| 2 | ЯКСТЕРЕ ТЕШТЕ. | № 21 |
чтобу сыре ломать неевлизь теезь тевенек, сэстэ сынь минек тевсесть шнамо кармить.
Весе од ломатненень эряви стямс Россиянь Ленинэнь од ломанень союзонь знамяст алов и педямс од эрямо теемэ. Эряви миненек роботамс истя, кода роботась Ленин ялгась.
Весе Ленинэнь киява паро эрямос.
| Эрзень морот Московсо. |
Якстере Тештесэ ульнесь сёрмадозь, што Московонь Эрзень студентнэ тейсть „морамо куракш“ (хор). Московонь эрицетненень пек мелезест тусть эрзень моротни. Эрзень морамо куракшонть тердить эрьва ков морамо. Эрзетне морасть: 1) кавксть Профинтернень клубсо эрзень робочейтненень 2) Политехнической музейсэ (Луначарской Нарком пингстэ) коммунистэнь партиень пурумксонтень 3) Железнодорожникень клубсо робочейтненень 4) Ходынка паксясо веси нациетнень празникень чистэ (6 июля) 5) Пролеткультонь театрасо Коммунистэнь Интернационалунтень, косо ульнесть эрьва масторонь коммунистнэ.
Морасть седеикилень панарцо.
Ней студентнэ кизэ ланкс тукшность кудува. Московсо кадувсть эйстыст аламо.
Карматам арсиме, што сёксня, кода таго пурумить ды седе ламине студентнеде, те тевись аравтуви седеяк парсте.
Эряви меремс пасиба Анатолий Павлович Рябов ялгантень, кона питнивтимс роботы регентэкс морамо куракшсонть, и веси морыця студентненень.
Пек паро тев теи эрзень морамо куракшось. Сон невтне веси нациетненень, што эрзетнеяк маштыть аштеме Француз, Итальянец и лия нация марто рядс.
Эрзетненьгак улить истят морост, конатнень пек охотнасто кунцулыть лия масторонь нацият.
Т. Васильев.
| Эрьзень волостенэнь и велень председательтнэ кинь кода ве- лень тевензо молить. |
1. Волисполком ули-ли волостэсенть велень-хозяйсвань кооперациясь?
2. Кода тон явшик вицтень ссуданть?
3. Ули-ли волостесэнть, тонцить витцтень анокстазь фондот?
4. Арцить-ли тон тееме сюро видицятнэнень потребительской кооперация?
5. Кода молить тевенть Губернской кредитной банкатнэ марто?
6. Парсте-ли сермады спискатнэнь налогонь пандумань кувалт?
7. Налогонь путомосто максат-ли законной льготат бедной сюро видицянень?
8. Ащат-ли бедной сюро видицянь кис модань тевень кувалт?
9. Мезэ теить многополиянь кувалт?
10. Кода роботат агрономтнэ марто?
11. Ризнат-ли школань кис?
12. Сермадат-ли велень тевде „Ястере-Тештес“, „Якстерэ Сокицяс“, „Од Велес“ и лия эрзянь, мокшонь ды рузонь газетс?
13. Кода роботыть лавнума кудонк, бажатли муемэ кинигат тов?
14. Ули-ли справкань столот, кона канды велень адвокатонь тев ды пособли апак Тонавт сюро видицянень содамо декретт эрьва тевень кувалт.
15. Ламо волостесэнть эли велисенть подписчикенть эрьзянь эли рузонь газетас?
16. Кода тынк койсэ: эряви эрзятнэнень—мокшотнэнень автономия эли а эряви?
17. Коли не весе тевтне атеевить сесестэ сёрмат мейсь атеивить?
| ВЕЛЕНЬ СЁРМАТ. |
| Сынь церкував — минь ловнума кудос. |
| (Ташто-Борис веле Сок-Кармалинскай вол., Бугур. уезда, Сам. губ). |
Борис велесэ арсесть тейме ловнума кудо. Но читальняньтень арасель помещения. Сестэ конторань члентне мерсть ловнумкудонть путомонзо попонь кудос. Вейке половинайть кадызь попонте — омбоцесэ арсесть тейме читальня.
Церкувань советэсь а нолдыксэль тозо читальня — мери меши попонте. Но прядо ушов пильгеть а касыть. Савсь нолдамс. Мееле кодак праздник сы — сыре атятне, бабатне молить царкував — од цератне весе ловнума кудос. Кона а машты се кунсолы. Сыре атятнэ мерить од цератнэнень илядо яка тов — тосо антихристнэнь микшнитядызь, азедо лучши церкував пазнэнь озномо. Од ломатне сынст акунсолыть — ютыть эсь кияваст,
Аволь васоло се шкась знярдо церкуватне а улить ды весе ломатне кармить церкувань таркас якамо ловнума кудос.
