| 2 | ЯКСТЕРЕ ТЕШТЕ. | № 22 |
| Кодамо поkш тевь ашти эрьзянь— моkшонь тонафтыцятнень иkеле. |
Центрань эрьзянь—мокшонь Наркомпросонь Бюрось сентябрень ковсто пурны Московсо эрьзянь—мокшонь, тонафтыцянь промкс.
Те промксонть минь умок учутанок. Вельть ламо таштавсть эрьва мезень покш вопрост конат анцяк истямо промкснэ решавить.
Весемедэ икеле эряви картнемс сень кувалма:
1) Кода бу седе курок весе минекь школатнень эзга уставамс эсинек кельсэ тонафнима;
2) Зняро иеть тонафнемс эсинекь кельсэ.
3) Зняро эряветь тенекь эрьзянь—мокшонь тонафтыцят (учительть) ды косто сынст саемс.
4) Кода анокстамс ламо од тонафтыцят и кода таргамс весе эрьзянь—мокшонь учителтнень рузонь школасто и лия мезень таркасто ды арафтомс сынст эсь школазонок.
5) Зняро и кодат кинигат эрявить нолдамс эсинень кельсэ.
6) Зняро эрявить тенекь паньжомс ощо педтехтикумт и кода седе вадрясто тевесь эйсост уставамс.
7) Кода седе парынестэ уставамс эсинекь газетэнь тевесть и ощо ламо эрьва мезень вопрост.
Можот кияк Якстере Тештень ловныцятнень эйсто кевссамизь: „Кода истя кевксниматне промкстомо а решавить? — Секс ялгат, што эрьва тевенть кувалт арсить а вейкетстэ. Веенст арсить истя, омбонст лиякс, колмонст таго лиякс.
Сайсынек куш вана те кевксниманть: „Зняро иеть эрявить тонафтомс эсинекь кельсэ школасо“?
Тень кувалма улить пек ламо эрьва мезень арсимат.
Кортнитян васня, кода ваныть те тевенть лангс минекь масторонь лия вишка наротне.
Чувашть эсь кельцэст пакшаст тонафтыть васеньце и омбоце ступенень школасо. Весемезэ вейксэ иеть.
Мари (Черемист), вотякт, зырят и лия вишка наротнэ аньцяк васень це ступеньсэ — вете иеть.
Рузонь келенть тонафтумо весе не наротнэ школасост кармсить колмоце иестэ.
Веинст кортыть: „эсинекь кельсэ эряви тонафтомс аньцяк кафто иэть“. Омбонцт: „Колмо, а нилеце иестэ тонафтума тевесь нолдамс рузонь кельсэ“.
И те арсимась Наркомпросонь Бюронь лемсэ ули весемедэ видэ.
А эрьзя—мокшо ютксо эрьва мезень картнематне ды арсиматне натай алововить как.
Улить истяткак ютксонок ломать, конат кортыть, што эсинекь келесь, эрьзянь—мокшонь кинигатне, эрьзянь—мокшонь газетнэ дух аэрявить теник.
Ну не арсиматнень кувалт монь койсэ ламо кортнемс а сави.
Мон аньцяк меревлинь тенст. „Ялгат, тынь тынць—как асотадо месть кортатадо. Арсинька седе вадринистэ те-тевенть“.
Московонь с‘ездонть пурнамодо икеле Саратовсо Пензасо ды Самарсо улеме кармить эрьзянь мокшонь тонафтыцянь Конференцият. Не Конференциятнень эйсэ весе не вопростнэнь решасызь. А мейле уш Московонь с‘ездось ефтасы эсь покш валонзо.
Центрань эрьзянь—мокшонь Наркомпросонь Бюрось эсь пельдензэ не конферицньтнень ютафтомс максць вана кодат кевкснимат:
1) Лия мастор марто минекь тевенэк и миньцник масторонь тевтне.
2) Эрьзянь мокшонь тонафтума тевесь.
3) Васеньце и омбоце ступенень школатнень программаст.
4) Педтехникумонь програмазо.
5) Кода тонафтомс сермас весе апак тонафтазь эрьятнень—мокшотнень.
6) Московонь с‘ездонть кувалт не кевкстиматнэде башка Губсовнацментнэ паряк ащо эсист вопрост таргить.
Серманть прядомсто ефтан ощо кафто—колмо валт Центрань Бюронь пельде эрьзянь макшонь роботниктненень.
Ялгат!
Варштадо паро сельмесэ губернянь конференциятнень ды Московонь с‘ездынть лангс, ваннынык вадринистэ весе не кевксниматнень и садо конференцияс анок вал марто.
Сестэ анцяк конференциятне ды Московонь промксось максыть ламо лезэ. Сестэ аньцяк сынь пособлить Наркомпросонь Бюроньти ды седе вадрясто нолдасыне эсинек тонафтума тевесть.
