ಮಲ್ತ್. ಆ ಕಾರ್ಯದರ್ಶಿ, ಯಾನ್ ಜೊತೆ ಕಾರ್ಯದರ್ಶಿ. ಬೊಕ್ಕ ಉಪಾಧ್ಯಕ್ಷೆ, ಕಾರ್ಯದರ್ಶಿ ಇಂಚ. ಆ ಕೆಲಸೊಗು ಎಂಕು ದಿನ ದಿನ ಸೇರೊಂದಿತ್ತೊ, ಏತೋ ತಾಳಮದ್ದಲೆಳೆಗ್, ವಾಚನೊಳೆಗೆ, ಸಾಹಿತ್ಯ ಸಭೆಕ್ಕೆಗ್ ಒಟ್ಟುಗು ಸೇರೊಂದಿತ್ತ. ವಾರೊಗು ಒಂಜಿ ರಡ್ಜ್ ಸರಿಯಾಂಡಲಾ ಎಂಕು ಭೇಟಿ ಆವೊಂದೇ ಇತ್ತೋ. ಆರೆನ ಇಲ್ಲಗ್ ಯಾನ್ನ, ಎಂಕೆ ಇಲ್ಲಗ್ ಆರ್‌ಲಾ ಬರೊಂದು ಪೋವೊಂದಿತ್ತ. ಆರೆನ ಪುಸ್ತಕೊಲೆನ ಪ್ರಕಾಶನೊಡು, ಒಂತೆ ಸಾಯ ಮಲ್ಪುನ ಬಾಗ್ಯ ಎಂಕ್ ತಿಳ್ಕೊದಿತ್ತ್ಂಡ್. ಅಂಚನೆ ಆರೆನ ಕಾಯಿಲೆದ ಚಿಕಿತ್ಸೆಡ್‌ಲಾ ಒಂತೆ ಸಹಕಾರ ಕೊರಿತ್ತೆ. ಪೂರ ಮಂದಾರ ರಾಮಾಯಣ ಬರೆವೊಂದಿತ್ತಿ ಲೆಕ್ಕನೆ, ಎಂಕ್ ಓದ್‌ದ್ ಪಂಡೊಂದಿತ್ತೆ. ಆರೆನ 'ಬೀರದ ಬೊಲ್ಲು' ಕಾವೊದ ರಚನೆಡ್ ಎನ್ನಡ ಆದಗದಗ ಸಮಾಲೋಚನೆ ಮಲ್ಲೊಂದಿತ್ತೆರ್. ಕೇಶವ ಬಟ್ಟೆನ ಒಡನಾಟೊ, ಎನ್ನ ಜೀವನೊದ ಒಂಜಿ ವಿಶೇಷವಾಯಿನ ಭಾಗ್ಯ,
- ಮಾಧವ ಬಟ್ರ್, ಭೀಮ ಬಟ್ರ್
ಕುಡ್ಡದ ಪದವುಡಿತ್ತಿನ ದಿ| ಮಾಧವ ಬಟ್ (ಕಾರ್‌ದ ಮಾಧವ ಬಟ್, ಕಟೀಲ್‌ಡ್‌ಲಾ ಏತೋ ವರ್ಸ ಕಾರ್ ದೀವೊಂದಿತ್ತೆರ್) ಕೇಶವ ಬಟ್ರೆನ ಒರಿ ಆತ್ಮೀಯ, ಆರ್‌ಾ ಯಕ್ಷಗಾನದ ಮಲ್ಲ ಅಭಿಮಾನಿ, ಅಗರಿ ಭಾಗವತ ಸನ್ಮಾನ ಸಮಿತಿ, ಶಾಸ್ತ್ರಿ ಸಮಿತಿಳನ ಕೆಲಸೊಡು ಎಂಕೆಗ್ ಆರೆನ ಸಂಪರ್ಕ ಬತ್ತ್ಂಡ್, ಆರೆಗ್ ಯಕ್ಷಗಾನ, ಸಾಹಿತ್ಯ, ಜ್ಯೋತಿಷ್ಯ ನೆಟ್ ಮಾತ ಮರ್ಲ್ ಇತ್ತ್ಂಡ್. ಅಂಚಾದ್ ಆಕೆಗಿಲ್ವೆರೆಗ್ ದೋಸ್ತಿಕತೆ ಆಂಡ್.
