|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 21. | 23 июля 1924 г. | № 21. |
| Ютадо икелев, апак пельть тевс кундадо. |
Велесе сюровидиця юткова таго появамо кармасть сюпавт, среднякт, ды беднякт. Беднойтнень эйсэ пек кармасть лепштамо сюпавтнэ. Бедноень а лишме, а скал. Сы сокамо шка, пулт ускума шка, сокамо, ускомо а меснэ. Сави сокамо-ускуманть максомс сюпавнень. Мезе жо пандомс сокамо-ускуманть кис? Пандомс сави сюпавнэнь пелезэ сюронть, коли шачк явозь видизь. Бедноень ачумондсак — сонензэ а мезэ теемс. Сюпав икеле велесэ ульнесь азоро, советской властенть пинкстэ бедной должен улемс велесэ азорокс. Сюпав пееде беднойтнень ланксо, чумонды власть, бедной кулсони. Сюпавонь эрьва мезезэ саты и самагонказо муеви начальствань симдемс. Начальства икеле, теке киска перьканзо вели. Сюпавонь валонзо виеть. Сюпавонь саты взяткат максомо эрьва мезень кис. Сюпав лишме кильди, арды уездов, губерняв жалубамо. Тосо прянзо сон самой бедной ломанькс невти. Валунзо кувалт жалубасонзо примить. Бедной кодамояк жалоба маро — ялго дерьгать. Чи-Чи уездов, пачкоди, сови учрежденияс. Кевсти тосо меньгак совбарышня. Вана истя-истя. Совбарышня тензэ „не знаю, мне какое дело“. Мезе теймекс, только кудов мекев. Ламо учреждениява роботыть истят, конат служить аволь революциянь кис, анця ярмаконь кис. Истямо ломанень роботасонзо лезе вельть пек аламо.
Ленин ощо 14 февральстэ 1919 г. мерсь: Велесэ стака путомс паро контроль тевень теимань кувалт. Улить роботыцят, конат анця гадить тевсенть. Истямо роботыця маро апак жаля эряви бороцямс, седе курок панемс эйсест, ды теемс самой суровой суд ланксост. Сынь деряй сюровидиця советс, кевстик сон мейсь сась, мезэ эряви тензэ толковак. Советсэ роботыця улезэ честной ломань. Берянстэ пряст кирьдицятнень панть рудазов локшосо“. Вана мезэ Ленин ялгась сермаць ды кортась. Но ки беднойтнэнэнь лезды не валтнень эйсэ ветямо эрямостэнь? Сюпав карми лездамо, ды а эрявияк сонзэ лездамозо. Беднойтненэнь эряви эстест парстэ ваномс. Эряви анцяк кундамс тевс парынестэ. Эряви истя теемс, чтобу велесэ азорокс улезэ бедной ломань. Робочей-ды бедной ломань революциясонть вети. Коли истя, тык и тевсэнть эряви теемс истя. Молят советс, неят аволь парстэ юты тевсь сермат партиянь ячейкантень, жалобак уездав, сермат газетас. Ячейкасо а кулцонит деряй, сестэ нать тон а воль витстэ ёфлят, — тевсэнть. Верна, улить минек коммунистнэстэ истят, конанень тарка арась партиясо. Не коммунистне мельга як ванок кода роботыть Сими, сюпавнэ госькс якить, вейсэ марост тев теить — сермат Укомов РКП, тосо мезяк-ды уш теить ланксост, коли тон вицтэ сермадыть. Ванок бедной тонць. Миненек кияк а пособли паро тевень теиме. Эськедезенек ланкс саинек тев — весемень паро эрямо теемэ. А пак робота мезеяк атеиват. Кода жо ней пильге ланкс тенек стямс? Скамонт а стяват. Эряви вейсэ ялга маро тев теиме. Пурнавадо, тееде артель. Яводо велестэ. Совадо сельско-хозяйственной кооперациас, кредитной товарищвас. Саэдэ тосто лишметь, сабат и ощо эрявикс хозяйствань ябалат. Артельсэнк улить деряй лодырть, — работавт, ароботафтовипанть эйсэнзэ. Серматстодо комм. партияс. Вот ялгат истя только пильге ланкс стявданок. Рыков ялгась мерсь: “Розна бедной ломань сюпавонь карчо мезеяк атееви. Пурнаводо РКП (б). перька и боряцядо вейсэ сестэ, только стявданок пильге ланкс“. Валонзо видеть. Арьцедэ ды кундадо тевс.
| Толкаень Педтехникумсть седи паро - ули кадомс велес. |
Минек „Якстере Тештесэнть“, коната нолдазь 10-це июнстэ 1924-це готсто, Платонов „Ялгась“ сёрмады: „Думить эрзянь педтехникумонть саеме Вишка-Толкайстэ ды кепедеме Бруслан городов“ А ищо седе тов. Платонов мери: „Анцяк истя тевесь лиси, истя ули пек ен“. Арсинь-деряй ломанесь (Платонов) неть валтнень эйсэ паро арсимат эрзятненень, то те пек ён улевель знярс тевись карми молеме авуль парс, авуль кода арци Платонов, то надеян, што Платонов „Ялгась“ пек манявсь не валтнень мерезь. Виде паро, кода тевесь карми ащеме сестэ, знярдо эрзянь техникумонть кепедсызь городов?
