кен Израил лэннійн пыр мэннед, а готь поат олмо парьн.
24. Уэпсуввэй илля шурямп уэпсейед, и слушшей ій шурямп иджес шурред.
25. Лянч уэпсувъя, готь сон лехч уэпсейійннс эвт налла, и слушъя, гот сон лехч иджес шурыйн эвт налла. Готь пэрт хозьин кочсиш веельзевулын; тэн вял чувтамп нэмсэлет сонэ кузтлайт.
26. Нит, іеллед пэллэд синійн: илля ни ми пяйхттуійт, ку рихчьихчи ій, и чикьювма илля ни ми, ку ій лихчи тіеттанч.
27. Мэн сарнам тійе сіевньдэзест, тэн сарнэд чувэ бале; и мэйт пялля кулбеттед, сарнед лагый альн.
28. И іеллед пэллэд тэйн, кок роηкь коньтеб, и иηк іеб уэй коньтед; а пэллэд іенамп тесьт, ку оай и иηк и роηкь майкед адест.
29. Вай микъеб кухт уць лонта эвт мив тяηга вуэста? И ій іор ни эхт синест іемня тинэ аджь пакханна.
30. А тинест и вупт уэйвест пук ліеб локманч.
31. І іеллед пэллэд: тій ліеппед пурямп іеннэг уць лоньтнеттед.
32. Нит юкья, кіе мунэ томтсал олмый эвдест, тэн и мун томтсэлам иччан альм аджь эвдест.
33. А кіе пяхтэдинч мунест олмый эвдест, сонст и мун пяхтэдам альм аччан эвдест.
34. Іеллед юрьтед, што мун путтим пухтед мырэ іемне элэ; ым поаттанч мырэ пухтед, а мик.
35. Тэн гуэйк што мун путтим олмо ратькед аджесес паго, и нійд іенсес, и маηе вуэнместес.
36. И вуэстлинчен олмне линчеи иджес куэтла.
37. Кіе шабашт аджес или іеннес іенамп муннэд, ій анехт мунэ эвдест; и кіе шабашт альгес, или нійдес іенамп муннэд, ій анехт мунэ эвдест.
