| 4 | ЯКСТЕРЕ ТЕШТЕ. | № 20 |
Милась ялгась кармась роботамо и 10 месецень перть те лунгинань эрзесь тейсь волостинтень тёсонь кардаз, савсь од кардо, баня, чувовсь лисьма отремонтировал кавто кудот волостень, конат ульнисть пелест ушнизь, рамась автомобиль, кона яки ямщинань таркас и ямщинань коряс савсь седе дешовасто.
Б—в.
| Учителенок пек вадря. |
| (Старо-Сосны, Бугурусл. у.). |
Миник велисэ учителенек пек вадря, больше а ков уж. Учителенть фамилиязо Германов. Тетязо попокс те Ташто-Сосна велисэ, а патязо эли сазурозо тожо учительницакс. Ней миник велисэнть авуль современной школа, а буто попонь эли манастыринь училища. Ков ваны Бугурусланский УОНО, кода сон кирди истят учительтнень и курук ли ёрцы тосто попонь племанть?
В. А. П.
| Тошто-Борис велень эрямодо. |
Икеле эрямось миник ульнись пек весела и ен. Ульнись велисынек волость, милиция, детдом и лия мезень учрежденият. Сесте тейнисть спектаклят, ульнись ловнома кудо, кото сакшность газет эрьва косто.
Аламонь-аламонь учреждениятне тусть велистэнек, а мейле волостентькак саизь лия велев и кадувсь велинек овсё чаво. Тошна и пек даже тошна ульнись, а ютась сексенть даже и школадонтькак атетне отказасть. Месть тейнемс? Васня конат-конат думсисть тень кувалт, мейле кармасть тонадомо, а еще седе мейле педесть самогонкантень.
Тельня теикшнинек культурной кружок, но тевись састо моли, яла симить самогонкадо. Аумок Добринасто перевели миненик ловнома кудо и ладизь попонь кудонтень, ды кинижкатне пек аламо исетькак ташт. Газет арась а получатанок ловнома кудонтень, косто-косто волостьсто макснить анцяк. Кияк а сёрмады „Якстере Тештес“ и кияк сонзо а получи. Коли ней ули миник минцинек газет, то уж эряволь бу сонзо ловнокшномс. Велисэнть 400 кудот, а партийнойть арасть комсомолгак арась.
Илядо кадов удалов руснэнь эйстэ, седе курок теиде школа, якадо ловнома кудонтень, сёрмацтодо тынць эрзень газет, рузонь газет. Кинижкасто и газетстэ весеме можна содамс. Секс береньстэ эрятанок, что мезияк аздатанок.
Борис велень эрзя.
| Пек парсте тейнить миник покш соколтнэ. |
| (Пашто-Домосерка веле, С. Корси в Бугурус. у., Самар. губ.). |
Велесонок пек лац тефне молить. Школанок ульнисть кавто, а ней вейкеяк эзь кадув без-малова. Вейкинь атетни миизь, а омбоцинь весе (гробизь) салцизь сыньць. Школась ульнесь вадря, кевень ды ниле вете учительть тонавсть эйсонзо. Ней школастонть кадовсть стенат ды крышазо. Курок ули сексь, а атетне адумитькак школадонть и наверна таго а тееви тенст. Ламо эрявить ярмак теимгандо, но аволь седе ламо чем церькувас. Церкуваст кармасть кармась каладомо и сынь максызь теимс и кисонзо путеть 600 целковой, а школантей 200 целковой сатоволь, а сыньдест жаль школантей максомс. Вана кодат Ташто-Домосеркань эрзетне чопудат. Сеяк уш ачарькодеви, что школась седе покш лезэ канды. Ды еще пек ежовсто тейсть Максызь теемс церкуваст а условия эсть тей. Мекс жо сынь эсть тей условия? Пельсть, што подрячикенть пельде кармить правань вешеме ды налог пандовтыть. Тевень ушудыцякс яла эрци аволь пек покшке помещикке, кона яла сонцинзэ налогонть как яла сепи. Лемезэ Федятень Ларя, кона попонть кедензэ пильгензэ яла нолцесынзе.
Эрзят, эрзят еще яла нейгак сокуртадо. Пора чарькодемс што школавтомо аэряват седе тов.
Паньдядо кулсономс сюпав ларятьнень, сынь эсь зепедест башка поп марто киненьгак паро аэрцить.
Эсинек Эрзя.
| Колмоксть палынек. |
| (Найман веле, Корсунскаго уезд. Ульяновск. губ.). |
Маинь котоце чистэ пельчасунь перть палцть 86 кардазт. Палсть ламо улить-парот. Курок паломодо мейле ульнись комиссия страховой агент марто. Сон мерць сестэ, что максыть страховой премия, конанень мерць 75, а конанень 125 целковойть ломатне радувасть, кармасть учомо премия. Скотинастэсть микшне, а скотинатне сестэ ульнисть питнейть, сюрось дешоваль.