„Пазонь а кемиця“.
| Ловномо кудосо. |
| (В.-Толкай, Полудн. вол.), |
„Те вана — библиотекарь“ — кортыть ломатни. „А маштат ловномо — соньць ловни. Ды эрьва кодамо тевдэ корты марот-то-то паро ломанесь“.
Да, библиотекань тевеньть кирди парсте. Авини маро — ава, цера маро — цера. Эрьва мездо корты марот, толк евты.
Авуль умок библиотекав сась атине, веше — евангелия. (Виськс микс евтамскак) лия бу пидивлисе и паро. А сон маронзо картась и кинига максь тензо.
„Месть, мерян, маронзо кармат тейниме“.
„Месть? Карман тензо рубакинань кинигат максомо и кортнемо маронзо — и аламонь-аламонь карми чарькудиманок“.
Эли тече — сувинь библиотекав. Тосо вете—кото атя, сон тенст корты — кода коське годтнэ маро туреме, кода паро сюро видемс.
Если бы эрьва библиотекаресь кармаволь бу эрьва ловниця маро картамо и максума истямо киниг, канат тензо чарькодевить, то библиотекатне покш паро тев теевольть бу.
Стива А.
| Достоин ли сон одобриенть? |
| (Покш-Сурметь веле, Абудулинской вол. Бугурусланского уез., Самарской губ.). |
Умок пурнынь сермадомо „Якстере-Теште“ газетас истямо тевде:
Миник велинь атетне сельской советонь марто одобрили белогвардеецень Парявкань Егор Ильичень, кона 1918 иес эресь велиса, кирць бакалейной лавка, торгувась пиваса и ваткась котмере кедь минэк ялгаста.
1919 иесто Паряев семиясь тусь белой марто, ды туимасто сон мерсь, „что карматан бедноень ловажасто строямо кудонь и красямо верцесть“.
1921 иесто сёксня семиясь велявсь кудов, но сонсь Егор мартост арась, семиесь мери, что ваесь козо буте вец. Кудотненэнь сынст Волисполкомось эзизэ нолда, вешсь кецтынзе велинь одобрения и максомс нар-судов. Ней те тунда промкснэ атетне и одобрили Егорень ды семиянзо и кудост мекев максызь, только кадовсь учомс сонцист Егорсть.
Эх! Велинь атят, велинь прят, кинень тынь максыде одобрения.
„Содымыза“.
| Редакциянть пельде. Волостной ячейка, волисполком маро вейсэ одобрениянь тевсть парстине ванык, ды сёрмадынк редакцияв „Якстере-Теште“ газетас. |
| Сермань парго. |
В. Сермакшеву. „Псинь и течинь Сермадыцят“ морот кис „Яксте-Тештень“ роботьниктне кучить покш пасиба.
Газетас мороньть а печатасынек. Сермат лучши статейкат.
„Гис“ ялгай! Редакцияв сермань кучомсто эряви сермадомс эсить фамилият, ды эрямо таркат. Газетс те статьят нолдынек. Редакциясь киненьгак фамилият а евтасазо.
Куторкину: Сермадат парсте. „Микулат“ анолдасынек. Сёрмат серовидицянь тевдэ.
| Советэнь масторга. |
| Мезе теи правительствась сюронь ачачума таркава. |
| Первойгак лезды сюросо. |
Саинзэ учетс весе сюронь запасонть губернятнева, косо эзь шачь сюро. Запас ащи сюросо 1½ миллион пондо.
948 тысяча пондоте 1½ мил. пондотнестэ, ертозь базарга микшеме. 400 тысича понт сюро кучозь шачмо тарка губернятнестэ. 550 тыща понт анокстазь ощо кучомо вачо таркава.
Центросоюзось кучсь 700 тыща пондо сюро Саратовской, Самарской и лия губерняв.
Ламо сюро кучсь Наркомвнуторг.
| Лезды видьмесэ. |
Особой комиссиясь, косо эзь шачь сюро кучи 9 миллион понт вицть.
Вецтень максыця отделс Наркомземсэ кучсь губземуправлениятнень коневт, косо сермадось, зняро кучить вицть.
Вицтень ускумань тевтнэ улить срочнойть, ударнойть. 31 августнэ весе вицтне улить таркаваст.
