вуд, ми ляй сарнманч пэйиль пророк Танниль, чоанчмен пэзь саест (локкій ань томт): 16. Танна кок ли ляманч Іудеест, ань урчет термит;
17. И ки ли кат эльн, тэт еаллас лоштлат вальтед мэн-ни иджес пэртест;
18. И ки ли піелдэ эльн, тэт еаллас поньлат масать вальтед иджес ассэгит.
19. А кэвр ярассэть и чич-портіит тэйд пейвид.
20. Айестекке, ій шэндачи тійи урчмуш талва или совет.
21. Тэн дет што танна ленч шур кэп, мэньтем ельманч міер кеджест ангенч райя и ій ленч.
22. И кохь е уондаччиш тэк пейв, ій пасдэдэчи ни эхт лешк: а валлашамэ дет тэк пейв уондет.
23. Танна ленчи ки цялк тійит: кич, тасьт ли Христос, или томбе; еллед аскэд.
24. Тэн дет што коццэет келес-христи и келес-пророки, и эньдет шур чоаетумужит и чудьвудет, ряхка кессем дет, коть вает, и валлэшаммет.
25. Нуть, мон эвдест цильким тійит.
26. И нуть, леччи целькет тійит: кич, сон ли пусьт пайкест, еллед мэннэд; кич, сон ли пейт-пэртэнь, еллед аск.
27. Тэн дет, махт термес-каск ман нуртьест, и костэй я запад райя, нуть ленч олмэ эльг поттем-нал.
28. Я косьт ленч яммій лешк, томбе чоηкэдедет коцькемэ.
29. И ахтнас, маηηа тэйде пейвэд кэбест, пейв севняд, и ман ій аньд иджес чувва, и таст кеччет эльмест, и эльме виг сойетешкодет.
30. Танна ет олмэ эльге чойетомуш эльмест; и
