| 20 | ЯКСТЕРЕ ТЕШТЕ. | 3 |
| ВЕЛЕНЬ ХОЗЯЙСТВА. |
| Кочкадо тикшенть сюротнень лангсто. |
То тестэ, то тосто марят сюро сэвсть саранчат, то сукст колызь озимтнень. Ломатне кортыть — пазось кучинзе неть цирькунтнэнь эли пиземе марто, пеерсть неть озимень сэвиця сукснэ.
Если ютат сюротнень юткова ней вана июнень остатка читьнень, то несыть, что тикшетне сюротнень юткова пурдазь касыть. Эле если ютат паксяванть нуемадо мейле, то сеск жо сель-
мезэть понгить, как тусто вирь, межсатнень ланга нартемкс эле лия тикшэсь.
Вана самай те тикшенть поц и алыякшносызь алост сеть сюронь вредительтне. Значит, межа лангонь и сюро потмова тикшесь служи сыненст пизэкс.
Теде башка, сорной тикшесь поти модастонть пек ламо ведь, кона маштоволь бу сюротненень.
Секс эряви стараямс, чтобы межатнень и сюротнень юткова авуль уль кодамояк тикшене, а если сон уш появась, то эряви сонзо кочкомс. Кочкомозо сонзо авуль пек стака.
Кочкомс сонзо эряви анцяк шкастонзо. Кода сорной тикшесь цветканзо каясыньзе, сестэ уш кочкомась кодамояк лезэ а канды значит, сонзо эряви кочкамс тветямодо икеле.
Яровой сюротнень можна кочкамс остатка читнень июнь кованть, а якшамо ено губернятнень эзга васень читнень июль ковонть.
Сорной тикшенть эряви пурнамс ве куцяс, а нуемадо мейле сескжо пултамс. А эряви теимс истя, кода тейьть кой конат. Тарвайсэ нуемстэ тикшенть кругом сюронть нусызь, а тикшенть кацызь кенереме, чтобы эйстэнзэ певеревелть ламине видьмет, а мейле сеть вицтнень эйстэ туить одов касумо. Знама, истя теизь, колияк а урядасынек моданок сорной тикшенть эйстэ.
Эряволь бу тень кувалт кой месть думазевомс.
Ш.
| Знярдо паньцинек минь велетнень эйстэ „якстере атякшонть“. |
Кодак сы кизэ шкась, анцяк секень и марят: тесэ палцть сядошка кардаз, тосо кавтошка сядо, а еще косояк седеяк ламо.
Сайтям анцяк кавто губернят и ванцынек, зяро убытка тейсь те „якстере атякшось“.
Самарской губернясо Грачевка велисэ июнень 3 чистэ палцть 106 кардазт. Аверкина велисэ июнень 10 чистэ — 97 кардазт.
Саратовской губернясо Петровской уез. июнень 6 чистэ: Стромиловка велисэ — 22 кардаз, Демкинасо — 52 Васильевкасо — 25, Чунака велисэ — 228 кардаз!
Сердобской уездсэ Пригородной Слободасо — 71 кардазь, Золотокинасо — 18, Секретарсо — 10.
Веси а ловновитькак.
Кавто губернява Государствантень страховкань убытка 40 тыща целковойть.
Мекс жо миник Россиясо эрцить пек ламо пожарт?
Миник велива постройкатне истят, что толтома як палыть. Кардазонть ало таркась десетинашка, кругом плетенень латот, вельтезь олгосо, плететне апак ваднек. Кардаз покш, а скотина тельня кирдимс а косо. Латалкснэ телень перть ащить тыц пешксе ловдо, лиясто скотинантненьгак вальцикшнесынзе. Кудотне тожо вельтезь олгсо, ашить латотнень марто ряц. Кардаснэнь кизэнь перть а тейнекшнесызь, сынь ащить пешксеть олгодо, навоздо. Веси постройкат ванькс олго. Од цератне сеск жо таргить цигарькасо. Кода тесэ а палат?