Ютасть кавто месецть — страховка яла арась. Пизиметь арасть, сюрось питниесь, скотинась дешовалгаць, а Госстрах уды и а мари, что эрзетне авардить.
Ней скотинаяк стяко максума, страховкаяк арась, сеск максувлизьгак, можналь рамамс сюро а питнийстэ.
Маринкань Эаня.
| Книгань таркас — „Якстере Теште“. |
Пек вадрдят Прокаев ялганть арсиманзо, что книгань таркас эряви вешимс эрзень газет. Хоть кой косо школава улить книгат, но сынь ташт, яла теке а маштовить. А уж эрзень школава совсем истямутне а эрявить.
Хнырев.
| Тандазось варакат ципакадояк пелить. |
| (Сок-Кармалинкс. вол., Бугуруслан. у. Самар. губ.). |
Миник енга яла пиземеть арасельть и народось тандались, что сюротнень пек костясыньзе ды кадовдано вачодо. Сюротне ашолгацть, касомо совсем лоткасть, сюрось сразу питьнегаць. Конат, конат алашаст микшнизь и кармасть микшнеме эще кой мезест. Ютась месеценть тия тува пиземеть кармасть молемс и сюротне кармасть витевемс. Кой кона эрзесь мери, что наксадозо сюром утомс, а миеме акарман. Миса лучи мейле кода народ вочоми и саян дешевасто ламо веить — сюпалгадан. Эх, спекулянт и тынь ней гак яла думатадо, что голодной годстонть карматодо кобальной тевень теемс. Бедной эрзят думадо и варштадо месть хотят тейнеме сюрокшов ды сюпгав ялганк. Бедноень куломасо думсить сюпалгадомо. Сынь хужи гробицядо-тейнить. Илядо дума что вочодо кулотадо и илядо надия пазонть ланксо, а кулсонодо ученной ломать ды аграномт, ды парсте якадо сюротне мельга. Ловнодо газетт, косо лавшо эрямо чиденть кой месть кармот содамо. Кажной эрзясь сермадстозо эстензэ газет, питьнезо 15 трошник. Кортатодо седамо кода голоденть марто воевамс и кода арси правительствась. Илядо капша микшнеме парочинк стякодо. Правительствась уш кармась тов кучомо сюро, штобо тува илязо кепель питнезо. Тевесь аволь уш истямо страшна кода тынь тандадыде.
Платонов.
| „А мон Кедензэ палцинь“. |
| (Ламбаськи веле Нижег. г., Лукоянов, у.). |
14 мая миник велис сась эрзя Анатолий Павлович Рябов, кона служи Московсо Наркомпроссо. Чокшни сон пурнась од ломатнень — комсомолтнень и тейсь репетиция пьсань. „А мон кедензэ палцинь“. Репетициядо мееле Рябовсь пурнась хор и тонавсь эрзень од ломатнень кода морамс эрзень морот. Пелеве порава тусть веси кудув, штобу валцке пуромс и теемс спектакля каменной школасо. Чись ульнесь Троиця, народось уш моресь спектакленть эйстэ и пуромсь школанть карча.
Обид порава кармасть пурнамо спектакль.
Нолдасть колмошка сядт ламоть (тесэ ульнесть атят, ават, церат, тейтирть ды пакшат).
Спектаклень перть кияк эзь шума, веси кунцулусть сынцист келенть.
Спектакляду мееле веси налксицетне морасть колмо эрзень морот. И спектаклесь — и моротне пек эрзетненень вечкевсть. Рябов ялгась кевкстинзе весинь — чарккадиве эль арась пьсась. Народось мерць — „чаркоденек веси; пасиба и моротненькис — первой ощо эль марятам“.
Александр Рябов.
Рябов ялгась мере пасиба Ламбаськинь Комсомолнень, веси налксицетненень и Зубовнень, што сынь пек дружнасто кундасть те паро тевентень. Покш пасиба Ламбаськинь фельдшарнень. Агевнинэнь. Сон кошь и аволь эрзя, тейсь пек ламо спектакленть кувалт.
| Коли строяви школань кудо. |
| (Крапивка веле, Лукоянск. у. Нижегор. губ.). |
Сисемеце номерцэ „Якстере Тештесэ“ Гал ялга сёрмады: Алокуронь атят, строядо апокшке тонавтумань кудо.
Да, ялгай Гал, минь комсь кото иеть думояктам, ды кодаяк а строяви — беднойтям и кияк теник а лезды.
Ней ёвтниса, кода строятам минь школань кудонть.
Минек велисэ весимезэ народось, цераникаваник, 1268 ломать и пингезэнек арасиль школа. Васня эйкакшне якилть тонавтниме Пичингужонь велес, а мейле, комсь котошка иень ютазь, давай сивелеме кудо эсинек велисэ, но сивелесть истямо апокшке кудыне, козонь кельгелть анцяк колонькеминьшка эйкакш. Но эйкакшне а жаловить теснанть лангс, жаловить сеть, конат эсть кельк. А кадувикснэ седе ламо тонавтницетнень коряс.