Тыненкь, Ялгат, а эряви кортнемс, тыньць парьсте содасынк, што те тевесь весеме де покш што аньцяк тонафтума тевенть кувалт минек народось тейсы паро эрямо чинзэ, лиси валодо виде кис и кеттэ кец кунды весе масторонь пролетарийтнень марто.
Лездатанок жо (пособлятано) тензэ.
| Эрьзянь — мокшонь Наркомпроснэ Центральной Бюронь роботыця |
| М. Кручинин. |
| Советэнь масторга. |
| Коммунистической партиясь сермады тенек что вачо акулутано. |
Россиянь коммунистической партиенть комитетс весе партийной организациятнэнень серма косо сермады, чтобы сынь весе ломатненень меревельть, что вачо чиде пелемс аэряви.
Сермасонть сермадыть, что минек 1921 иесь ульнесь вачо ие, но сестэ минек арасель сюронок. Ней-жо минек сюронок саты и шкастонзо карматано лездамо истя, что а ломань, а скотина вачо акулыть.
Сермасонть сермадозь, что витцть нолдазь 30 миллион целковоень питнэ.
Скотинань трямо и лия тев ланкс нолдазь 8 мил. целковой. Ярцамо сюро ланкс нолдазь 20 мил. целковой, конатнестэ 6 мил. целковой туи эйкакшунь андума ланкс.
Кармить лездамо кооперациянень, кредитной тавариществанень. Весе вейкенек—вейкенек лездазь чождынестэ тюавсинек те вачо иенть.
| Вицть яла анокстыть. |
Хлебопродукт анокстась 2½ миллион пондо вицть. Вицнесэ кучить Царицинской, Саратовской губернява, кирьгизской областэсь и лия таркава. Самарской губерняс нолдыть вицть 250,000 понт. Саратовской губерняс нолдыть 1,400,000 понт.
| Эрзянь тонафнима тевть. |
| Татаронь Республикасо. |
Сексня тедиде татаронь республикасо панжить эрьзянень отделения рабочей факультетс. Казаньсэ-жо педтехникумсо панжить эрьзень отдел, косо кармить тонафтнеме эрьзят, хоть ищо конефт тень кувалт арасть, но минь кемдяно, что ушодось тевенек прядсынек. 1 августнэ те иестенть панжить подготовительной курсат эрьзянень. Те эряве секс, чтобу анокстамс прянть молеме тонафтнемэ партийной школас.
Казаньсэ партшколасо панжить отдел, косо кармить тонафтнемэ 14 эрьзят. Вот кода эрьзянь тевс моли Казансэ. Кемдяно, что истя тевень теезь курок анокстатано миньцинек эрьзя ютксто роботникть, конат кармить роботамо эрьзя ютксо. Ялгатнэнвнь, конат кучнесть заявлениять Казанской эрьзянь секциясь, уш кучть сермат тенст.
Конат получизь не серматнень, кадык капшить молеме тов (Казанев).
Филатов.
| Наркомпросонь тевензэ. |
Губернянь эрьзянь мокшонь
Конференцият.
Центрань эрьзянь—макшонь Наркомпросонь Бюрось августань 10-це чисте Саратовонь ды Пензань губернясо теи губернской конференцият (Прумкст).
Не конференциятнэнень прумить весе губернянь эрьзянь—мокшань тонафтыцятне.
Наркопросось конферециятнень теимс нолдась ярмакт.
| Весе Россиянь эрьзянь—мокшонь то- нафтыцянь промкс. |
Центрань эрьзянь — мокшонь Наркомпросонь Бюрось сентябрень ковсто теи весе Россиянь эрьзянь—мокшонь промкс. Пуромо тарказо ули Московсо.
Прумить те с‘ездоньти эрьва губернянь эрязнь—мокшонь тонафтыцятне.
| Макар Евсеичте. |
| (Вант 17-це номер „Якстере Теште“). |
Монгак тонавтнинь сонзэ кецэ. Макар Евсеичень вийцэ ламо эрзянь церат получасть образования. Сонзэ кеҥшензэ эрзянень знярдо-як араселть пекстазь.
Инязоронь пиҥстэ хоть и аламо, но ульнесть начальникть, конат листь эрзя ютксто, но сынь пряст кекшнесть, эрзянь народто отказакшность. А Макар Евсевьевич пиҥензэ путызе эрзянь тевень кис. Сон весеменень миненек кортнесь: „Илядо нулгуть тынсинк народто, азедо роботума сокор эрзя-мокшо юткс и невтеде тензэ валдо чи“. Сонзэ марто кортамодо мейле кажной эрзясь теивиль эрзянь трудиця народнэнь паронь бажувицякс.
Тень кисэ Макар Евсеичнень эряви хлопочамс пенсия.
Энялдовлень бу ансяк Макар Евсеичень икеле ве тевде: сонзэ ламо материалозо эрзядо, истямо питний материал киндяк и косояк больше арась. Кадык Макар Евсеич максцы печатамс те материалонть.