Чтобу остатка пес а розорявомс эстеник и а тейнимс убытка государстванень эряви кардаснэ строямс лиякс. Та десетинань келисэ кардазонть таркас, кона маштови аволь скотинань трямс, а ловонь таштамс, эряви строямс вейке покш мазанка. Путомс сонзо кудонть эйстэ седе васов, вельтямс аволь олгсо, а навоз марто рудайсэ. Сон кардазонть коряс седе дешовасто сти и скотинанень тельня седе лембе ули.
Германиясо вейке покш конюшнасо и скотинат трить, сюро кирдить, машинат и весеме таркаст тосо. А рогатой скотинань сынь кирдить комсишка прят, ды еще алашаткак, тувоткак.
Кордазонть эрьва недлене тенцемс, цигаркатнень марто якамс седе ванозь Кудонть (куть сон улез чувтонь) вельтямс тожо рудайсэ. Турбанть вачкамс крышанть эйстэ омбоце пельарчиншкань сэрцэ и орчавтомс лангозонзо сетка.
Ламо кой месть можна меремс тень кувалт, но куть неть правилатнень тевс ветявлинек, сестэ пожартнень курок бу стувтувлинек.
Шишкин.
| Кода бороцямс сибирьской язванть маро. |
| Кода бороцямс сибирьской язванть маро. |
Московской, Владимирской, Калужской и лия губернява появась сибирьской язва. Сон кык пелемасо кери скотинанть эйсо.
Ниле волосьсо Московской губернясо сибирьской язвадоньть врацть 130 пря скотина!
Те ормась пек заразной. Сон может врафтомо пек ламо скотина. Сон розори пек ламо еюровидима хозтйства.
Кода сонзо маро бороцямс, кода сонзо седе курокине маштомс, — тень кувалт ветеринарной врач А. Брансбург сермаць „Беднотас“ статейка, конань мон и лацеса эрьзякс.
| Мэзе те сибирьской язвась. |
Сибирьской язвась, эле сибирькась — заразной орма. Сибирьской язвань микробатне истят вишканят, что сынст истяк сельмесо анесыть, а анцяк паро микроскопонь пачк.
Сэредиця скотинанть сывелезо пешксе микробадо. Истяжо сюлотне-як. Сех ламо сибирьской язвань микробатне эрьцить сэредиця скотинанть верьцэ.
Если саят сэрэдиця скотинастонть ве капля верь и варштат лангозонзо микроскопонь пачк, то тосто можна неемс кык палкинет.
Неть палкинетне эрцить самой сибирьской язвань микробат.
Микробатне пек курок ламолгадыть. Если сынь понгить модантей, коромонть ланкс, ведентей и лияс козой-гак, то сынь веляфтыть зернынекс, конатненень мерить — споры. Неть зёрнынетьне пек куватьс эрить. Модасонть сынь могут эрямо зняро—ята ие.
| Кода заразяве скотинась. |
Скотинась те ормасонть пек сэреди пси кизна. Сек пек июль и август кофтнень эйсто.
Если скотинанть сывелесо и сюлонзо пешксет заразной микробадо, то сон эйсост виде козой понге. Косо бу сон авуль аште, косо бу сон авуль удо-тозой и кадэ зараза. Если сон яке паксява, то заразизэ коромонть, если симе ветьтэ — заразясэ веденть.
Секс здоров (шумбра) скотинась сек курок ормалгадэ коромдонть и ветьтенть. Ищо скотинась может ормалгадомо и стервадонть. Если сибирьской язвадо врадось скотинать авалясак, от кискатне, нармотне, конат кармить ярцамо стерьвадонть, заразанть канцызь ков понге. Карвотне, конат лифнить сэредиця скотинастонть шумбрантей, тожо могут кандомо заразанть. Лиясто вармась пуль маро пуве неть мелка зернынетьнень (споратнень) ков понге, истяжо канце заразанть ков-ялта.
Сибирькасонть сэредить скотинатне, нармутне и ломатне.
| Кода содамс сэредиця скотинанть. |
Если скотинась ормалгадэ коромдонть эле ветьтенть, то икелейгак кармить сэредеме сюлотне. Если сон ормалгадэ карвонь сускомадо мейле, то ормась лисе кеденть ланкс.
Кода ормалгадыть сюлотне, то скотинантей появе покш жар. Лиясто карме гадямо верь маро. Алашатне кармить пек прянь чавомо. Скалтнонь-жо каснокшныть сестэ пекест.