Наркомпутесь максь чугункань китнева распоряженият, штобу вицть маро поезднесэ кувать киланксо акирдемс. Саратовской губернясо и Раулангонь Немецень Республикасо мелень семссуданть, тедиде асайсызь.
Яровой вицть максыть полностью.
| Таркава эрзятнэне мокшотнэ максост содействия. |
Эрьва Таркасто кармасть кучомо тев, Московс протоколт резолюция маро конасо эрзят-мокшот вешить эстест автономия. Тень кувалт центральной эрзянь-мокшонь роботниктне якасть ВЦИК‘с автономиядо кортамо. ВЦИК кучсь Пензенской, Ульяновской, Нижегородской Губисполкомтнэнень запрос — веши кецтэст сведеният косо зняро не губерниятнень эзга эрить эрзят мокшот.
Эряви таркава весе эрзянь мокшонь роботниктнэнень максомс содействия Губисполкомтнэнень сведениянь пурнамсто.
| Косо кодамо урожайсь. |
Ростов-на-Дону. Краевой экономической совещаниясь сермады, что Юго-Востоксо 953 тыс. десетинасо сюро арась. Но шачмо таркатне не сюро ашачи таркатнень ансынзе саезь сюротнесэ.
Воронеж. Сюросость пурныть уж. Лиоск районсо ве десетина максы 40 пондодо больше розь, Бобров и Ново-Хоперск районсо десетина Максы 30 понт.
Ярославль. 1-й июльстэ яровой сюротнэ берять весе губерняванть, озэмтнэ — среднейть, тикше вадря.
Екатеринбург. Пизесть пиземеть Уральской областнэ сюротне виемсть. Сюро пурныть седе ламо чем мелят.
Благовещенск. Сюрот вадрят, таркат, таркат вельть парт. Кармасть тикше ледме.
Николаев. Кармасть пурнамо сюро. Варварской и Очаковской районсо десетинасто арцить пурнамо 140 понт.
Рыбинск. Весе уездгасть кармасть пурнамо клевер и лия тикше.
Град чави сюро.
Царево-санчурской районсо, Вятской губерниясо градсо чавозь 10,000 д. сюро.
Ярославской губерниясо 6,000 десятина чавсь.
| Зняро сиянь ярманок? |
Ялгась Карклинь конась роботы Наркомфинсэ юфтась:
Сиянь ярмакт якить 21 милльен целковой. Икеле инязорость пинкстэ якильть 300 миллион целковой, но сесте все ярмактнэ якильть 2 миллиардто больше, а ней весе месть улить ярмаконок, конат якить кедь ланга, только 540 мильон. Конечна сиянь ярмаконок аламо, но стараятанок сюронь пурнавмос нолдамо седи ламо штобо сюронь кис пандомо сиясо.
Нармомфин уж макс Лондонсо (Англиянь столицаст) заказ чеканямс полтинникть 20 миллиононь целковоен питне
Банкатнэ кармасть ташто икелень сиань ярмакт рамсеме 2 фунт 38½ зол. кис максыть 31 целковой.
| Видмесэ лездыма шка. |
Семссудань отделсь Наркомземень телеграфсо евтазь сюро ашачмова таркава, что сон нолды вицть: Немецкой республикас 800 тысича понт розь, Самарской губерняс 600 т. п, розь, Саратовскойс 900 т. п. розь, Астраханскойс 50 т. п. розь, Царицинскойс 1,360,000 понт розь, Воронежскойсь 500 т. п., Донской областес 600 т. п. розь, Ставропольскойс 120 т. п. розь, и 1,200,000 п. товзюро, Тверскойс 750 т. п. товзюро, Кабардинскойс-Балкарскойс авт. областес 50 т. п. товзюро, и Кирачаево-Черкесской областес 40 т. п. товзюро.
| Од редактор. |
Васильев ялгантень аволь кувать савсь роботамо Якстере-Тештесенть. Сонзэ саизь ВЦИК-сэ седе покш тевс. ВЦИК-сэ аравтыць секретарькс отдела национальностей. Васильев ялгась парсте роботась эрьзянь тевсэ.
Хоть сон тусь Якстере-Тештень редакциястонть минек тевенть эзизе кадт. Нейцак сон роботасонзо максы покш лезэ эрзянь мокшонь тевентэнь.
Васильевэнь таркас партиянь Центральной Комитетэсь Р. К. П. (б) кучизе Якстерэ-Тештень редакцияс Глухов ялганть.
| Издатель: Центр. Издательст. Народов СССР. |
| Ответственный редактор: |
| Т. Глухов. |
| Главлит № 20.013. Москва. | Типография «Красный Восток» Никольская, № 10. | Тираж 1000. |