ಪುದಾರ್ ಪೋಯಿನ ಚಂಡೆ ಮದ್ದೆ ಗಾರೆ ದಿ| ದೀವಾಣ ಭೀಮ್ ಬಟ್, ಆರೆನ ಒರಿ ಮಿತ್ರ. ಅಕ್ಷು ಕಟೀಲ್‌ಡ್ ಒಟ್ಟುಗು ಯಕ್ಷಗಾನದ ಕ್ಲಾಸ್ ಮಲ್ಲಿತ್ತೆರ್. ಆದಗ ಅಕ್ಕು ಒಂಜಿ ಪೊಸ ರೀತಿದ ಪಾಠ ಮಲ್ಪುನ ಕ್ರಮೊನು ತಯಾರ್ ಮಲ್ಲೆರ್.
- ಅಭಿಮಾನಿಲು, ಮಿತ್ರೆರ್
ಪ್ರವಚನಕಾರ, ಅರ್ಥದಾರಿ ಎಚ್. ನಾರಾಯಣ ರಾಯರ್‌ ಬಟ್ರೆನ ಒರಿ ಮುಟ್ಟದಾರ್, ಆಪ್ತ. ಅತ್ತಂದೆ ಏತೋ ಜನ ಉಳ್ಳ. ಅಂಚ ಪನೊಂದು ಪೋಂಡ ಯೇತೋ ಜನ ಆವೊಲಿ. ಮುಖ್ಯವಾಯಿನ ಕೆಲವೆರ್ ಪಂಡ - ಕೆಲ್ಲಾ ನಾರಾಯಣ ಮಲ್ಲಿ, ದಿ| ಶೆಡ್ಡೆ ಪಟೇಲ್‌ ನಾರಾಯಣ ಬುಡಾಲೆ, ಮತ್ತೆ ಗಾರ್ ಗುರುಪುರ ಅಣ್ಣು ಬಟ್, ಅರ್ಥದಾರಿಯಾಯಿನ ದಿ ವಾಚ್ ಗೋವಿಂದ (ಯುನಿವರ್ಸಲ್ ವಾಚ್ ವರ್ಕ್ಸ್, ಕಾರ್‌ಟ್), ದಿ| ಜಪ್ಪು ದೇವಪ್ಪ ಶೆಟ್, ದಿ| ಎನ್. ಮಾಧವಾಚಾರ್, ದಿ| ಎಂ. ಗೋಪಾಲಾಚಾರ್, ಕುಡುಪು ಸೋಡಾ ಫ್ಯಾಕ್ಟರಿ ನಾರಾಯಣ ಬಂಗೇರ, ಕುಡುಪು ದೇವಸ್ತಾನೊಡು ಆಫೀಸರಾದಿತ್ತಿನ ಬಿ.ಎನ್. ಐತಾಳ್ಲ, ಎಚ್. ಮಹಾದೇವ ಭಟ್, ಸಾಹಿತಿಲಾಯಿನ ಅಮೃತ ಸೋಮೇಶ್ವರ, ಕೆಲಿಂಜ ಸೀತಾರಾಮ ಆಳ್ವರ್, ವಿದ್ವಾನ್ ವೆಂಕಟರಾಜ ಪುಣಿಂಚಿತ್ತಾಯ, ಕಲಾವಿದೆರ್ ವಾಮಂಜೂರು ಉಪೇಂದ್ರಾಚಾರ್, ದಿ|ಭಾಗವತ ದಾಮೋದರ ಮಂಡಚೆ ಮೊಕ್ಲು ಬೇತೆ ಬೇತೆ ಸಂದರ್ಬೊದ ಆಪ್ತ.
17