Скотинась может цидардомо 2—3 чи, а мейле и врадэ. Может 100-шка скотинасто кадовить 20-шка,
Если ормась лисе кедензо ланкс, сестэ грудензо и пекензо ланкс появить чефте таргозевкст. Сеть таргозевкснэ икелей эрьцзить лемт и пек сэредить, а мейле сынь кельмить и скотинась акарме марямо кодамояк сэретькс.
Скотинась теормасонть может цидярдомо 5—7 чит и врадэ.
Уле ищо колмоце форма. Се сех опасна. Потому что скотинась сестэ сразу врадэ.
Кодак ормалгадэ скотинат сибирькасо, сескжо эряви молемс ветеринарной врачнэнь эле фельдшернонь.
| Месть эряве тейнемс докторонть самс. |
1. Сеск жо явофтомс сэредиця скотинанть шумбраданть.
2. Симдемс и андомс эряве башка, якамс мельганзо прянь ванстозь, потому что можеш ормалгадомо тонць.
3. Кие яке сэредиця скотинант мельга, сенень аэряве молеме шумбра скотинантей, если сон аполавсынзе одижанзо и ашлясынзе кедензо сапоньсо.
4. Эряве полафтомс скотинань андомо и симдема тарканть, а если можна, то скотинатнень кирьдемс кардайсо.
5. Аэряве печкемс сэредиця скотинанть сывелькс, ата ормалгады сибирькасо семият.
6. Если скотинась врадэ, аэряве ваткамо кедензо, керямс гриванзо и пулонзо, эле синьдемс роганзо.
7. Стерьванть эряве валямс заразной ямав. Ускомстонзо эряве ванамс, чтобы авуль пурксе эйстонзо верь эле лия начко.
8. Эряве капшафтомс докторонть, чтобы сон седе курокине саваль и кармаволь робутамо.
| Кода эряве бороцямс. |
Сибирьканть маро бороцямсто, эряве ваномс, икелейгак, чтобы стерьватне авулть валяя кува понге. Кардонть, косо ульнесь сэредиця скотинась, урядамс парстине. Кона крандайсесть усксак стерьванть, больше эйсонзо аэряве усксемс мезеяк.
Заразной яманть ваксо илязо уль а вирь, а скотинань ваномо-симьдема тарка, а веле, а ки. Таркась улезэ коське.
Яманть вакс аэряве нолдамс скотина. Чувомс кругомганзо сэрейде канава. Пирямс парыне забор. Ускомс стерьвань истямо алашасо, конанень ульнесь теефт сибирьканть карчо прививка. Стерьванть валямс седе алов. Яманть ланкс эряве теемс аршиншкань сэрьцэ насыпь. Если можна, почодомс сонзо извескасо.
Ускомадонзо мейле, яманть жо ланксо, эряве штелоксо парстине шлямс крандазонть, чаротнень алашань копытатьнень и эсить пильгет. Стерьванть маро эряве ускамс ямантей и навозонть, косо ульнесь сэредиця скотинась. А кардонть парстине шляме штелоксо.
Если кардо полось модань, то эряве 1—2 вершоконь сэрьцэ саемс моданть и ускомс ямав.
Если кодамояк велесо появе те ормась, то аэряве, что лия велень народось алашасо ютневель се веленть трокс. Ато сибирьской язвась ютэ и се велентей.
Если сонць народось те тевентей кундэ кода эряве, еэстэ* можна уле идемс скотинанть.
Ата сон розорятадызь пачк.
Эрьзя.
| ВЕЛЕНЬ СЁРМАТ. |
| Ямщинань таркас автомобиль. |
| (Атяшевская волость, Ардатовск. у. Ульяновск. губ.). |
Мелят миник волисполкомсо арасиль а кардаз а мезе. Беси писартне симилть а председателень чить тол марто а муилик. Волостной ярмакне эрцилть эрьва кинь кецэ, ки анцяк служесь волисполкомсо.
Ютась сексня уездной властне тень неизь и кучсть лия ломань, Шульгин председателень таркас аравтызь Милаев ялгань Лунгина велистэ.