Пек ламо акортазь, мерьдяно, - беряньстэ. Мекс? Вана мекс. Васняяк, техникумось коли ули кепедезь городов, то сон больши акарми улеме техникум, сестэ сон ули анцяк секция Брусланской педтехникумонть эйсэ. Омбоцеде, коли те тонавлима секциясь ули гороцо, то тозо вейкияк нужа неицянь эйкакш амоли. Колмоцеде, коли техникумась ули ертозь городов, то тозо вейкияк эрзянь тонавтыця амоли.
Меринек неть валтнень и апак мерь сень кувалт, мезе кортыть, и мекс истя кортыть, неть положениятне, Платонов „ялгась“ миненек можит меремс: — мекс техникумось аули техникум сестэ знярдо ули ертозь городов?. Мекс сон ули секция Брусланской техникумонте эйсэ? Мекс тозо — тонавлима секциянте — нужа неицянь эйкакш амоли? Мекс тозо тонавтыцят амолить сестэ, знярдо тосо весеме таркась седе ламо?.. Штобу Платонов „ялгась“ авуль пеняця лангозон, што мон доложин кадовинь сонензэ, — мерян: а) техникумось аули техникум секс, што сон ули секция, в) секция ули секс, што, мон, как техникумонь покш, кортынь тень кувалт уоно марто, коната мерсь, што эрзянь текникумось ули секция рузонь техникумонти экшсэ, е) тозо амоли нужа неиця эйкакш секс, што сон тосо ули общежитиявтомо, паектомо... Стака и тозо амоли эрзянь тонавтыця секс, што практикумтомо, а те гороцо аули практикумтамо эрзянь учительть теемс нельзя.
Истя, максынек долконок Платоновнень, ней кевкснитяно сонзо эйсэ: — ну, Платонов, брат, кода тонь койсэ, паро ули тевесь, знярдо эрзянь техникумось ули велестэ ертазь городов?
— Доложна берянь. Ну, а кодажо ули тевесь сестэ, — мери Платонов ялгась, — знярдо техникумось кадови тык Вишка-толкайсо? Нурвкинестэ отвечазь мерьдяно, — пек паро. Мекс? секс што таго Вишка Толкайсо и обстановкась анок школасонти, и техникумонть ули сядо дес. мадазо, и берянть-берянть, учителензэ анокт, и техникумонть ули практиказо, и нужа неицянь эйкакштнэ кармить якамо и т. д. и т. д.
Ве валсо мерезь лисни, што, тесэ, велэсэ, можна тонавлемс и берянь панарсо-понксо, и ярсамс апак ваньцк кавт картухадо, и удомс модань кровать, ланксо, и якамс латякарьсэ...
Секс мон Платоновенень пеенов меревлинь: — коли а содасак кода тевесь ащеме карми, то тонеть месть тосо кортамс што „тевесь ули ен“, знярдо техникумонть велестэ ерцызь ошов.
Гис.
| Лия масторга. |
| Англиясо робочейтнэ ащить СССР-енть kис. |
Англиянь правительствась СССР-енть маро бажи только тееме торгувамо-договор, а лия договорт атеевель. Мейсь мерезь, секс. Сынь вешить, штобу минь пандувленек икелень инязоронь долгтнэнь.
Робочейтнэ дивить ды минек правительствантень мерсть, штобу илинек пант долгтнэнь.
| Пурнавсть арцеме kода бу Германиенть грабамс. |
16 июльцтэ Лондонс пурнавсь конференция, косо кармить арцеме, кода бу грабамс Германиенть. Сех покш министрс Англиянь Макдональд мерсь:
Од пандума питнетнень, конатнень путсынек Германия ланкс те конференциясонть, эряви бажамс пондовтомо Германиянь кецтэ.
| Лия масторонь kапиталонть kарчо. |
Китайсэ трудиця ломатнесэ граби аволь только сынцист Китаень буржуйтнэ, ну и лия масторонь. Аволь умок китаень правительствась СССР-енть эйсэ кармась ловомо законной правительствакс.
Весе Китаень народось мери: анця Советской Властесь Россиясо эрьва трудиця народонь кис ащи и кинь — эснеяк аобижи, коли СССР-энь карчо Китаень правительствась сти, сэстэ стятано СССР-енть кис.
| Бедной ломанесь се шкас пиль- ге лангс хозяйстванзо а стяв- сы, знярс а сови артельс. |
| 6-це весе Союзонть Россиянь од ломанень Ленинэнь коммунистиче- ской Союзонть промкс. |
12 июльстэ чокшнэ 7 част Московсо, покш театрсо промсь Россиянь Ленинэнь од ломанень коммунистической Союзонть промкс.
Васнятак лемдизь союзонть ды путсть истямо лемь: Россиянь Ленинэн коммунистической од ломанень союз. Истя лемдизь секс, что Ленин ялганок миненек од ломанень тейсь ламо паро тевть и Ленинэнь лемсэ союзонь лемдезь ули од ламатнень пельде самой паро паметник.
Минек союзось Коммунистической партиенть маро вейсэ роботы паро эрямонь кис. 6 ие ютась, сисемеце моли кода минь од ломать тожо пурнувкшнутанок ды весэ промкснэ миньцинек тевдэ кортатанок. Сисемеце ие кантанок нужат эсь ланксонок и киненьдяк апеняцятано, что стака тенек тевень теемэ.
Минек од ломатнэсэ сыре ломать кона шканэ севныть, минек тевсэнек а путыть тевкс.
Миненек эряви бажамс истя работамо,
