದ ಕರಂಗಲ್ಪಾಡಿದ 'ಸುಖ ಸಾಗರ'ಡ್ (ಇತ್ತೆ ಮಹೇಂದ್ರ ಆರ್ಕೇಡ್) 1976ಡ್ಸ್, 1990 ಮುಟ್ಟ ಪೊಳಲಿ ಶಾಸ್ತ್ರಿ ಸ್ಮಾರಕ ಸಮಿತಿದ ಆಫೀಸ್ ಇತ್ತ್ಂಡ್. ಅಂಚಾದ್ ಪರಮೇಶ್ವರ, ಶ್ರೀಧರ, ಶಶಿಧರ ಐತಾಳೆರಕೆಗ್‌ಲಾ ಕೇಶವ ಬಗ್‌ಾ ನಿಕಟ ಸಂಪರ್ಕ ಇತ್ತ್ಂಡ್. ಸಮಿತಿದ ಕೆಲಸೊಗು ಬೋಡಾದ್ ಸುಮಾರ್ ಪತ್ತ್ ವರ್ಸ. ಬಟ್ ಆಡೆಗ್ ಬರೊಂದಿತ್ತೆರ್. ಐತಾಳೆರಕೆಗ್ ಕೇಶವ ಬಟ್ ಇಲ್ಲದಾರೆ ಆದಿತ್ತೆರ್. ಶಶಿಧರ ಐತಾಳೆರ್ ಬಟ್ರೆನ ಬಾಗವತಿಕೆ ಕಲ್ಲಿನ ಶಿಷ್ಟೆಲ ಅಂದ್. ಈ ಐತಾಳೆರತ್ತು ನಡಪಾವೊಂದಿತ್ತಿನ ಪಣಂಬೂರು ನಂದನೇಶ್ವರ ಯಕ್ಷಗಾನ ಮಿತ್ರ ಮಂಡಳಿಗ್‌ಲಾ ಕೇಶವ ಬಟ್ ಸಹಕಾರ ಕೊರೊಂದಿತ್ತೆರ್.
- ಕಟೀಲ್‌ದ ಬಳಗ
ಕೆಲಸೊಲ್ಡ್ ನಿವೃತ್ತಿ ಆಯಿ ಬೊಕ್ಕ ಕೇಶವ ಬಿಟ್ರೆಗ್ ಸಾರ್ವಜನಿಕ ಚಟುವಟಿಕೆ ಹೆಚ್ಚಾಯಿನೆಡ್ ಆರೆನ ಕಾರ್ಯಕ್ಷೇತ್ರೋಗು ಸೇರಿನ ಜಾಗೆಡ್ ಕಟೀಲ್‌ಲಾ ಒಂಜಿ, ಕಟೀಲ್‌ಡ್ ನಡತಿನ ಯಕ್ಷಗಾನ ಕಮ್ಮಟೊಲು, ಭ್ರಾಮರಿ ಯಕ್ಷಗಾನ ಮಂಡಳಿದ ಆಟೊಲೆ ಸಂಪರ್ಕ ಇಂಚಿತ್ತಿನೆಡ್ಜ್ ಆರ್ ಕಟೀಲ್ಗ್ ಪೋವೊಂದು ಬರೊಂದಿತ್ತೆರ್. ಕಟೀಲ್ ಆಸ್ರಣ್ಣೆರಾಕ್ಸೆಗ್ ಆರೆ ಮಿತ್ತ್ ದಿಂಜ ಅಭಿಮಾನ. ಅಂಚನೆ ಕಟೀಲ್ ಶಾಲೆದ ಹೆಣ್ಮಾಸ್ಟರ್ ವಿದ್ವಾನ್ ಪಿ. ಕೃಷ್ಣ ಬಟ್, ಕಲಾವಿದೆ ಸಂಶೋಧಕೆ ಪು. ಶ್ರೀನಿವಾಸ ಬಟ್ಟೆ, ಕಟೀಲು ಪಾಂಡುರಂಗರಾಯ, ವೇಷಧಾರಿ ಕಟೀಲು ಪುರುಷೋತ್ತಮ ಬಟ್ಟೆ ಇಂಚ ಕಟೀಲ್‌ಡ್ ಆರೆಗೊಂಜಿ ಮಿತ್ರ ಬಳಗ ಇತ್ತ್ಂಡ್. ವರ್ಸೊಗು ರ ಮೂಜಿ ಸರಿ ಕಟೀಲ್ಗ್ ಪೋದ್‌, ಉಂತ್‌ದ್ ಬರ್ಪುನವುಲ ಇತ್ತ್ಂಡ್.
- ಈ ಲೇಖಕೆ
ಈ ಬೂಕುದ ಲೇಖಕೆ ಕೇಶವ ಬಟ್ಟೆನ ಆಪ್ತರಡ್ ಒರಿ, ಎಂಕ್ ಆರೆನ ಪ್ರಥಮ ಭೇಟಿ ಸಾದಾರ ದಶಂಬರ 1969ಡ್ ಕೂಡ್ಲು ಮೇಳೊದ ಒಂಜಿ ಆಟೊಡು ಯಾನ್ ವೇಷ ಮಲ್ಪೆರೆ ಪೋದಿಪ್ಪುನಾಗ, ಅರ್ಕುಳೊಡು ಆದುವೊಡು. ಯಾನ್ ಸುರತ್ಕಲ್ಡ್ಗ್ ಲೆಕ್ಚರರ್ ಆದ್ ಬನ್ನಗ, ಕೆಲವು ತಾಳಮದ್ದಲೆಡ್ ಎಂಕು ಸೇರಿತ್ತ. ಅಂಚನೆ, ಪೊಳಲಿ ಬಾಲಕೃಷ್ಣ ಶೆಟ್ರೆ ಮೂಲಕ ಕನ್ನಡ ಸಂಘೋಡು ಸೇರ್ ಕೆಲಸ ಮಲ್ಲೊ, ಇಂಚ ಸುರುವಾಯಿನ ಎಂಕ್ಲನ ದೋಸ್ತಿ, ಬುಳೆದ್ ಅಕೇರಿ ಮುಟ್ಟ ಆತ್ಮೀಯವಾದ್ ಇತ್ತ್ಂಡ್. ದುಂಬು ಪಂಡಿನ ಐತಾಳೆರೆ ಬಳಗ, ಶಿವರಾಯರೆ ಇಲ್ಡ್, ಕಟೀಲ್ ಬಳಗೊಡು ಯಾವ ಇತ್ತೆ. ಶಾಸ್ತ್ರಿ ಸ್ಮಾರಕ ಸಮಿತಿಡ್ ಎಂಕು ಇರ್ವ ವರ್ಸ ಕೆಲಸ
16
