ಪನ್ಪುನೆಕ್ ಆ‌ರ್ ಒಂಜಿ ಮಲ್ಲ ಉದಾರ್ನೆ ಆದುಳ್ಳೆ‌ರ್, ಈತಿತ್ತ್ಂಡಲಾ, ತನ್ನ ಬಂಙೊನು ಕೇಶವ
ಬಟ್ರ್ ಏಪಲಾ ಬಾಯಿ ಬುಡ್ಡು ಶೆಟ್ರೆಡಲಾ ಪನ್ತಿನಿಜ್ಜಿ, ಶೆಟ್ರೆನ ಜೋಕ್ಲೆಗ್ ಮಂದಾರದಕುಲು
ಅಜ್ಜೆ ಅಜ್ಜಿಯೆರ್. ಅಂಚನೇ ಶಟ್ರೆನ ಬೊಡೆದಿ ಬಾಲೆಲು ಮಂದಾರದಕ್ಲೆನ ಕುಟುಮೊಗೇ ಸೇರಿನಂಚಿನ
ಅರ್ತಿ ಪಿರ್ತಿ. ಶೆಟ್ರ್, ಹಿರಿಯಡ್ಕೊಡು, ಬೆಳ್ಗಾಮುಡು ಉಪ್ಪುನಗ ಜಲಜಮ್ಮ ಅವುಲು ಪೋದು
ಕೆಲವು ದಿನ "ಮಗನ" ಇಲ್ಲಡ್ ಕುಲ್ಲುದು ಬರೊಂದಿತ್ತೆರ್.
ಸಾದಾರ್ನ ಪತ್ತಯ್ಟೊ, ವರ್ಸೊಡ್ಸ್ ವಾಮಂಜೂರು ಸುಬ್ರಾಯ ಪಂಡಿತೆರೆಗ್ (ವಿ.ಎಸ್‌.
ಪಂಡಿತ್‌, ಅಮೃತೇಶ್ವರ ಔಷಧಾಲಯ), ಮಂದಾರೆರೆಗ್ಲಾ ಪರಿಚಯ, ಜೋಸ್ತಿ. ಪಂಡಿತೆ‌ರ್
ಮಂದಾರೊದಕ್ಲೆಗ್‌ ವೈದ್ಯೆಲಾ. ಬಹುಶಃ 1950ಡ್ಡ್ ವಾಮಂಜೂರುಡು ಪಂಡಿತೆರೆನ ಗುರಿಕಾರ್ಮೆಡ್
ಅಮೃತೇಶ್ವರ ಯಕ್ಷಗಾನ ಸಂಘ ನಡತೊಂದು ಬಯ್ದ್ಂಡ್. (ಇತ್ತೆ ಪತ್ತ್ ವರ್ಸೊಡು
ಉಂತುದ್ಂಡ್) ಅಯ್ಟ್ ಕೇಶವ ಬಟ್ರೆ ಭಾಗವತಿಕೆ, ಅರ್ಥೊ ರಡ್ಡ್ ಲಾ, ಐತಾರ ಐತಾರ
ವಾಮಂಜೂರು ಸೊಸೈಟಿಡ್, ಪಂಚಾಯತ್ ಆಫೀಸ್‌ಡ್ ಆಕ್ಲೆನ ತಾಳಮದ್ಲೆ ಅತ್ತಂದೆ ಅದಗದಗ
ಊರುಡು ವಿಶೇಷ ಕಾರ್ಯಕ್ರಮೊ. ಪಂಡಿತೆ‌ರ್ - ಕೇಶವ ಬಟ್ರೆನ ವಿಶ್ವಾಸ ವಿಶೇಷವಾಯಿನವು.
ತಿಂಗೊಳುಗೊಂಜಿ ರಡ್ಡ್ ಸಾರಿಯಾಂಡಲ ಆಕ್ಲೆನ ಭೇಟಿ ಆವೊಡೆ.
ಕುಡುಪು ದೇವಸ್ಥಾನೊದಲ್ಪ ಅಂಗಡಿ ದೀವೊಂದಿತ್ತಿನ ದಿ| ಕುಡುಪು ವೆಂಕಪ್ಪಣ್‌ರ್‌ ಆರೆನ
ಬೊಕ್ಕೊರಿ ಮುಖ್ಯ ಆತ್ಮೀಯ. ಅಜಿಪ ವರ್ಸೊದ ದೋಸ್ತಿ ಅತ್ತೆನವು. ವೆಂಕಪ್ಪೆರೆ ಅಂಗಡಿ ಆರೆಗ್
ಜನೊಕುಲೆನ ಭೇಟಿಗ್, ಟಪಾಲ್‌ಗ್, ಸಾಮಾನ್ ದೀಯೆರೆ, ಮಾತೆಲ್ಲಾ ಒಂಜಿ ಸ್ಟೇಶನ್, ಬಟ್ರನ
ತಿರುಗಾಟದ ಮಾಹಿತಿ ವೆಂಕಪ್ಪೆರೆಗ್ ಗೊತ್ತು. ಕೇಶವ ಬಟ್ಸ್ ಊರುಡಿಡ್ಜ್‌ನಾನಿ ದಿನಕ್ಕೊಂಜಿ ಸರ್ತಿ
ಆಂಡಲಾ ವೆಂಕಪ್ಪರೆ ಅಂಗಡಿಗ್ ಬರಂದೆ ಇಜ್ಜಿ. ಆಕೆ ಇರ್ವೆರೆನ ಸಂಭಾಷಣೆ, ಕುಸಲ್ ಪಾತೆರ
ಮಾತ ಕೇನುಲೆಕ ಇತ್ತ್ಂಡ್.
ಕುಡಲದ ವಕೀಲೆ, ಅರ್ಥಧಾರಿ, ಲೇಖಕೆ ಮುಳಿಯ ಮಹಾಬಲ ಬಟ್, ಕೇಶವ ಬಟ್ರೆಗ್ ಸಾಯ ಮಲ್ತಿನ ಹಿತೈಷಿ, ಕೇಶವ ಬಟ್ರೆನ ಜಾಗೆಗ್ ಸಂಬಂಧವಾಯಿನ ಕೋರ್ಟು ಕೇಸ್‌ನ್ ಆ ಕಾಸ್ ದೆತೊನಂದೆ ನಡಪಾದರ್, ಪೊಳಲಿ ಶಾಸ್ತ್ರಿ ಸ್ಮಾರಕ ಸಮಿತಿ, ಕನ್ನಡ ಸಂಘ ಇಂಚಿತ್ತಿನ ಸಂಸ್ಥೆಲೆಲ್ಲಾ ಅಕ್ಕು ಇರ್ವೆರ್ ಒಟ್ಟುಗು ಕೆಲಸ ಮಲ್ಲೆರ್, ಭೂಸುಧಾರಣೆಗ್ ಸಂಬಂಧಪಡೆಯಿನ ಕೇಸುಲು ಏಪಲಾ ರಗಳೆದವು. ಅವೆನ್ ತೂವೊಂದಿನ ಮಹಾಬಲ ಬಟ್ರೆನ್ ಕೇಶವ ಬಟ್ರು "ಎನನ್ ಒರಿಪ್ಪಾಯಿನಾರ್" ಅಂದ್ ಪನೊಂದಿತ್ತೆರ್.
15
