|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К. П. (б.) |
|
| ||||||||||||||||||||||||||||
| № 22. | 31 июля 1924 г. | № 22. |
|
Весе масторонь рабочейтне ды сюравидицятнэ ютадо коммуни- стической Интернационалонь мельга, кона ащи войнань карчо. | ||
| Кемень иеть ютасть се шкасто, кода буржуйтне эзь зепесткис тылкадизь трудица ломатнень покшс туримас. |
Весе масторсь кармась сорномо.
Август месецень васенце чистэ топодить кемень иеть, кода мастор ланксо кармасть леднеме ружнясо сюровидиця-сюровидиция ланкс, рабочей—рабочей ланкс. 4 иеть колмо месец маро — ды 26-чи весе масторсь сорнось снарядонь сезнивмадо. Зняро лома верь потясь матушка модазь. Ломать пазонь лемсэ инязоронь кис прясось путсть а пак жаля. Каждой чи капиталось травиль трудиця ломаньсэ трудиця лома ланкс а сонсь ве ёно пеець ланксост. Трудиця ломань асодыль, что сон тури капиталонь кис. Сон аздыль, что капиталонтэ аков товаразо миемс. Аздыль, что капиталось войнасо вешны тарка таварнень.
Большевиктнэ невтизь мезень кис турить ломатнэ.
Но кода анцяк трудиця ломань чаркодс, что сон тури капиталонь кис, сон стясь войнань карчо. Сынь бу ощо туревтевлезь трудиця ломанень, ну минек октябрьской революциясь и весе масторонь рабочейтне те проклятой ломань маштума тевстень путсть пе. 28 инстэ 1919 иесте Антанта (те истямо союз косо Англия, Франция, Италия войнадо мееле грабить Германиясо и лия государстватнесэ, конатнень сынь чавизь) Германия моро серматсть Версальской договор, конань кувалт Германиянь эряви пандомс вельть ламо дань, конасо Германия чечемс яла панды.
Карво латсо маштыльть ломатнесэ.
Мезень леэе тейсь Империалистической войнась? Каждой трудиця ломань мери, что беренде башка мезеяк эзь-тейть. Весе масторонь хозяйстванть разорись. 10,000,000 машсть войнасонть ломать, ды калечасть 30,000,000. Сайсынек Россиянь примеркс: Россиясо войнас салдаткс сайкшнесть 10,000,000 ломать ружия алов. Ломатнесэ прядсть те-ке карвосо чавсть. А пак тонафт саильть и нерькстыльть вицте пуля икелев. Зняро анцяк минек эрьзя-мокшо ютксто пря путсть се войнасонть. Ведь мезекс-как апутылть ломаньсэсть.
Знярс стясь тенек войнась.
Росход васенце читнестэ ульнесь: 8 миллион целковой вечи ланкс, а остатка читне . енов 50 миллионс ве чись стиль. Косто ярмакнесэ саильть? Сюровидиця, рабочейень кетстэ ваткильть. 80% мануфактурань фабрикатнэ работыльть армиянть ланкс, 60% кшнинь—сталень химической промышленностэсь, работыль армия ланкс. Вайнадо мейле инязоронь правительствань долгсо лия государстватненэнь ульнесь колонь кемень ковто миллиардт а весе Россиянь сюпав чизэ ащиль сядо комсь миллиардт. Вана мезе миненек кансь войнась Розоримизь паро меньдяк арась. Ки ощо стуфтызе, кода велева пурнасть армиясь парт крандаст-сивекст весе война лангс: 1,161,800 Россиянь трудицяломать путузь пряст. Зняро сельветь сюровидиця тувсь, зняро сиротат, калекат надасть. Ки ней карми вешеме война? Кияк, буржуйде-башка.
Буржуйтнэ анокстыть тенек од война.
Ней опеть весе свет лангонь буржуйтнэ арцить од войнасо витемс хозяйстванть. Минь тень кувалт трудиця ломать мердяно: „Ощо чавомо прясонок тыненк, дураконь кис, прянок амаксынэк!“ Минек ули Коммунистической интероационалонок, кона ащи минек кис и весемень эйсэ терди од войнань карча.
Минь только карматано сестэ туреме, кода минек токасамизизь, кода кармить эцеме С.С.С.Р. ланкс, а истяко киньган ланкс а стятано. Коммунистической интернационалось 5-це конгреснэ (весе мастор лангонь коммунистонь промкс) 5-це июльцтэ серматс манифест, косо веси трудиця ломэтнесе терди стямо войнань корчо. Манифестэсь терди эсненек чтобы минь весе масторлангонь трудиця ломатне ащевеленек коммунистической революциянь и сов.властень кис. Весе государстватнева ком партиятнэ работыть революциянь кис коммунистыэнь кис ащить весэ масторонь трудицятнэ. Европасо 6,000,000 ломать пшактсть коммунистэнь кис. Миненек Россиясо эряви велтьпек ащемс сов. властенть кис. Минек ланкс ваныть ды кемить весе масторонь трудицятнэ ды меснэ ули велтьпек бажить миненек лездамо (помогамо). Коли минек сов. властесть маштсызь, сестэ таго кармить мастор ланксо сезневме снаряд, бомбат, ваятано весе верь потс.
