38. И кіе ій вальт рыстес, и ій вульк минэ мильт; тэт ій анехт мынне.
39. Ку иηкэсь варед, кадахт сонэ; а ку кадехт иηкэсь мунэ гуэйк, пинь сонэ.
40. Кіе тиныйт валт, и валт и мунэ; а кіе валт мунэ, и тэн валт, ку мунэ вулгехт.
41. Кіе валт пророк, пророк нымме, сонне лянч пророк лайхмуш; и кіе валт вуйколмо, вуйк олмо нымест, сонне линчин вуйк олмо лайхе.
42. И кіе югахт эвт тайн уцьхайн эвтійн напійн кэлм чадзе, уэпсуввэе нымест; вуйкест тійе сарнам, ій кадахт иджес лайхійт.
Эхтэмплогант алкхэш.
И куэсь Исус іэскій иджес кухтемп-логе уэпсувъеттед матьхеммен; вульгій томпе нумпь сайя уэпсед и сарнед синэ лэннійн.
2. А Эвван, куэсь сон сіевнис саест кулый Христоз туійт, вулгехт куэхтас иджес уэпсувъіин,
3. Ціельхкед сонне: Тон лях, али ык, ку быт пуэттед, вай мійе быт нумпь вурьтед?
4. Цилькій сійе Исус вуэста: мэннед, ціельхкед Эвне; мэйт кулбеттед и уйнбеттед.
5. Чальмхеммес шэнтеб уйньен и лэхкэж ваньцеб, проказ-кэбла путтесмеб и кулнахтем кулэшкуэттеб, ям-олмо еалсэллэб и вайваш сарнеб шиг сагыйт.
6. И тэт ли оазлэс, ку ій линче мунэ баяс віерханч.
7. Ну куэсь сій вулькин, Исус альгій сарнед олмыйт Эвван баяс: мэйт тій вардійт пусьт саест кихчмен? Вай олксуйн, пиηгын лыкхэллэм.
