ಹಂಪನಕಟ್ಟೆದ ದೂಮಪ್ಪ ಪಂಡಿತರೆನ ಮರ್ದ್ ಅಂಗಡಿಡ್ ಒಟ್ಟಾಪಿನ ದೋಸ್ತಿಲೆ ಕೂಟೊಡು ಕೇಶವ ಬಟ್, ವಾಮನ ಮಾಸ್ಟ್ ಅತ್ತಂದೆ, ಮಹಾಲಿಂಗ ಮಾಸ್ಟ್ (ಇನ್ಸ್ಪೆಕ್ಟ್)ಲಾ ಇತ್ತೆ. ಒಡೆಯರ್ ಬಳಗದ ಬೊಕ್ಕೊರಿ ಸದಸ್ಯೆ ದಿ/ ವಿ.ಜಿ. ಬಂಗೇರ್ಲಾ ಒರೂರೊ ಸೇರೊಂದಿತ್ತೆರ್.
- ಅ. ಬಾಲಕೃಷ್ಣ ಶೆಟ್ಟಿ, ಪೊಳಲಿ
ಪುರಲ್ದ ಬಾಲಕೃಷ್ಣ ಶೆಟ್ ಕೇಶವ ಬಟ್ಟೆನ ಶಿಷ್ಯ, ಮಿತ್ರೆ, ಆತ್ಮೀಯೆ, ಪ್ರೋತ್ಸಾಹಕೆ ಮಾತ್ರ ಅತ್ತ್, ಆರೆನ ಇಲ್ಲದ ಒರಿ ಸದಸ್ಯೆನೆ ಆದಿತ್ನಾ, ಆಕೆನ ಸಂಬಂಧ ಪಂಡ, ಇರ್ವೆರೆ ಜೀವನೊಡ್ತಾ ಒಂಜಿ ವಿಶೇಷ ಯೋಗಾಯೋಗಂದೆ ಪನೊಲಿ, 19527 ಗುರುಪುರೊಡು ವಿದ್ಯಾರ್ಥಿಯಾದ್ ಬಟ್ರೆನ ಸಂಪರ್ಕ ಪಡೆಯಿನ ಶೆಟ್ರೆ ಮಿತ್ತ್, ಆದಗನೇ ಆರೆನ ವ್ಯಕ್ತಿತ್ವದ ಪ್ರಬಾವೊ ಬೂರುಂಡ್. ಹಳಗನ್ನಡ ಕಾವೊ ಪರಿಚಯ ಆಂಡ್. ಶೆಟ್ ಉಜಿರೆಡ್ ಹೈಸ್ಕೂಲು ಸೇರ್ದ್, ಇಲ್ಲದ ಪರಿಸ್ಥಿತಿ, ತಾಪತ್ರಯೊಡ್ಡಾತ್ರ, ಶಾಲೆ ಬುಡುನೆಟ್ ಇತ್ತೆ, ಆದಗ ಆರೆಗ್ ದೈರ ಕೊರು, ಆರ್ಥಿಕ ಸಹಾಯ ಮಲ್ತದ್ ಹೈಸ್ಕೂಲು ವಿದ್ಯೆ ಮುಗಿಪೆರೆ ಕಾರಣಲಾ ಕೇಶವ ಬಟ್ರೆ, ಶಾಲೆದ ರಜೆಟ್ಸ್, ಶೆಟ್ರೆನ ಕ್ಯಾಂಪ್, ಪುರಾಲ್ಡ್ ಲಾ, ಮಂದಾರೂಡೇ ಜಾಸ್ತಿ. ಮಂದಾರದ ಇಲ್ಲದನ ವಿಶಾಲ ಮನೋಭಾವೊಡ್ಡು ಮೇ ಮಂದಾರ ಕುಟುಮದ ಒರಿ ಸದಸ್ಯ ಲೆಕ್ಕನೇ ಆಯ ಹೈಸ್ಕೂಲ್ ಆದ್ ಕಾಲೇಜ್ ಸೇರುನೆಡ್ ದುಂಬು ಕೆಲವು ತಿಂಗೊಳು ಕುಡ್ಲಡ್ ಉಂತೆರ ಏರ್ಪಾಡ್ ಬೋಡಾಂಡ್. ಆಪಗಲ ಕೇಶವ ಬಟ್ ಕೊಂಡಾಣ ವಾಮನೆರೆಡ ಪಾತೆರ್ ಆರೆ ಇಲ್ಲಡ್ ವ್ಯವಸ್ಥೆ ಮಲೆರ್. ಇಂಚ ಬಾಲಕೃಷ್ಣ ಶೆಟ್ರನ ವಿದ್ಯಾಭ್ಯಾಸೊ ಮಾತ್ರ ಅತ್ತ್ ದುಂಬುದ ಏಳೆಗ್ಲಾ ಕೇಶವ ಬಟ್ರೇ ಕಾರಣ ಪಂಡ್ದ್ ಆರ್ ಪನ್ನೆರ್.