Сестэ эрзьтне—мокшотне весе кармить содамо сынсест кувалт, кода сынь икеле эрясть, мезесынст ютксо ульнесь паро и берянь.
Ив. Прокаев.
| Эрзянь тевть. |
Ки яла ловнукшны „Якстере Теште“, се неи, што кожной чи сонзэ содыцятне и ловныцятне прибавить. Сондензе кармасть содамо аволь ансяк эрзянь центральной губернясо, но даже Башкирской республикасо, Туркестансо и васоло кельме Сибирсэ. Ней „Якстере Тештенень“ эрзятне кучнить сермат весемень ёндо. Ве сермасонть сермадыть, што получасть „Якстере Теште“, пек радувасть тензэ и вешить Редакциянь пельде кучниме газет. Омбоцесэ сермадыть, што сцена лангсо налксисть „Кавто киява“; налксимадо народось пек кадовсь доволен. Колмоце сермасонть сермадыть, што тейсть эрзянь с‘езд эли совещания.
Неть серматне кажной сознательной эрзянень невтить, што эрзятне сырьгуйсть удомсто и кундасть Советской правань кис, коммунистэнь партиянь кис. Серматне кортыть, што эрзятне думаеть добувамо эстест паро эрямо, наукань валдо чи; кармасть содамо, косо эрзят эрить, кодат парт тевть эрзянь велетне ушодсть и кодат берянь тевть сынст ютксо.
Кинь кувалт же тевесь теевсь, кинь кувалт эрзятне чаркодсть, што сынь удалов кадовсть лия народнэде? „Якстере Тештень“ кувалт. Те сонзэ родной эрзянь кель вийце весе эрзянень паронть теизе.
Ежли бу пьесась: „Кавто Киява“ улевель сермадозь рускс, то эрзянь аватнень и атятнень сельведест бу атуевельть те пьесанть лангс ванозь; родной кельтеме седеезэст и прязост аволь пачкодь бу Петянь паро кизэ. И весе истя можно меремс эрзянь статиятнеде.
Эрзя ютксо ведь ламо и рузунь газет, ловныть эйсэст, но сынст статиятне
| Куваць карми повнявомо. |
I.
Сюронь урядамо ланго. Нуиматне аволь умок машсть. Народ ледить пинеме. Розь паксэсь пешксе скирдадо ды копнадо. Эще кияк эзь кунда парсте пултонь усксеме. Уражаесь паро. Народ веселасто весе ваныть, сюронь асатомадо пек аэрявкшны пелемс. Од цератне, конань топоцть иензэ арсить (думсить) сёксня урьвакстомо. Од теитерть учить женихт. Пси. Чись жари. Од тейтерьтне пацясо, ниленст ветенст юпкасо роботыть бойкасто. Буто мерят сроду истят бойкат, пряст как акепсесызь сюлмить эли нуить. А если ряд киява юты од цера, ну кирьть сестэ, сезьдянзат. А сонсь яла варшты ды варшты паця алга, ваныть аваныть ли лангозонзо.
Чокшне кудов. Кода бу авольть сизе яла теке од церат од теитерть ашолгадомс аштить ульцясо. Буто мерят аволь те велеськак, чить киньгак а неят, а веть морыть гармуният, киштить. Весела. Тия тува ащить озадо парань парань од церат тейтерь марто.
Весекень учумаст сексес. Сексня городов сюро, покшкудат, свадьба. Тететне аватне яла ветькак сыргозить думить, кинень молемс ладямо. Сюро ули. Сюросто ярмак тееви.
Куваць истя мольсь эрямось. Кода бути тонадовсь уш, берянь читнеяк эсть неяв. Лиясто ламо маряви пандомс подушноесь, ну мезеяк а теят. Истя майсесть деданок а миньденек сынст киява молемс. Мужик яла коренсо кильдезь-уск. Зняро вешить пант, ков сайдядызь мольть.
Пенькань таргамо, кабаласо работамо — минек тевесь. Секе парось анцяк эрямо чисэнть-лиясто рюмка кавто копордат, ито секень вант козяйкат чавдандат. Истя арсесть (думсесть), истя эрясть.
II.
Валске рана. Панить стадат. Весе таго капшить паксяв. Читьне манейть. Эряви седе курок урядамс сюротне ды пивцемс.
Вейке страшной вал. Кудосто кудос ееровно телефонсо пачкоць: — Война, саить салдат. Абунгаць велесь. Кияк исяк местькак эзь дума, а ней. Аволь истя валдосто лисць чизэ. Кудо конятне ито ваныть аволь веселасто. Таго марят вайгельть, анцяк аволь моронь, — лайшемань. Аламот кудот косо бу аволь уль горя.
III.
Рана стясь Микита атя. Пель ума пинемезэ кадовсь апаклеть, капшась седе курок росандо пачк кенремс ледеме, а