Но, кода руст мереть, в тесноте, да не в обиде — сынь и тонавтнесть истя ветешка иеть.
Кармасть цератне школадо кортниме Тестэ, тосто нееть мазыйть школань кудот, сынсткак охатаст сась неемс паро школа велисест. Се шкане школатнень строесь земства. Кучсть тов прошения а тосто сермадыть, что тынк велись планс эзь понг. Истяк и эзь понг, зярц сонцинзэ земстванть эзизь пане робочейть и крестьят.
Революциенть мейле омбоце иестэ сермадынек УОНОс, дайте, мертям, теник вирь маласунок Познанскоинь дачасто. УОНО се шкане, ки соды глухойгаць, кисоды слепойгаць, сёрмады, что максы теник вирь, анцяк а маласо Познанскоинь дачасто, а Панзелькань — 65 вальгей петь эстэдинек.
Охоталь усксемс вирись, ды пек васуло, эстеник ярцамс а мезде, алашетнеяк а цидярдыть, истяк и отказынек.
Мейле маринек, что сюпавтнень кудост сайсызь советэв и кармить явшиме школакс. Сермадынек Уездной Исполкомов. Тосто кучсть, что максыть тенек Марезвелень седекилень трактир. Радувинек минь, а эйкакшне секень теить-школадо кортыть.
Но рана минь радувинек. Кой кинень се трактирэсь седе пек эрявсь миник коряс. Молсть кулакне Волисполкомов Кирылычнень ды Терентичнень, илинк макст трактирент эрзетнинень, жалямизь, минь ламо трудат путынек перьканзо.
Жализь Кирылыч ды Терентич — трактирэнть миненик эзиз макст. Омбоце чистэ сынь арсть уездэв и тосто уж кучизь теник отказунть.
Истяк миник эрзетнинень колияк а неемс школань кудо.
— —
Алокуронь эрзя Николай Рузановкань
Редакциень пельде: Лисни истя, что тынь надеятадо, кияк путы тенк школа Икиле учиде земствань пельде, а ней учитядо — УОНО тенк путы. Веленк авуль овсе вишкине, виенк саты школань путомс, поколинь-поколинь пурнави покш куця. Течемс строявуль аволь вейке общественной кудо, а тонь анцяк кортатад комсь кото иеть.
| „Якстере Тештень“ Редакцияв. |
27 мая газеце № 15. под заглавием: „Модань явшицят“ кевснить оркинань ячейкань Р. К. П. секретаринь истя ли ульнись тевись, симсть ли самогондо и ярснисть ли ченявксто модань кис сюпавтнень марто.
Истямо тев ульнись миник. Советэнь член Нечайкин Иван Абрамов и уполномоченной Скупов Григорий Прохорович симизь велинь моданть.
Мон, ячейкан секретаресь, авуль умок сынь Оркина велив.
Самогононь кекшнецетнень эряволь бу тонавтомс. Сынць служить советсэ и подрывают властенть эйсэ.
Ответственный секретарь ячейки Р. К. П. (б). Громкин. |
| Сермань парго. |
Сокиця-изыця. (Тихоновка веле Бугульминск. конт.). Тонь заметканть а нолдасынек. Будимкс икиливгак кармат сермадомо, сермадык лемить, фамилият и адресэть, чтобу минь содавлинек, ки сермады и ки ответ кирди сермадузинть кис.
— —
Гудымов И. П. (Чувобласть). „Якстере Тештесэ“ печатазь эрзень пьесат: „Кавто киява*, „А мон кедензэ палцинь“ и „Барщинань шкасто“. Курук лиси эрзень пьесань сборник. Меньше сермать попнеде ды постнэдэ. Лучи тоск, велесэ, народонтей толковак.
| Газетэнть кельде. |
Кой-гить яла пеняцить, что „Якстере Тештесь“ берянь ловномс — берянь кельсэ сермадозь...
Кода же теймекс сонзэ, штобу сон улезэ понятной? Кода пурнамс эйзэнзэ подписчик?
Ней минь пенецятанок се лангс, што газетась аволь минек велень кельсэ сермадозь, но ведь кажной велесэ басить разнойстэ.
Кода же те тевенть теемс?
Эряви, штобо кажной велестэ улезэ сермадыця, сонцинзэ велень келень нефтиця. Знярдо кажной велестэ (сынцист кельсэ) карми улеме сермадыця, сестэ редакция карми содамо, кона велесэ кодамо кортавт. А если велесэнть ули сермадыця и тень эстэ марит велень народось, то непременна ловносызь. Кажной мейле карми стараямо ловномо „Якстере Тештенть“.
Ялгат, пурнадо эсь велезэнк корреспондентэнь кружок.
Сермадыця.
| Издатель: Центр. Издательст. Народов СССР. |
| Ответственный редактор: |
| Т. Васильев. |
| Главлит № 20.013. Москва. | Типография «Красный Восток» Никольская, № 10. | Тираж 1000. |