ಈ ಋಣೋನು ಶೆಟ್, ಮಲ್ಲ ರೀತಿಡ್ ಸಂದಾಯೆರ್. 'ಮಂದಾರ ರಾಮಾಯಣ'ದ ಒಂಜಿ ಭಾಗೊನು ಮಣಿಪಾಲ ಸಾಹಿತ್ಯ ಸಂಘಡ್ಡು ಪ್ರಕಾಶನ ಮಲ್ಪೆರ್ (1977) ಬೊಕ್ಕ ಇಡೀ ಮಂದಾರ ರಾಮಾಯಣೇನು, ಬೆಳಗಾಂವ್ದ ದಿ| ಎಂ.ಬಿ. ಸಾಮೆಗೆರೆನ ಉಮೇದ್, ಬೆರಿಸಾಯೊಡು 'ವಜ್ರ ದೀಪ ಪ್ರಕಾಶನ'ಟ್ಸ್ ಬೊಳುಗು ಕನಯೆರ್, ಉಂದು ನಿಜವಾದ್ ಗುರು ಋಣ ತೀರ್ಸಾಯಿನ ಮಲ್ಲ ಕೆಲಸೊ. ಅಯಿಡ್ಸ್ ಬೊಕ್ಕ ಆರೆನ 'ಜಾಗಂಟೆ' ಕವಿತೆಲೆ ಗೊಂಚಿಲ್ ಶ್ರೀನಿವಾಸ ಪ್ರಕಾಶನ ಕುಡುಪು (ಪೊಳಲಿ ಶೀನಪ್ಪ ಹೆಗ್ಗಡೆನ ಪುದಾರ್ಡ್) ಪ್ರಕಟ ಆವೆರೆಲಾ ಸಾಯ ಮಲ್ಪೆರ್. ಆರೆನ ಬೊಕ್ಕೊಂಜಿ ಮಹಾಕಾವ್ಯ 'ಬೀರದ ಬೊಲ್ಲು' ತುಳು ಅಕಾಡಮಿಡ್ ಪ್ರಕಟ ಆವರೆಲಾ ಒತ್ತು ಕೊರೈ, ಅತ್ತಂದೆ, ಆರೆನ ರಡ್ಡ ಪ್ರಸಂಗೊಳು 'ಮಾಯದ ಸೂರ್ಪನಕಿ', 'ಭರತನ ಮೋಕೆ'ಲೆನ್ ಶೆಟ್ ಪ್ರಕಾಶನ ಮಲ್ಲೆರ್. ಇಂಚ ಕೇಶವ ಬಟ್ಟೆನ ಬರವುಲೆನ ಪ್ರಕಾಶನೊಗು ಮುಖ್ಯ ಕಾರಣ ಕರ್ತೆ ಬಾಲಕೃಷ್ಣ ಶೆಟ್ರ್
ಆರೆಗ್ ಕಂಟೆಲ್ದ ಕ್ಯಾನ್ಸರ್ ಆನೆಡ್ ಬೊಕ್ಕ, ಆರೆನ ಚಿಕಿತ್ಸೆ ಆರೈಕೆದ ವಿಷಯೊಡುಲಾ ಶೆಟ್ ಮಸ್ತ್ ಬೆಂತೆರ್. ಇಂಚ ಒರಿ "ಶಿಷ್ಯ" ಪಂಡ ಎಂಚ ಇಪ್ಪಳಿ, ಎಂಚ ಇಪೊಡುಂದ್
14