2. Исус цилькій сійит: уйневетте, еппед, пук тайт? Вуйкест тійит сарнам: ій кудду тасьт кіедгь кіедге эльн; пук ленч муртсталманч.
3. А кось сон арій Елеон терм эльн, танна путтиш вуопнаттій сунне эвтсест, кэччилиш: цельк мійит, кось тат ленч, и мэньтем ли ту потмуш и егге кедж томтмус.
4. Исус цилькій сійит воста: варедикке тэн дет, ни ки ій кезэчи тійит ряхка.
5. Тэн дет што еннэги подет му ным вольн, и альгет сарнед: мон лям Христос, и еннэгит сій кезет ряхка.
6. Нуть-же куллэветте тормужи баяс и тормужи саги баяс. Киччед, іеллед сурькестал: тэн дет што тэз пукэд галгэч ляйд; а тат вял елляк кіеч.
7. Выллигет олмэ олмэ эл, и царвут царвуд эл; и ленджет нялгастомуш, кэб, и мад-торгестомуш пайки мелт.
8. Тат вял пук ли кэб алгэт.
9. Танна ленджет эньтлед тійид піехсемуже, и коньдешкодет тійит; и тій ленджветте еппе савашаманч пукэнь олмэнь му нэмест.
10. И танна еннэге кезвудет ряхка; и каньц каньдзес альгет энтлед, и е саввошэшкодет каньц каньдзес.
11. И еннэг келес-пророкит коццэет и кезет еннэгит ряхка.
12. И законтеммесвуд ласнамуж дет еннэгин чоацкат савшамуш.
13. А ки кондешкоат кедже райя, ленч пасманч.
14. И тат царвуд Евангели ленч сагэтаманч пук манд эльн, свидетельвуден пукэд олмэд, и танна поат кеч.
15. И нуть, кось уйнветте корасвуддумуж кяхн-