Весе масторонь трудицятне стядо войнань карчо!
Весе коммунистической Интернационалонь знамянть алов!
Весе масторсть лангонь коммунистической революциянть кис!
| Ки тевенек минек кис карми теимензэ. |
Зняро эрьва таркава эрить эрзят-мокшот, зняро сынст школаст, зняро эрзянь велева коммунистэнь ды комсомолонь ячейкат, ловнума кудот? Теде те шкамс минь парсте а содатанок. Сведениянь кувалт минек тевтне ащить вельть пек берянстэ. Центральной Наркомпросонь бюрось тешкамс а соды парсте зняро ды косо эрьва таркава эрзя-мокшонь велетнева улить школат. Партиянь Центральной комитетэнь секциясь парсте а соды косо улить эрзянь коммунистэнь ячейкат. Минь те шкамс а содатанок зняро весемезэ масторонок лангсо — Россиясо эрить мокшотнэде ды эрзятнэде. Веенст мерить кавто миллион колмо сят тыща, лият кортыть кавто миллион. Центральной статистической управлениясь нефти лия цифра. Савсь аволь умок (ванок 21-це „Якстере Тештень* номерэнть) центрань эрзянь-мокшонь роботниктнэнень молемс ВЦИК‘с эсинек автономеянь теймадо кортамо. Тосо кевкстизь сынст зняро эрьва таркава эрить эрзят-мокшот. Минек ялгатнэнь кедь-алост араселть истят документ, конатнэнь кувалт сынь парсте пшкадевелтьбу. Нейсызь, ЦСУнь сведениятнэ аволь видеть — нефтить эрзятнэде аламо. Сестэ минек работниктнэнь валост кувалт ВЦИК одс вейшсь таркасто сведеният. ВЦИК кучсь запрос Пензенской, Ульяновской ды Нижегородской губисполкомтнэнень — кармавтынзе сынст пурнамо ды кучомо ВЦИК‘с точной сведеният эрзя-мокшонь эрицятнэде. Мейс ЦСУ-нь сведениянзо улысть аволь видеть? Секс, што таркава ламо эрзянь-мокшонь велетне кадовсть овсе апак сермадт. Кодамояк писэрь сведениянь максомсто ваны велесэ эрзятне парсте маштыть кортамо русскс — сермады весе веленть рузонь велекс. Сайсынек примеркс Татреспубликань. Тосо центральной учреждениянь сведениятнэ нефтилть Татреспубликава анцяк кеветешка эрзянь веле. Савсь аволь умок Филатов ялганте (Казанень секциянь секретарь) тев маро ардомо эрзянь велетнень ланга. Сон муйсь сестэ аволь кеветее эрзянь веле, а ведьгемень кавксо велеть. Филатов ялгась кучсь Московс минек секцияс те велетнень списка. Те спикасонть нефтезь кодамо велесэ зняро эрицят, косо улить ячейкат, учильнят, ловнума кудот ды эрьва куракшт. Велть пек паро улевель бу ежели эрьва губерниява минек работниктнэ пурнавольт ды кучоволть дерей Московс эрзя-мокшонь секцияс истят сведеният. Аволь анцяк Татреспубликаве — лия губерниятнева сведениятнэнь маро тевесь ащи истя жо. Секс весе эрзя-мокшонь работниктнэнь весе вийсэ эряви пурнамс минек эрямодонок точной сведеният. Секс ней, те шкане, кода ВЦИК-эсь вейшсь губисполколтнэнь пельде сведеният, таркава эрзятнэнень ды мокшотэнь эряви эстест ваномс, штобу Уисполкомга ды губисполкомсо сведениятнэ улевелть седе точнойть. Минек тевенть эстэденек башка кияк парсте тейманзо а карми. Ваномс ды теемс эряви миньстенек.
Глухов.
| Лия масторга. |
| Польшасо сюровидицят kулыть вачо, рабочей- тнесэ панить фабриkатнестэ. |
Польшасо сюровидицясо помещниктнэ грабить, секс и сюровидняцетнэ стясть польской помещикень—правительстванть карчо.
Полициясь весе Польшаванть апак жаля маштыть бунтовиця сюровидицятнесэ ды рабочейтнесэ. Рабочейтнэ бастуют. Арестованнойтнесэ чавить теке кискасо.
Польский воейной судс Новогрудкасо, помещикень имениянь пултамонь кис, судясь маштомо кемкавксово иесе сюровидиця.
| Германиясо kом. партиясь чугунkан-kилангонь ра- бочейтнесэ терди забастовкас. |
Франция ды Англия арцить саеме эсь кедезест Германиянь чугункань китнень. Германиясо коммунистнэ чугунка-килангонь рабочейтнесэ тердить тееме забастовка.
| Ащить войнань kис. |
Чешской правительствась амери кортамо войнань карчо. Коммунистнэ эрьва кува весемесэ тердить стямо правительстванть арцимань карчо, лиякс мерезь коммунистнэ ялгакс апуты сэнь эсне кона ащи войнань кис. Войнань карчо ащицятнесэ кунтлить ды провожить эснест тюрмас.
